លោក ពុយ គា បង្ហើបពីលក្ខខណ្ឌតឹងតែងរបស់ថៃចំពោះកម្ពុជាក្នុងកិច្ចប្រជុំ GBC
រាជធានីភ្នំពេញ ៖ លោក ពុយ គា ប្រធានក្លិបអ្នកកាសែតកម្ពុជា បានប្រកាសនៅលើបណ្តាញសង្គមរបស់លោកនាព្រឹកថ្ងៃទី២៤ ខែធ្នូ ឆ្នាំ២០២៥នេះថា ៖…
រាជធានីភ្នំពេញ ៖ លោក ពុយ គា ប្រធានក្លិបអ្នកកាសែតកម្ពុជា បានប្រកាសនៅលើបណ្តាញសង្គមរបស់លោកនាព្រឹកថ្ងៃទី២៤ ខែធ្នូ ឆ្នាំ២០២៥នេះថា ៖ មុនកិច្ចប្រជុំកម្រិតលេខាធិការដ្ឋាន GBC ដែលគ្រោងធ្វើឡើងនៅល្ងាចថ្ងៃនេះ (ម៉ោង៤:០០រសៀល) នៅខេត្តចន្ថាបុរីជាប់ប៉ៃលិន ថៃបានបង្ហើរលក្ខខណ្ឌដូចខាងក្រោម ៖
-កិច្ចប្រជុំនេះនឹងធ្វើឡើង ចាប់ពីថ្ងៃទី២៤-២៧ ខែធ្នូ ឆ្នាំ២០២៥ ហើយកិច្ចប្រជុំថ្នាក់រដ្ឋមន្ត្រីនឹងប្រព្រឹត្តនៅថ្ងៃទី២៧ ខែធ្នូ នៅខេត្តចន្ថាបុរី ប្រទេសថៃ ។
-ប្រទេសថៃ បានបញ្ជាក់ជាថ្មីនូវគោលការណ៍បីរបស់ខ្លួន ៖
១. កម្ពុជាត្រូវតែប្រកាសបទឈប់បាញ់ជាមុនសិន ។
២. បទឈប់បាញ់ ត្រូវតែពិតប្រាកដ និងបន្តក្រោមការត្រួតពិនិត្យដោយក្រុមអ្នកសង្កេតការណ៍ ។
៣. កម្ពុជាត្រូវតែសហការដោយស្មោះត្រង់ក្នុងការដោះមីន និងសំខាន់ជាងនេះទៅទៀត ត្រូវតែអនុវត្តបទឈប់បាញ់ភ្លាមៗ នៅពេលដែលការចរចា GBC ចាប់ផ្តើម ។
-ប្រសិនបើមន្ត្រីនៅកម្រិតលេខាធិការដ្ឋាន មិនអាចឈានដល់ចំណុចរួម ក្នុងអំឡុងពេលកិច្ចប្រជុំរបស់ពួកគេទេ ការចរចា GBC ថ្នាក់រដ្ឋមន្ត្រីការពារជាតិ នៅថ្ងៃសៅរ៍នឹងមិនមានទៀតឡើយ ៕
ចែករំលែកព័តមាននេះ