រាជធានីភ្នំពេញ៖ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានលើកឡើងថា អ្នកនិពន្ធគឺជាទូតសុច្ឆន្ទៈដ៏មានសារៈសំខាន់ ក្នុងការនាំយកសារអប់រំ និងការផ្សព្វផ្សាយអំពីវប្បធម៌…
រាជធានីភ្នំពេញ៖ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានលើកឡើងថា អ្នកនិពន្ធគឺជាទូតសុច្ឆន្ទៈដ៏មានសារៈសំខាន់ ក្នុងការនាំយកសារអប់រំ និងការផ្សព្វផ្សាយអំពីវប្បធម៌ អរិយធម៌ ជាពិសេសគឺគុណតម្លៃនៃសន្តិភាពទៅកាន់មហាជន។
ការលើកឡើងបែបនេះ បានធ្វើឡើងក្នុងឱកាសដែលលោកជំទាវរដ្ឋមន្ត្រី បានអនុញ្ញាតឱ្យគណៈប្រតិភូអ្នកនិពន្ធជាតិ និងអន្តរជាតិ ចូលជួបសម្តែងការគួរសម កាលពីព្រឹកថ្ងៃទី២៣ ខែធ្នូ ឆ្នាំ២០២៥ នៅទីស្តីការក្រសួងវប្បធម៌។ ជំនួបនេះត្រូវបានរៀបចំឡើង ក្នុងស្មារតីអបអរសាទរកម្មវិធី «ទិវាជាតិអ្នកនិពន្ធ» លើកទី២ ឆ្នាំ២០២៥ ដោយមានការចូលរួមពីតំណាងអ្នកនិពន្ធមកពីប្រទេសចិន ឡាវ និងមីយ៉ាន់ម៉ា ផងដែរ។
ក្នុងបរិយាកាសដ៏ស្និទ្ធស្នាល លោកជំទាវបណ្ឌិតសភាចារ្យ បានសម្ដែងនូវការស្វាគមន៍យ៉ាងកក់ក្តៅចំពោះវត្តមានគណៈប្រតិភូទាំងអស់។ លោកជំទាវបានមានប្រសាសន៍ថា «អ្នកនិពន្ធគឺជាទូតសុច្ឆន្ទៈមួយដែលអាចនាំសារអប់រំ ផ្សព្វផ្សាយអំពីវប្បធម៌ អរិយធម៌ និងគុណតម្លៃសន្តិភាព»៕
ចែករំលែកព័តមាននេះ