រាជធានីភ្នំពេញ ៖ ឆ្លងចរន្តអគ្គិសនីបង្កជាអគ្គិភ័យឆាបឆេះឃ្លាំងលក់ទិញទំនិញអេតចាយមួយកន្លែងជិតទីលានចាក់សំរាមផ្អើលពលរដ្ឋនិងរថយន្តពន្លត់អគ្គីភ័យអន្តរាគមន៍បាញ់ពន្លត់ នៅវេលាម៉ោង ២និង៣០នាទីរំលងអាធ្រាត្រឈានចូលថ្ងៃទី២៤ខែធ្នូឆ្នាំ២០២៥ ចំនុចដីឡូត៍អត់លេខ ទិញនិងលក់ ទំនិញអេតចាយ តាមបណ្ដោយផ្លូវ៥០ម៉ែត្រ ភូមិបាគូ…
រាជធានីភ្នំពេញ ៖ ឆ្លងចរន្តអគ្គិសនីបង្កជាអគ្គិភ័យឆាបឆេះឃ្លាំងលក់ទិញទំនិញអេតចាយមួយកន្លែងជិតទីលានចាក់សំរាមផ្អើលពលរដ្ឋនិងរថយន្តពន្លត់អគ្គីភ័យអន្តរាគមន៍បាញ់ពន្លត់ នៅវេលាម៉ោង ២និង៣០នាទីរំលងអាធ្រាត្រឈានចូលថ្ងៃទី២៤ខែធ្នូឆ្នាំ២០២៥ ចំនុចដីឡូត៍អត់លេខ ទិញនិងលក់ ទំនិញអេតចាយ តាមបណ្ដោយផ្លូវ៥០ម៉ែត្រ ភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ ។
ម្ចាស់ទីតាំង មានឈ្មោះ ម៉ាង ស្រីពេជ្រ ភេទស្រី អាយុ២៨ឆ្នាំ មុខរបរទិញលក់អេតចាយ ស្នាក់នៅកន្លែងកើតហេតុ ។
តាមការរៀបរាប់ពីស្ត្រីជាម្ចាស់ទីតាំងបានអោយដឹងថា ទីតាំងទិញលក់អេតចាយរបស់គាត់ បានជួលដីឡូត៍ចំនួន២ម្ចាស់ ដើម្បីធ្វើអាជីវកម្មទិញលក់ទំនិញអេតចាយ ហើយកន្លែងរបស់គាត់មានកម្មករប្រុសស្រីធ្វើការស្នាក់នៅចំនួន១៩នាក់មាន៧រោង ទាំងរោងលក់ចាប់ ហួយ។
ប្រភពបន្តទៀតថា ពេលកើតហេតុ ពួកគាត់កំពុងតែនៅចាំទិញលក់ អេតចាយដូចធម្មតា ស្រាប់តែទុស្សេខ្សែភ្លើងនៅបន្ទប់កម្មករស្នាក់នៅ ហើយប្តីគាត់ទៅពន្លត់ម្តងហើយ តែមិនរលត់ ក៍បង្កអោយមានជាការឆាបឆេះរាលដាលភ្លើងឡើងសន្ធោសន្ធៅតែម្តង ដោយសារតែមានខ្យល់បក់ផង ទើបធ្វើអោយភ្លើងឆេះរាលដាលកាន់តែខ្លាំងទៅៗ បាននាំគ្នារាយការណ៍ជូនអាជ្ញាធរនិងសមត្ថកិច្ចសុំជំនួយរថយន្តពន្លត់អគ្គីភ័យអោយជួយចេញអន្តរាគមន៍បាញ់ពន្លត់ផងដែរ ។
ករណីនេះផងដែរ បន្តិចក្រោយមកក៍មានកម្លាំងអាជ្ញាធរនិងសមត្ថកិច្ចរួមទាំងរថយន្តពន្លត់អគ្គីភ័យ អន្តរាគមន៍ចំនួន៣គ្រឿង ក្នុងមានរថយន្តពន្លត់អគ្គីភ័យរបស់ការិយាល័យប្រចាំនៅសាលាខណ្ឌដង្កោចំនួន៦គ្រឿងប្រើប្រាស់អស់ទឹក១៤រថយន្ត និងរថយន្តពន្លត់អគ្គីភ័យរបស់ក្រុមហ៊ុនស្រាបៀរកម្ពុជាចំនួន១គ្រឿង ប្រើប្រាសទឹកអស់២រថយន្ត បានសហការគ្នា បាញ់ពន្លត់រហូតដល់ម៉ោង៤និង៣០នាទីយប់ថ្ងៃដដែលទើបធ្វើអោយភ្លើងរលត់ទៅវិញជាស្ថាពរ ។
អគ្គីភ័យនេះសមត្ថកិច្ចបានអោយដឹងថា មិនមានគ្រោះថ្នាក់ដល់មនុស្ស និងរាលដាលដល់ផ្ទះសម្បែងប្រជាពលរដ្ឋណានោះទេ គ្រាន់តែតែខូចខាតអស់ម៉ូតូចំនួន៣គ្រឿង និងឆេះ សំភារៈអេតចាយមួយចំនួន ទំហំ១០ម៉ែត្រគុណនឹង២០ម៉ែត្រតែប៉ុណ្ណោះ ។ ចំពោះមូលហេតុគឺបណ្ដាលមកពីឆ្លងចរន្តអគ្គិសនីតូបអេតចាយ បង្កជាអគ្គិភ័យឆាបឆេះបែបនេះ ៕
ចែករំលែកព័តមាននេះ