ស្ថានទូតបារាំងប្រចាំនៅកម្ពុជា នៅព្រឹកថ្ងៃទី២៤ ខែធ្នូ ឆ្នាំ២០២៥នេះ បានចេញសេចក្តីថ្លែងការណ៍ពិសេសមួយរបស់លោក ហ្សង់-ណូអែល បារ៉ូ (Jean-Noël Barrot) រដ្ឋមន្ត្រីអឺរ៉ុប…
ស្ថានទូតបារាំងប្រចាំនៅកម្ពុជា នៅព្រឹកថ្ងៃទី២៤ ខែធ្នូ ឆ្នាំ២០២៥នេះ បានចេញសេចក្តីថ្លែងការណ៍ពិសេសមួយរបស់លោក ហ្សង់-ណូអែល បារ៉ូ (Jean-Noël Barrot) រដ្ឋមន្ត្រីអឺរ៉ុប និងការបរទេសបារាំង ពាក់ព័ន្ធនឹងស្ថានភាពតានតឹងនៅតាមព្រំដែនកម្ពុជា-ថៃ ។
នៅក្នុងសេចក្តីថ្លែងការណ៍នោះ លោក រដ្ឋមន្ត្រីបានសម្តែងនូវក្តីបារម្ភយ៉ាងខ្លាំង ដោយបញ្ជាក់ថា ៖ «ជម្លោះរវាងប្រទេសកម្ពុជា និងប្រទេសថៃ បានបង្កឱ្យមានការជម្លៀសមនុស្សប្រមាណមួយលាននាក់រួចមកហើយ ។ ខ្ញុំបានទាក់ទងតាមទូរស័ព្ទទៅសមភាគីកម្ពុជា និងថៃ ដើម្បីជំរុញឱ្យមានបទឈប់បាញ់មួយភ្លាមៗ ។ សន្តិភាពមួយ ប្រកបដោយភាពត្រឹមត្រូវ និងចីរភាព អាចទទួលបានតែតាមរយៈការចរចាប៉ុណ្ណោះ។ »
គួរបញ្ជាក់ផងដែរថា ការចេញមុខរបស់បារាំងនៅពេលនេះ ត្រូវបានគេមើលឃើញថាជាការព្យាយាមដើរតួជាអ្នកសម្របសម្រួល និងជាការក្រើនរំលឹកដល់ភាគីជម្លោះ ឱ្យត្រឡប់មករកតុចរចាវិញជាដាច់ខាត ដើម្បីបញ្ចៀសការរងទុក្ខវេទនារបស់ប្រជាជនស្លូតត្រង់ដែលកំពុងជាប់គាំងក្នុងតំបន់សង្គ្រាម ៕
ចែករំលែកព័តមាននេះ