លោកវរសេនីយ៍ទោ ហ៊ុត គង់ អធិការរងខណ្ឌចំការមន ទទួលផែនការងារជំនាញកោសល្យវិច្ឆ័យ នៃអធិការដ្ឋាននគរបាលខណ្ឌចំការមន ត្រូវបានកម្លាំងសមត្ថកិច្ចនគរបាលជំនាញព្រហ្មទណ្ឌកម្រិតស្រាលរាជធានីភ្នំពេញ បញ្ជូនខ្លួនទៅកាន់តុលាការហើយ
រាជធានីភ្នំពេញ ៖ លោកវរសេនីយ៍ទោ ហ៊ុត គង់ អធិការរងខណ្ឌចំការមន ទទួលផែនការងារជំនាញកោសល្យវិច្ឆ័យ នៃអធិការដ្ឋាននគរបាលខណ្ឌចំការមន ត្រូវបានកម្លាំងសមត្ថកិច្ចនគរបាលជំនាញព្រហ្មទណ្ឌកម្រិតស្រាលរាជធានីភ្នំពេញ បញ្ជូនខ្លួនទៅកាន់តុលាការហើយ កាលពីរសៀលថ្ងៃទី១៦ ខែសីហា ឆ្នាំ២០២៣ ដើម្បីបើកការស៊ើបសួរលើករណី «ប្រើអំពើហិ.ង្សាដោយចេតនាទោលើប្រជាពលរដ្ឋ»។
ករណីហិ.ង្សាខាងលើនេះ ត្រូវបានគេដឹងថា សមត្ថកិច្ចបានធ្វើរបាយការណ៍សំយោគ ដាក់ជូនទៅស្ថាប័នអយ្យការអមសាលាដំបូងរាជធានីភ្នំពេញ ដោយចោទប្រកាន់ភាគីទាំងសងខាង «វៃទៅវ៉ៃមក» ។
សមត្ថកិច្ចបានបង្ហើបឲ្យដឹងថា «មកដល់ពេលនេះ ភាគីលោក ហ៊ុត គង់ អធិការរងខណ្ឌចំការមន បានដាក់ពាក្យបណ្តឹងប្តឹងទៅភាគីប្រជាពលរដ្ឋម្នាក់ដែលលោកវា.យ១ដៃសន្លប់ ខណៈបើករថយន្តបុ.កគំរបលូនៅលើផ្លូវនោះរួចរាល់ហើយ ចំណែកភាគីរងនូវកណ្តាប់លោកអធិការរងវិញ មិនទាន់បានទៅដាក់ពាក្យបណ្តឹងដល់សមត្ថកិច្ចជាផ្លូវការនៅឡើយទេ។
ហើយបើតាមពាក្យបណ្តឹងរបស់លោកអធិការរង ហ៊ុត គង់ បានបញ្ជាក់ថា នៅយប់ថ្ងៃកើតហេតុនោះ លោកបានចេញពីកម្មវិធីមួយ ហើយជិះម៉ូតូតាមផ្លូវក៏ឃើញម៉ូតូ និងរថយន្តបើកក្នុងល្បឿនលឿន លោកក៏តាមពីក្រោយ ខណៈពេលមើលទៅ ហាក់ដូចជារថយន្តដេញបុ.កម៉ូតូអញ្ចឹង។ លុះដល់ផ្លូវកោង ម៉ូតូបានបត់ផុត ចំណែករថយន្តបត់អត់ផុតទេ ក៏បុ.កជាមួយនឹងគំរបលូ ពេលនោះលោកបានឈប់ពីក្រោយរថយន្ត ហើយសួរទៅម្ចាស់រថយន្តថា «អូនហែងបើកឡានលឿនម៉េសអាអូនហា» ទើបមានការប៉ះសម្ដីគ្នា ហើយម្ចាស់រថយន្តស្រែកខ្លាំងពេក លោកក៏ស្ទុះទៅទះក្បាលមួយដៃ ក្រោយពីទះក្បាលអ្នកបើកបរ១ដៃ ភាគីខាងនោះក៏វា.យលោកវិញ រហូតបាក់ធ្មេញខាងមុខអស់៣តែម្ដង។
ពាក្យបណ្តឹងរបស់លោកអធិការរង ហ៊ុត គង់ បានបញ្ជាក់បន្តថា ក្រោយមកលោកក៏បានឡើងជិះម៉ូតូមានបំណងគេចចេញ តែត្រូវម្ចាស់រថយន្ត និងអ្នកសារព័ត៌មានឃាត់មិនឲ្យទៅ។ លុះដល់ឃាត់មិនឲ្យទៅ លោកក៏ចុះពីលើម៉ូតូវិញ ហើយឃើញភាគីម្ខាងទៀតនៅឡូឡា និងសម្ភាសន៍ជាមួយអ្នកកាសែត បន្ទាប់មកលោកក៏ដើរសំដៅទៅទះមួយដៃទៀត អ្នកបើកបរនោះសន្លប់ឈឹង រួចលោកឡើងម៉ូតូជិះទៅកាន់អធិការដ្ឋាននគរបាលខណ្ឌចំការមនតែម្តងទៅ។ ដូច្នេះសូមមហាជនរង់ចាំតាមដានមើលតទៅទៀត បើសិនជាដូចរាយការណ៍សំយោគរបស់សមត្ថកិច្ចដាក់ជូនទៅស្ថាប័នអយ្យការនោះមែន បើចោទប្រកាន់លោកអធិការរង ជាអ្នកប្រព្រឹត្តអំពើហិ.ង្សាលើម្ចាស់រថយន្ត ក៏ត្រូវចោទម្ចាស់រថយន្តដែរ ព្រោះជាករណី «វ៉ៃទៅវ៉ៃមក» មានន័យថា «មិនអាចមានភាគីណាជាអ្នករងគ្រោះ ឬភាគីមួយជាជនដៃដល់នោះទេ»។
សូមបញ្ជាក់ថា កាលពីវេលាម៉ោងជាង១រំលងអធ្រាត្រយប់ឈានចូលថ្ងៃទី១៤ ខែសីហា ឆ្នាំ២០២៣ កន្លងទៅ នៅចំណុចផ្លូវបំបែកជាបួន លើផ្លូវ៤៨៤ កែងផ្លូវលេខ៩៩ ស្ថិតក្នុងសង្កាត់បឹងត្របែក ខណ្ឌចំការមន រាជធានីភ្នំពេញ មានករណីបុរសម្នាក់បើករថយន្ត PRIUS ពាក់ស្លាកលេខ ភ្នំពេញ2BV-5390 ទៅបុកឃឿនផ្ទះប្រជាពលរដ្ឋ បណ្តាលឲ្យខូចខាតបន្តិចបន្តួច។ បន្ទាប់ពីកើតហេតុ ក៏មានបុរសម្នាក់ទៀតជិះម៉ូតូម៉ាក PCX ជាអធិការរងនគរបាលខណ្ឌចំការមន បានមកឃាត់រថយន្ត ហើយប្រើពាក្យសម្ដីមិនសមរម្យ រហូតដល់ប្រើអំពើហិ.ង្សាវា.យម្ចាស់រថយន្ត បណ្ដាលឲ្យសន្លប់នៅនឹងកន្លែងកើតហេតុតែម្ដង ។
គួររំលឹកទៀតថា ៖ លោក ស ថេត នឹងចាត់វិធានការតាមច្បាប់ចំពោះអធិការរងខណ្ឌនគរបាលខណ្ឌចំការមនប្រើហិ.ង្សា ៕
ចែករំលែកព័តមាននេះ