រាជធានីភ្នំពេញ ៖ លោកស ថេត អគ្គស្នងការរង និងជាស្នងការនគរបាលរាជធានីភ្នំពេញនឹងចាត់ វិធានការច្បាប់ចំពោះអធិការរងខណ្ឌនគរបាលខណ្ឌចំការមន រាជធានីភ្នំពេញ ដែលបានប្រើហិង្សាលើបុរសម្នាក់ក្នុងករណីគ្រោះថ្នាក់ចរាចរណ៍ កាលពីយប់ថ្ងៃទី១៣…
រាជធានីភ្នំពេញ ៖ លោកស ថេត អគ្គស្នងការរង និងជាស្នងការនគរបាលរាជធានីភ្នំពេញនឹងចាត់ វិធានការច្បាប់ចំពោះអធិការរងខណ្ឌនគរបាលខណ្ឌចំការមន រាជធានីភ្នំពេញ ដែលបានប្រើហិង្សាលើបុរសម្នាក់ក្នុងករណីគ្រោះថ្នាក់ចរាចរណ៍ កាលពីយប់ថ្ងៃទី១៣ សីហា ឆ្នាំ២០២៣ ទៅតាមច្បាប់។
យោងតាមបណ្តាញសង្គមរបស់ស្នងការដ្ឋាននគបាលរាជធានីភ្នំពេញ បានចេញផ្សាយនៅថ្ងៃទី១៤ សីហា បានធ្វើការបកស្រាយបំភ្លឺរបស់ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ ទាក់ទងទៅនឹងករណីគ្រោះថ្នាក់ចរាចរណ៍បង្កឲ្យមានអំពើហិង្សាកាលពីវេលាម៉ោងជាង១យប់រំលងអធ្រាត្រ ឈានចូលថ្ងៃទី១៤ ខែសីហា ឆ្នាំ២០២៣ នៅចំណុចផ្លូវបំបែកជាបួន លើផ្លូវ៤៨៤ កែងផ្លូវលេខ៩៩ ស្ថិតក្នុងសង្កាត់ ផ្សារដើមថ្កូវ ព្រំប្រទល់សង្កាត់បឹងត្របែក ខណ្ឌចំការមន រាជធានីភ្នំពេញ លើករណីបុរសម្នាក់បើករថយន្ត PRIUS ទៅបុកឃឿនផ្ទះប្រជាពលរដ្ឋបណ្តាលឲ្យខូចខាតបន្តិចបន្តួច ។
បន្ទាប់ពីកើតហេតុ បុរសម្នាក់ទៀតជិះម៉ូតូម៉ាក PCX ជាអធិការរងនគរបាលខណ្ឌចំការមន បានមកឃាត់រថយន្ត ហើយប្រើពាក្យសម្ដីមិនសមរម្យ រហូតដល់ប្រើអំពើហិង្សាវាយ ម្ចាស់រថយក្នុងនាមជាមន្ត្រីនគរបាលជាតិ ពេលឃើញករណីគ្រោះថ្នាក់ចរាចរណ៍ បណ្តាលខូច ខាតទ្រព្យ សម្បត្តិសាធារណៈ ត្រូវធ្វើការសួរនាំ និងឃាត់យានយន្តយកមករក្សាទុក ដើម្បីអនុវត្តតាមនិតិវិធី និងផាកពិន័យតាមច្បាប់ ប៉ុន្តែក្នុងនាមជាមន្ត្រីនគរបាល បើអនុវត្តខុសគឺត្រូវតែអនុវត្តតាមច្បាប់។
ស្នងការដ្ឋាននគរបាលរាជធានីភ្នំពេញ ដោយអនុវត្តតាមបទបញ្ជារបស់លោកឧត្តម សេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ មន្ត្រីដែលអនុវត្តខុស ដោយបានប្រេីអំពេីហិង្សាលេីប្រជាពលរដ្ឋ គឺត្រូវតែយកច្បាប់មកអនុវត្ត ។
សូមជម្រាបថា បើតាមវិដេអូដែលក្រុមអ្នកសារព័ត៌ថតបានក្នុងហេតុការណ៍ខាងលើនេះ ឃើញភាគីទាំងពីរមានជជែកគ្នាមួយសន្ទុះក្រោយមកលោកអធិការរងបានធ្វើការវាយលើបុរសម្នាក់ជិះរថយន្តម៉ាព្រូស រួចហើយក៏មានការវាយតបតគ្នាទៅវិញទៅមកក៏ឈប់។មួយសន្ទុះមក បុរសដែលជិះរថយន្តបាននិយាយមួយអ្នកសារព័ត៌មានស្រាប់តែ លោកអធិការរងមក វាយមួយដៃបណ្តាលសន្លប់មួយរំពេច។
មហាជនដែលបានលើវីដេអូនាំគ្នារិះគន់យ៉ាងខ្លាំងចំពោះទង្វើរបស់លោកធិការរងនេះ ដោយធ្វើជាមន្ត្រីមានសមត្ថកិច្ចបែជាធ្វើទង្វើដែលមិនគួរឲ្យគោរព រហូតអ្នកខ្លះឲ្យថ្នាក់ដឹកនាំដក បញ្ឈប់ពីក្របខណ្ឌថែមទៀត ។
សូមបញ្ជាក់ថា លោកអធិការរងខណ្ឌចំការមនបានបង្កហិង្សាទៅលើបុរសម្នាក់ ក្រោយបើករថយន្តតូយ៉ូតាព្រុសជ្រុលទៅបុកឃឿនចិញ្ចើមផ្លូវមុខផ្ទះប្រជាពលរដ្ឋរងការខូចខាត ស្រាប់តែមានបុរសម្នាក់ទៀតដែលគេស្គាល់ថា ជាលោកអធិការរងខណ្ឌចំការមន បានជិះម៉ូតូចុះមកសួរនាំបង្កជាហិង្សាវាយគ្នាទៅវិញទៅមក ផ្អើលសមត្ថកិច្ចចុះអន្តរាគមន៍ផងដែរ នៅវេលាម៉ោង១២និង៤០នាទីរំលងអធ្រាត្រ ឈានចូលថ្ងៃ ទី១៤ ខែសីហា ឆ្នាំ២០២៣ ចំណុចផ្លូវ៩៩កែងផ្លូវ៤៨៤ សង្កាត់បឹងត្របែក ខណ្ឌចំការមន ។
តាមប្រភពព័ត៌មានបានអោយដឹងថា មុនពេលកើតហេតុ គេបានឃើញបុរសម្នាក់បានបើករថយន្តម៉ាកតូយូតាព្រុស សេរីឆ្នាំ២០១០ ពណ៌ខ្មៅ ពាក់ស្លាកលេខភ្នំពេញ 2BV 5390 ធ្វើដំណើរតាមបណ្ដោយផ្លូវ៩៩ទិសដៅពីជើងទៅត្បូងក្នុងល្បឿនលឿន លុះមកដល់ចំនុចកើតហេតុបួងចង្កូតបត់ឆ្វេងជ្រុលទៅបុកឃឿនចិញ្ចើមផ្លូវមុខផ្ទះប្រជាពលរដ្ឋបណ្តាល អោយបែកឃឿនតិចតួច ក៍ដូចជារងការខូចខាតរថយន្ត ផ្នែកខាងមុខតិចតួច ។
គាប់ជួនពេលនោះ ស្រាប់តែបុរសម្នាក់ដែលគេស្គាល់ថា ជាលោកអធិការរងខណ្ឌចំការមនបានជិះម៉ូតូម៉ាក PCX ពណ៌ខ្មៅ ពាក់ស្លាកលេខ ភ្នំពេញ 1JN 8247 បានជិះមកដល់ ហើយចោទបុរសជាអ្នកបើកបររថយន្តថា បើករថយន្តដេញបុកគេ ទើបកើតជាទំនាស់ពាក្យសម្ដីគ្នា ហើយតាំងខ្លួនគាត់ជាកងកម្លាំង ពេលនោះបុរសជាអ្នកជិះម៉ូតូបានស្ទុះទៅវាយបុរសជាអ្នកបើករថយន្តមួយដៃ ធ្វើឲ្យបុរសជាអ្នកបើករថយន្តស្ទុះទៅវាយប្រតាយប្រតប់គ្នា រហូតទាល់តែផ្អើលសមត្ថកិច្ចមូលដ្ឋានប៉ុស្តិ៍ចុះទៅអន្តរាគមន៍ ពេលសមត្ថកិច្ចចុះទៅបំបែកហើយបុរសជាអ្នកបើករថយន្តបានឈរនិយាយជាអ្នកព៍ត័មាន ក៍ស្រាប់តែបុរសជាជាអ្នកជិះម៉ូតូ បានលបទៅវាយបុរសជាអ្នកបើករថយន្តមួយដៃទៀតធ្វើឲ្យដួលទៅលើដី រងរបួសត្រង់ថ្គាម ទើបដើរគេចចេញ ហើយក៍មានអ្នកជិះម៉ូតូមករំដោះទៅបាត់ទៅ ។
ក្នុងហេតុការណ៍នេះដែរ បន្ទាប់ពីខាងម៉ូតូគេចបាត់ហើយ ម្ចាស់រថយន្តបានបាត់ទូរស័ព្ទម៉ាក iphone 14pro mix មួយគ្រឿងនិងរងរបួសត្រូវថ្គាម តែមិនបានទៅមន្ទីរពេទ្យនោះទេ។ ដោយឡែកប្រភពពីពលរដ្ឋ បានបន្តអោយដឹងថា បុរសអ្នកជិះម៉ូតូ គឺជាអធិការរងខណ្ឌ ចំការមន ប្រនាម ប្រាសាក់១៤ ។ ក្រោយពេលកើតហេតុ សមត្ថកិច្ចជំនាញបានសម្រេចយករថយន្តនិងម៉ូតូទៅរក្សាទុកនៅការិយាល័យនគរបាលចរាចរណ៍ផ្លូវគោកដើម្បីចាត់ការតាមនិតិវិធីជាបន្តទៀត ៕
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ