ខេត្តព្រះសីហនុ ៖ សំឡេងរណារយន្តបានបន្លឺយ៉ាងកងរំពង រួមជាមួយរថយន្តកំពុងធ្វើសកម្មភាពយ៉ាងគគ្រឹកគគ្រេងនៅក្នុងតំបន់ការពារច្រើនយ៉ាងក្បាលឆាយ ចំណុចលើឆ្នេរព្រែកៗក្នុងភូមិ4 ឃុំអូរត្រេះស្រុកស្ទឹងហាវ ខេត្តព្រះសីហនុ បង្កឲ្យប្រជាពលរដ្ឋជាច្រើនបានចោទសួតៗគ្នា តែពុំទទួលបានចម្លើយច្បាស់លាស់ណាមួយឡើយ ។…
ខេត្តព្រះសីហនុ ៖ សំឡេងរណារយន្តបានបន្លឺយ៉ាងកងរំពង រួមជាមួយរថយន្តកំពុងធ្វើសកម្មភាពយ៉ាងគគ្រឹកគគ្រេងនៅក្នុងតំបន់ការពារច្រើនយ៉ាងក្បាលឆាយ ចំណុចលើឆ្នេរព្រែកៗក្នុងភូមិ4 ឃុំអូរត្រេះស្រុកស្ទឹងហាវ ខេត្តព្រះសីហនុ បង្កឲ្យប្រជាពលរដ្ឋជាច្រើនបានចោទសួតៗគ្នា តែពុំទទួលបានចម្លើយច្បាស់លាស់ណាមួយឡើយ ។
ដោយសារចម្ងល់របស់ប្រជាពលរដ្ឋ ក៏ដូចជាអ្នកបានឃើញសកម្មភាពយ៉ាងគគ្រឹកគគ្រេងនៅក្នុងដែនសមត្ថកិច្ចការពាររបស់ក្រសួងបរិស្ថាន ក្រុមអ្នកសារព័ត៌មានមួយក្រុមបានចុះទៅដល់ទីតាំងហើយបានផ្ដិតយករូបភាពឃើញថា ពិតជាមានសកម្មភាពកាត់ដើមអាកាស្យាក្នុងដែនការពារព្រៃឈើរបស់មន្ទីរ និងក្រសួងបរិស្ថានពិតមែន ។
ដោយមានទាំងរណារយន្តរាប់សិបគ្រឿង និងរថយន្តជាច្រើនគ្រឿងបានសម្រុកដឹកចេញទៅលក់នៅលើទីផ្សារយ៉ាងសេរីដោយឈើខ្លះបានជាក្តារបន្ទះ ជាបង្កង់ ជាផ្លាន និងខ្លះទៀតកាត់ជាកង់ជាកង់ដោយ មានខ្នាតត្រឹមត្រូវដោយពុំបានខ្វល់ខ្វាយពីបញ្ហាខាងក្រៅអ្វីបន្តិចសោះ។
ឆ្លើយតបទៅហ្នឹងសំណួររបស់ក្រុមអ្នកសារព័ត៌មានយុវជនឈ្មោះដែនដែលអះអាងថា ជាមេការគ្រប់គ្រងការកាប់ដើមអាកាស្យានេះបានឆ្លើយយ៉ាងខ្លីថា ពួកគេគឺជាអ្នកម៉ៅការកាប់ដើមអាកាស្យាតែប៉ុណ្ណោះ ពីព្រោះការកាប់នេះគឺមានការអនុញ្ញាតត្រឹមត្រូវ ពីស្ថាប័នពាក់ព័ន្ធ តាំងពីថ្នាក់ខេត្តដល់ថ្នាក់ក្រសួងបរិស្ថាន ។ ឯចំពោះឈើដែលអារួចហើយដឹកចេញទៅខាងក្រៅនោះរឿងលក់ ឬមិនលក់ឬយកទៅទីណាលោកពុំមានសិទ្ធិចាត់ចែងនឹងដឹងរឿងនោះទេ ។
ជុំវិញករណីនេះផងដែរ លោកសាមុត សុធារិទ្ធ ប្រធានមន្ទីរបរិស្ថានខេត្តព្រះសីហនុបានឆ្លើយថា ចំពោះការនិយាយតៗគ្នារឿងកាត់ដើមអាកាស្យានេះ លោកក៏ធ្លាប់បានឬខ្លះៗដែរ ប៉ុន្តែពេលនេះដើម្បីឆ្លើយតបនិងបញ្ឈប់ការភាន់ច្រឡំថា ខាងមន្ទីរបរិស្ថានបើកដៃឲ្យឈ្មួញកាប់ដោយអាណាធិបតេយ្យក្នុងដែនការពារនេះលោកសូមបញ្ជាក់ថា ទីតាំងដីនេះត្រូវបានរាជរដ្ឋាភិបាលកាត់ចេញពីតំបន់ការពារច្រើនយ៉ាងក្បាលឆាយ ចំនួនជាង27ហិកតា ដើម្បីឈូសឆាយធ្វើជាសំណង់ តម្លៃទាបសម្រាប់លក់ជូនបងប្អូនប្រជាពលរដ្ឋក្រីក្រដែលពុំមានលំនៅដ្ឋានពិតប្រាកដ ។
ដូចនេះ ដើម្បីស្ថាបនាកសាងសំណង់និងរៀបចំបើកការដ្ឋានក្រុមហ៊ុនទទួលការងារសាងសង់ បានចាប់ផ្ដើមកាប់និងឈូរឆាយដើមអាកាស្យានេះចេញបើពុំដូចនោះទេ យើងពុំអាចសាងសង់បាននោះឡើយ។ហេតុនេះសូមបងប្អូនប្រជាពលរដ្ឋ បញ្ឈប់ការយល់ច្រឡំតទៅទៀតទៅព្រោះអ្វីៗបើពុំមានការអនុញ្ញាតទៅតាមផ្លូវច្បាប់នោះទេក្រុមហ៊ុនដែលទទួលសិទ្ធិម៉ៅការកសាងសំណង់ ពិតជាពុំហ៊ានធ្វើអ្វីផ្ដេសផ្ដាសនោះទេ ព្រោះការកាប់បំផ្លាញព្រៃឈើគឺជាអំពើល្មើសច្បាប់។
ប៉ុន្តែបើយោងតាមគម្រោងនៃការកាប់ ដើមអាកាស្យា គឺអាចឈានទៅដល់៤០ ឬ ៥០ ហិចតាឯណោះ ព្រោះបើយោងតាមប្រភពក្រៅផ្លូវការពីរនាក់នៅក្បែរៗ អ្នកទទួលទិញ ដើមអាកាស្យា នោះបានលួចបង្ហើបថា ពួកគេបានទទួលសិទ្ធិកាប់ដើមអាកាស្យាក្នុងទំហំដ៏ច្រើន លើសពី 50 ហិចតា។ហេតុនេះមានតែ រង់ចាំមើលទាំងអស់គ្នា ថាតើមន្ទីរ ក្រសួងសាម៉ី និងស្ថាប័នពាក់ព័ន្ធ មានចំណាត់ការបែបណា ?
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ