ខេត្តព្រះវិហារ ៖ អំណោយឧបត្ថម្ភដល់វរសេនាតូចលេខ៣៩២ ចំណុះកងពលតូចអន្តរាគមន៍លេខ៩ ការពារតំបន់ប្រាសាទព្រះវិហារ រួមមានមី៨០កេស ត្រីខកំប៉ុង២កេស សាប៊ូ១កេស ថ្នាំសេរ៉ូម (០,៩%) ៤០ប្លោក និងស្កាល់វ៉េន ទ្រុស ៤០ ថ្នាំ IMORYZ ២៥ប្រអប់ ស្មើ២.៥០០គ្រាប់ ថ្នាំ ANTIGOLD ២០ប្រអប់ ស្មើ២.០០០គ្រាប់
ខេត្តព្រះវិហារ ៖ អំណោយឧបត្ថម្ភដល់វរសេនាតូចលេខ៣៩២ ចំណុះកងពលតូចអន្តរាគមន៍លេខ៩ ការពារតំបន់ប្រាសាទព្រះវិហារ រួមមានមី៨០កេស ត្រីខកំប៉ុង២កេស សាប៊ូ១កេស ថ្នាំសេរ៉ូម (០,៩%) ៤០ប្លោក និងស្កាល់វ៉េន ទ្រុស ៤០ ថ្នាំ IMORYZ ២៥ប្រអប់ ស្មើ២.៥០០គ្រាប់ ថ្នាំ ANTIGOLD ២០ប្រអប់ ស្មើ២.០០០គ្រាប់ ថ្នាំ PAINDOL (500mg) ៥ប្រអប់ស្មើ៦.០០០គ្រាប់ ថ្នាំ AMP (500mg) ស្មើ២.០០០គ្រាប់ ថ្នាំ Cotrim (480mg) ស្មើ១.០០០គ្រាប់ ថ្នាំមុលទីវីតាមីន២.០០០គ្រាប់ ថ្នាំប៉ារ៉ា (500mg) ១.០០០គ្រាប់ និងថវិកា១លានរៀល ត្រូវបានលោកឡូ យុយ អភិបាលខណ្ឌចំការមននាំយកទៅប្រគល់ជូនដល់កងវរសេនាតូចលេខ៣៩២ កាលពីថ្ងៃទី៩ ឧសភា ឆ្នាំ២០១១។
ប្រតិភូរួមដំណើរជាមួយលោកអភិបាលខណ្ឌចំការមនក្នុងឱកាសចុះសាកសួរសុខទុក្ខកងយោធពលខេមរភូមិន្ទនៅសមរភូមិមុខនាឱកាសនោះមានលោកគឹម ឈុនអ៊ូ ប្រធានក្រុមប្រឹក្សាខណ្ឌចំការមន លោកទុយ ប៊ុនសេរីរ័ត្នមុនីនាយករងរដ្ឋបាលខណ្ឌចំការមន ។
លោកឡូ យុយ អភិបាលខណ្ឌចំការមន បានឱ្យដឹងថា អំណោយដែលបាននាំ យកទៅចែកជូនដល់កងទ័ពក្នុងឱកាសនោះគឺបានមកពីសប្បុរសជនដែលជាអាជីវករលក់ដូរនៅផ្សារបឹងកេងកងដែលបានចូលរួមចំណែកលើកទឹកចិត្តដល់កងទ័ពយើងដែលកំពុងជាប់រវល់ឈរជើងការពារសមរភូមិព្រំដែនព្រះវិហារដែលចោរសៀមកំពុងឈ្លានពាន។
បន្ទាប់ពីទទួលបានអំណោយឧបត្ថម្ភពីប្រតិភូខណ្ឌចំការមន លោកប្រធានវរសេនាតូចលេខ៣៩២ បានថ្លែងអំណរគុណចំពោះគណៈប្រតិភូដែលបានផ្តល់អំណោយដល់ទាហានជួរមុខជាបន្តបន្ទាប់ជាសក្ខីភាពផ្សារភ្ជាប់រវាងសមរភូមិមុខ និងសមរភូមិក្រោយ ៕
ចែករំលែកព័តមាននេះ