សាច់ញាតិ១០នាក់ជិះឡានឆ្លងខេត្តមកយកកូនស្រីទៅផ្ទះវិញ ក្លាយជាសោកនា.ដកម្មលើផ្លូវជាតិលេខ១
- ព្រៃវែង
ខេត្តព្រៃវែង ៖ មានករណីរថយន្តម៉ាកហាយឡែនឌ័រ បុ.កជាមួយរថយន្តកូរ៉េដឹកផ្លែឈើ ដែលបើក
ខេត្តព្រៃវែង ៖ មានករណីរថយន្តម៉ាកហាយឡែនឌ័រ បុ.កជាមួយរថយន្តកូរ៉េដឹកផ្លែឈើ ដែលបើក
ខេត្តព្រៃវែង ៖ មានករណីរថយន្តម៉ាកហាយឡែនឌ័រ បុ.កជាមួយរថយន្តកូរ៉េដឹកផ្លែឈើ ដែលបើកមកបញ្ច្រាស់ទិសគ្នា បង្កទៅជាសោកនា.ដកម្មដ៏ធំមួយ ដែលបណ្តាលឱ្យមនុស្សក្មេងចាស់ប្រុសស្រីសរុបចំនួន៤នាក់បានស្លា.ប់បាត់បង់ជីវិត និង៧នាក់ផ្សេងទៀតបានរងរបួសធ្ងន់ស្រាល។
ហេតុការណ៍គ្រោះថ្នាក់ចរាចរណ៍ដ៏គួរអោយរន្ធ.ត់ខាងលើនេះ បានកើតឡើងកាលពីវេលាម៉ោងជិត១២យប់ថ្ងៃទី១៣ សីហា ឆ្នាំ២០២៣ នៅលើកំណាត់ផ្លូវជាតិលេខ១ ត្រង់ចំណុចខាងមុខការ៉ាស់សាំង PTT ក្នុងភូមិស្ទឹងស្លូត ឃុំអ្នកលឿង ស្រុកពាមរក៍ ខេត្តព្រៃវែង ។
តាមប្រភពពត៌មានពីសមត្ថកិច្ចបានអោយដឹងថា មុនពេលកើតហេតុ គេឃើញរថយន្តមួយគ្រឿងម៉ាកហាយឡែនឌ័រ ពាក់ស្លាកលេខ ២AZ-០៦១៤ ជិះគ្នា១០នាក់ បានធ្វើដំណើរមកក្នុងទិសដៅពីលិចទៅកើត ក្នុងល្បឿនយ៉ាងលឿន លុះមកដល់ចំណុចកើតហេតុ រថយន្តបានរេចង្កូតឆ្លងទ្រូងថ្នល់ទៅខាងឆ្វេង បុ.កចំពីមុខរថយន្តកូរ៉េដឹកផ្លែឈើ ដែលបើកមកបញ្ច្រាស់ទិសគ្នាយ៉ាងពេញទំហឹង បណ្តាលអោយរថយន្តហាយឡែនឌ័រវិល២-៣ជុំ ក្រឡា.ប់ធ្លាក់ចេញពីផ្លូវ និងមនុស្សក្នុងរថយន្ត១០នាក់ ខ្ទា.តចេញមកក្រៅដេកស្តូកស្តឹងពេញផ្លូវ ចំណែករថយន្តកូរ៉េដឹកផ្លែឈើ ក្រឡា.ប់ផ្ងាជើងនៅលើផ្លូវ។
គ្រោះថ្នាក់ខាងលើនេះ បានបណ្តាលអោយភាគីខាងរថយន្តម៉ាកហាយឡែនឌ័រ ស្លា.ប់ចំនួន៤នាក់ ក្នុងនោះមានក្មេងប្រុសអាយុ៨ខែម្នាក់ និងរបួសធ្ងន់ស្រាល៥នាក់ ចំណែកភាគីរថយន្តកូរ៉េ របួសធ្ងន់២នាក់។
សមត្ថកិច្ចបានបញ្ជាក់ថា តាមប្រភពពីសាច់ញាតិខាងរថយន្តម៉ាកហាយឡែនឌ័របានរៀបរាប់ឱ្យដឹងថា ដោយសារកូនស្រីមានសង្សា ហើយបានរត់មកតាមសង្សានៅស្រុកកៀនស្វាយ ទើបឪពុកម្តាយនាំគ្នាមកយកកូនត្រឡប់ទៅវិញ តែមុនពេលមកយកកូនស្រី គឺអ្នកបើកបររថយន្តបានផឹកនៅផ្ទះឯក្រុងបាវិត ខេត្តស្វាយរៀងខ្លះហើយ លុះពេលទៅដល់កៀនស្វាយ បានផឹកថែមទៀត រហូតដល់យប់ទើបបើករថយន្តត្រឡប់ទៅបាវិតវិញទាំងអស់គ្នា តែជាអកុសលពេលមកដល់ចំណុចកើតហេតុ ក៏ជួបគ្រោះថ្នាក់បែបនេះតែម្តង ៕
ចែករំលែកព័តមាននេះ