ជនសង្ស័យ៣នាក់ធ្វើសកម្មភាពឆ.ក់កាបូប ត្រូវបញ្ជូនទៅតុលាការ
- កំពង់ស្ពឺ
ខេត្តកំពង់ស្ពឺ ៖ មុខសញ្ញាសង្ស័យចំនួន៣នាក់ ពាក់ព័ន្ធករណីលួចមានស្ថានទម្ងន់ទោស(ឆ.ក់កាបូប
ខេត្តកំពង់ស្ពឺ ៖ មុខសញ្ញាសង្ស័យចំនួន៣នាក់ ពាក់ព័ន្ធករណីលួចមានស្ថានទម្ងន់ទោស(ឆ.ក់កាបូប) ត្រូវបាននគរបាលស្រុកគងពិសី បង្ក្រាបបានភ្លាមៗ ក្រោយពីធ្វើសកម្មភាពឆ.ក់កាបូបប្រជាពលរដ្ឋ ត្រូវបានសមត្ថកិច្ចកសាងសំណុំរឿងបញ្ជូនទៅតុលាការបន្ទាប់ពីឃាត់ខ្លួនក្នុងករណីឆ.ក់កាបូបតែរត់មិនរួច។
នគរបាលស្រុកគងពិសីបានអោយដឹងថា ការឃាត់ខ្លួនក្រុមជនសង្ស័យធ្វើឡើងកាលពីវេលាម៉ោង៦និង៥នាទីថ្ងៃទី១០ ខែសីហា ឆ្នាំ ២០២៣ លើកំណាត់ផ្លូវលេខ១២៧ នៅមុខស្ថានីយ៍ប្រេងមួយកន្លែងក្នុងភូមិត្បូងភ្នំ ឃុំវាល ស្រុកគងពិសី ខេត្តកំពង់ស្ពឺ ។
នគរបាលស្រុកគងពិសីបាននិយាយឱ្យដឹងថា មានករណីលួចមានស្ថានទម្ងន់ទោស(ឆ.ក់កាបូប) ដោយជនសង្ស័យចំនួន៣នាក់ ជិះម៉ូតូវីននើអ៊ិច ពណ៌ខៀវ ពាក់ស្លាកលេខ ភ្នំពេញ 1GT-9054 ធ្វើសកម្មភាពឆ.ក់កាបូបដៃ លើជនរងគ្រោះឈ្មោះ អេង សំអាង ភេទស្រី អាយុ ៤៣ឆ្នាំ រស់នៅភូមិព្រៃញាតិ ឃុំព្រៃញាតិ ពេលដែលកំពុងជិះម៉ូតូម្នាក់ឯងចេញពីផ្ទះ ក្រោយពីកើតហេតុជនរងគ្រោះបានស្រែឆោឡោ និងរាយការណ៍ជូនសមត្ថកិច្ច ពេលនោះកម្លាំងអធិការដ្ឋាននគរបាលស្រុក ប៉ុស្តិ៍នគរបាលរដ្ឋបាលឃុំវាល សហការជាមួយកម្លាំងប្រជាការពារ បានស្ទាក់ឃាត់ជនទាំង០៣នាក់ នៅចំណុចក្លោងទ្វារវត្តជ្រៃហូរព្នៅ ភូមិក្រសាំងជីមែ ឃុំវាល។
នគរបាលស្រុកបានបញ្ជាក់ថា ក្រុមជនសង្ស័យទាំង៣នាក់ដែលឃាត់ខ្លួនទី១-ឈ្មោះ ម៉េង វុទ្ធី ភេទប្រុស អាយុ១៥ឆ្នាំ រស់នៅភូមិពោធិ ឃុំខ្វាវ ស្រុកសំរោង ខេត្តតាកែវ (អ្នកឆ.ក់) ទី២-ឈ្មោះ ផន នីត ភេទប្រុស អាយុ២០ឆ្នាំ រស់នៅភូមិពោធិ ឃុំខ្វាវ ស្រុកសំរោង ខេត្តតាកែវ (អ្នកឆ.ក់) និងទី៣-ឈ្មោះ ឆែប សម្ភស្ស ភេទប្រុស អាយុ២១ឆ្នាំ រស់នៅភូមិពោធិ ឃុំខ្វាវ ស្រុកសំរោង ខេត្តតាកែវ (អ្នកបើកម៉ូតូ)។
ក្រោយឃាត់ខ្លួន ក្រុមជនសង្ស័យនគរបាលបានដកហូតម៉ូតូសម្រាប់ជិះធ្វើសកម្មភាព១គ្រឿង ចំណែកកាបូប និងសម្ភារៈក្នុងកាបូប(ទូរស័ព្ទដៃ)នគរបាលបាន ប្រគល់ជូនជនរងគ្រោះជាម្ចាស់វិញហើយ។
បច្ចុប្បន្ន ក្រុមជនសង្ស័យខាងលើនេះ កម្លាំងជំនាញ បានកសាងសំណុំរឿងបញ្ជូនទៅជំនាញខេត្តបញ្ជូនទៅតុលាការដើម្បីចាត់ការបន្តតាមផ្លូវច្បាប់ ៕
ចែករំលែកព័តមាននេះ