បណ្ដារូបភាពនៃទឹកជំនន់នៅន័រវែសពិតជាគួរឱ្យរន្ធ.ត់
ប្រទេសន័រវែស ៖ បណ្ដារូបភាពនៃទឹកជំនន់នៅប្រទេសន័រវែសពិតជាគួរឲ្យព្រឺព្រួច។ កាលពីថ្ងៃទី៩
ប្រទេសន័រវែស ៖ បណ្ដារូបភាពនៃទឹកជំនន់នៅប្រទេសន័រវែសពិតជាគួរឲ្យព្រឺព្រួច។ កាលពីថ្ងៃទី៩សីហាអាជ្ញាធរប្រទេសនេះគូសបញ្ជាក់ថា មនុស្សច្រើនពាន់នាក់បានត្រូវជម្លៀសចេញ ចំណែកមជ្ឈមណ្ឌលអគ្គិសនីមួយ ត្រូវទឹកលិចក្រោយជំនន់ដ៏ធំមក។
ជាមួយការបោកបក់នៃព្យុះឈ្មោះHANS ចាប់តាំងពីចុងសប្ដាហ៍កន្លងទៅ ន័រវែសនិងស៊ុយអែត ប្រឈមមុខនឹងភ្លៀងធ្លាក់ខ្លាំងបណ្ដាលឲ្យមានទឹកជំនន់និងការបាក់ដី។ លោកAUD HOVE ប្រមុខតំបន់INNLANDET ដែលរងការប៉ះពាល់ខ្លាំងជាងគេនៅភាគខាងត្បូងប្រទេស ដោយទឹកជំនន់និងការបាក់ដីនិយាយថា យើងកំពុងជួបវិបត្តិកម្រិតជាតិមួយ។ ផ្លូវថ្នល់ចំនួន១១៥រងការប៉ះពាល់ដោយភ្លៀងធ្លាក់ដ៏ខ្លាំងនេះ។ លោកបានអំពាវនាវរកជំនួយ។ ឧទ្ធម្ភាគចក្រ៧គ្រឿងកំពុងរួមចំណែកក្នុងការជម្លៀសមនុស្សចេញ ខណៈការខូចខាតពិតជាធំធេង។
រដ្ឋាភិបាលន័រវែសលើកឡើងថា សភាពការណ៍ពិតជាលំបាកខ្លាំងក្នុងផ្នែកដ៏ធំរបស់ប្រទេស។
មជ្ឈមណ្ឌលវារីអគ្គិសនីBRASKEREIDFOSS ស្ថិតនៅទន្លេGLOMMA ជាទន្លេវែងបំផុតរបស់ប្រទេស ត្រូវទឹកជន់លិច ក្រោយបរាជ័យក្នុងការបើកទ្វារទឹក។ ការផ្គត់ផ្គង់អគ្គិសនីដោយមជ្ឈមណ្ឌលនេះត្រូវដាច់៕
ចែករំលែកព័តមាននេះ