រាជធានីភ្នំពេញ ៖ បុរសម្នាក់ ថតរូបភាព និងវីដេអូអាក្រា.តកា.យ ក្រោយរួមដំណេកជាមួយគូស្នេហ៍ ហើយគំរាមចែកចាយរូបភាពអា.សអាភា.សរបស់នារីជនរងគ្រោះថែមទៀត នៅលើបណ្ដាញសង្គម ត្រូវសមត្ថកិច្ចឃាត់ខ្លួន បញ្ជូនទៅកាន់តុលាការ។
យោងតាមរបាយការណ៍របស់នាយកដ្ឋានប្រឆាំងបទល្មើសបច្ចេកវិទ្យា នៃអគ្គស្នងការដ្ឋាននគរបាលជាតិ បាឲ្យដឹងថា កាលពីថ្ងៃទី៦ ខែសីហា ឆ្នាំ២០២៣ នាយកដ្ឋានប្រឆាំងបទល្មើសបច្ចេកវិទ្យា បានឃាត់ខ្លួនបុគ្គលមួយរូបពាក់ព័ន្ធនឹងការគំរាមនារីដែលជាអតីតគូស្នេហ៍ចាស់របស់ខ្លួន ថា នឹងចែកចាយរូបភាព វីដេអូអាក្រា.តកាយ ដែលខ្លួនធ្លាប់បានថត ក្នុងកំឡុងពេលរួមដំណេក ជាមួយគ្នា ។
ប្រតិបត្តការឃាត់ខ្លួនជនសង្ស័យរូបនេះ ក្រោមកិច្ចសម្របសម្រួលពីលោក សេង ហៀង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ដោយបានចុះទៅឃាត់ខ្លួនជនសង្ស័យភ្លាមៗ ក្រោយពីជនសង្ស័យរូបនេះ បានគំរាមកំហែងជនរងគ្រោះជាច្រើនលើក ច្រើនសារ ថា នឹងបង្ហោះចែកចាយរូបភាព វីដេអូអាក្រា.តកាយរបស់ជនរងគ្រោះ តាមបណ្តាញសង្គមនានា ប្រសិនបើជនរងគ្រោះ មិនអនុវត្តតាមបញ្ជារបស់ខ្លួនទេ ។
បច្ចុប្បន្ន ជនសង្ស័យ ត្រូវបានសមត្ថកិច្ចកសាងសំណុំរឿងបញ្ជូនទៅអយ្យការអមសាលាដំបូងរាជធានីភ្នំពេញ ដើម្បីចាត់ការតាមនីតិវិធី ។
ប្រធាននាយកដ្ឋានប្រឆាំងបទល្មើសបច្ចេកវិទ្យា ក៏សូមក្រើនរំលឹកដល់ប្រជាពលរដ្ឋ សូមឲ្យមានការប្រុងប្រយ័ត្នខ្ពស់ ចំពោះការនិយមថតរូបភាព វីដេអូ បែបមនោសញ្ចេតនា ស្រើបស្រាល ជាមួយដៃគូស្នេហា ដែលទង្វើរនេះ ជាការដាក់ខ្លួន ចូលទៅក្នុងហានិភ័យខ្ពស់ និងប៉ះពាល់ដល់កិត្តិយស សេចក្តីថ្លូរ យ៉ាងធ្ងន់ធ្ងរ ប្រសិនបើរូបភាពទាំងនោះ ត្រូវបានបែកធ្លាយ ដោយអចេតនា ឬដោយសារការប៉ុនប៉ងអាក្រក់ពីគូភាគីណាមួយ ៕
ចែករំលែកព័តមាននេះ