ឈ្មួញគ្រឿងញៀ.ន២នាក់ កាលពីព្រឹកថ្ងៃទី៩ ខែសីហា ឆ្នាំ២០២៣ ត្រូវបានលោកស្រី ឈុន ដាវី ប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញ ប្រកាសសាលក្រមសម្រេចផ្តន្ទាទោសដាក់ពន្ធនាគារម្នាក់
រាជធានីភ្នំពេញ ៖ ឈ្មួញគ្រឿងញៀ.ន២នាក់ កាលពីព្រឹកថ្ងៃទី៩ ខែសីហា ឆ្នាំ២០២៣ ត្រូវបានលោកស្រី ឈុន ដាវី ប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញ ប្រកាសសាលក្រមសម្រេចផ្តន្ទាទោសដាក់ពន្ធនាគារម្នាក់២៨ឆ្នាំ និងម្នាក់ទៀត២៦ឆ្នាំ ព្រមទាំងពិន័យជាប្រាក់ចូលថវិការរដ្ឋសរុបចំនួន១១០លានរៀលផងដែរ។
សាលក្រមបានផ្តន្ទាទោសលើជនជាប់ចោទរួមមាន ៖ ១- ឈ្មោះ ម៉ាន់ វន្ត័ ភេទប្រុស អាយុ៤៣ឆ្នាំ ដាក់ពន្ធនាគារកំណត់២៨ឆ្នាំ និងពិន័យជាប្រាក់ចូលថវិការរដ្ឋចំនួន៧០លានរៀល និង២-ឈ្មោះ ប៊ុន ហៀង ភេទប្រុស អាយុ៣៣ឆ្នាំ ដាក់ពន្ធនាគារកំណត់២៦ឆ្នាំ និងពិន័យជាប្រាក់ចូលថវិការរដ្ឋចំនួន៤០លានរៀល។ ក្រោមការចោទប្រកាន់ពីបទ.ជួញដូរដោយខុសច្បាប់នូវសារធាតុញៀ.នជិត២គីឡូក្រាម ដែលប្រព្រឹត្តកាលពីថ្ងៃទី៣០ ខែកញ្ញា ឆ្នាំ២០២២កន្លងទៅ។ ហើយសាលក្រមបានទុកសិទ្ធិឲ្យប្តឹងឧទ្ធរណ៍តាមកំណត់ច្បាប់ បើសិនជាភាគីណាមួយមិនសុខចិត្តចំពោះការកាត់ក្តីនេះ។
សូមជម្រាបថា កាលពីថ្ងៃទី២៩ ខែកញ្ញា ឆ្នាំ២០២២ វេលាម៉ោង១៣និង១០នាទីរសៀល កម្លាំងជំនាញ(ក៥) នៃមន្ទីរប្រឆាំងបទល្មើសគ្រឿងញៀ.ន ដឹកនាំដោយលោកឧត្តមសេនីយ៍ទោ សាន សុទ្ធី, លោកឧត្តមសេនីយ៍ត្រី មាស ហត, លោកវរសេនីយ៍ឯក ឈូក គា នាយករងមន្ទីរ និងលោកវរសេនីយ៍ទោ ស៊ី ម៉ារត្ន័ នាយរងការិយាល័យទី៥ មានការចូលរួមពីកម្លាំងនៃស្នងការដ្ឋាននគរបាលរាជធានីភ្នំពេញ ក្រោមការសម្រលសម្រួលពីលោក អ៊ុ សុភក្តិ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បានធ្វើការស៊ើបអង្កេតបង្ក្រាបករណីរក្សាទុក និងជួញដូរគ្រឿងញៀ.នចំនួន២គោលដៅផ្សេងគ្នា និងឃាត់ខ្លួនជនសង្ស័យចំនួន២នាក់។
ពាក់ព័ន្ធបង្ក្រាបខាងលើនេះ គោលដៅទី១- នៅចំណុចបណ្តោយផ្លូវ R៦ (បឹងកក់) ស្ថិតក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ឃាត់ខ្លួនជនសង្ស័យម្នាក់ រួមនឹងថ្នាំញៀ.នប្រមាណ១០០ក្រាម។ ចំណែកគោលដៅទី២- នៅចំណុចបណ្តោយផ្លូវលេខ២៦១ ស្ថិតក្នុងសង្កាត់ទឹកល្អក់៣ ខណ្ឌទួលគោក រាជធានីភ្នំពេញ ឃាត់ខ្លួនជនសង្ស័យម្នាក់ទៀត រួមនឹងថ្នាំញៀ.ន១កញ្ចប់ធំតែម្តដ។ ជនសង្ស័យទាំង២នាក់ ម្នាក់មានឈ្មោះ ម៉ាន់ វន្ត័ ភេទប្រុស អាយុ៤៣ឆ្នាំ និងម្នាក់ទៀតឈ្មោះ ប៊ុន ហៀង ភេទប្រុស អាយុ៣៣ឆ្នាំ។ ចំណែកវត្ថុតាងដែលសមត្ថកិច្ចចាប់យក សរុបជារួមមាន ៖ សារធាតុញៀ.នប្រភេទ កេតាមីន (KETAMINE) ទម្ងន់សុទ្ធ១គីឡូ ៨៤១.៩០ក្រាម ស្មើនឹងជិត២គីឡូក្រាម៕
ចែករំលែកព័តមាននេះ