កងយោធាធ្វើរដ្ឋប្រហារតែងតាំងនាយករដ្ឋមន្ត្រីនីហ្សេថ្មី
ប្រទេសនីហ្សេ ៖ កងយោធាដែលធ្វើរដ្ឋប្រហារនៅនីហ្សេ ប្រកាសកាលពីយប់ថ្ងៃទី៧សីហា ពីការតែង
ប្រទេសនីហ្សេ ៖ កងយោធាដែលធ្វើរដ្ឋប្រហារនៅនីហ្សេ ប្រកាសកាលពីយប់ថ្ងៃទី៧សីហា ពីការតែងតាំងនាយករដ្ឋមន្ត្រី១រូប គឹលោកអាលីមហាម៉ានឡាមីនហ្សេអ៊ីន។ ជាមួយការជូនដំណឹងនេះធ្វើឡើងតាមរយៈសេចក្ដីប្រកាសមួយអានតាមទូរទស្សន៍ជាតិ ពួកយោធាធ្វើរដ្ឋប្រហារនៅបន្តផ្គើនចំពោះសហគមន៍អន្តរជាតិ ដែលស្វែងរកជានិច្ចមធ្យោបាយស្ដារឡើងវិញរបៀបរបបតាមរដ្ឋធម្មនុញ្ញ ក្នុងប្រទេសនៅតំបន់សាហែលអាហ្វ្រិកនេះ។
ពួកយោធានៅបានតែងតាំងវរសេនីយទោហាប៊ីប៊ូអាស់ស៊ូម៉ាន ជាមេបញ្ជាការកងអង្គរក្សប្រធានាធិបតី។ លោកអាលីមហាម៉ានឡាមីនហ្សេអ៊ីនក្លាយជារដ្ឋមន្ត្រីហិរញ្ញវត្ថុ ក្នុងឆ្នាំ២០០២ ដែលប្រធានាធិបតីពេលនោះចង់ឲ្យលោកជួយស្ដារឡើងវិញសភាពការណ៍សេដ្ឋកិច្ចនិងហិរញ្ញវត្ថុដែលច្របូកច្របល់។
ការតែងតាំងនាយករដ្ឋមន្ត្រីនេះ ធ្វើឡើងបន្ទាប់ពីផុតឱសានវាទរបស់សហគមន៍សេដ្ឋកិច្ចបណ្ដារដ្ឋអាហ្វ្រិកខាងលិចCEDEOA ដែលទាមទារឲ្យប្រធានាធិបតី លោកម៉ូហាមេដបាហ្សូមចូលកាន់តំណែងវិញ ។ នឹងមានកិច្ចប្រជុំសំខាន់មួយរបស់CEDEOA នាថ្ងៃទី១០ សីហា នៅនីហ្សរីយ៉ា ក្រោយអង្គការនេះគំរា.មធ្វើអន្តរាគមន៍យោធាមួយ ដែលតាមមើលទៅមិនអាចទៅរួចឡើយក្នុងពេលភ្លាមៗ ខណៈមានការខ្វែងគំនិតគ្នាក្នុងចំណោមបណ្ដាដៃគូលោកខាងលិចនិងអាហ្វ្រិករបស់នីហ្សេ ៕
ចែករំលែកព័តមាននេះ