ការនាំចេញរបស់ចិនធ្លាក់ចុះខ្លាំងបំផុតមិនធ្លាប់មាន ក្នុងរយៈពេល៣ឆ្នាំចុងក្រោយនេះ
ចិន ៖ ការនាំចូល និងការនាំចេញរបស់ប្រទេសចិន បានធ្លាក់ចុះខ្លាំងជាងការរំពឹងទុកកាលពីខែ
ចិន ៖ ការនាំចូល និងការនាំចេញរបស់ប្រទេសចិន បានធ្លាក់ចុះខ្លាំងជាងការរំពឹងទុកកាលពីខែ
ចិន ៖ ការនាំចូល និងការនាំចេញរបស់ប្រទេសចិន បានធ្លាក់ចុះខ្លាំងជាងការរំពឹងទុកកាលពីខែមុន ដោយសារតែតម្រូវការសកលធ្លាក់ចុះ បានគំរា.មកំហែងដល់ការងើបឡើងវិញ នៃប្រទេសសេដ្ឋកិច្ចធំទី២ របស់ពិភពលោកមួយនេះ។
តួលេខផ្លូវការបង្ហាញថា ការនាំចេញបានធ្លាក់ចុះ ១៤.៥% នៅក្នុងខែកក្កដា បើធៀបនឹងឆ្នាំមុន ខណៈដែលការនាំចូលធ្លាក់ចុះ ១២.៤%។ តួលេខពាណិជ្ជកម្មដ៏អាក្រក់នេះ បន្ថែមការព្រួយបារម្ភថា កំណើនសេដ្ឋកិច្ចរបស់ប្រទេសចិន អាចធ្លាក់ចុះបន្ថែមទៀតនៅឆ្នាំនេះ ហើយនឹងបង្កើនសម្ពាធលើទីក្រុងប៉េកាំង ដើម្បីជួយជំរុញការស្តារសេដ្ឋកិច្ចឡើងវិញ ក្រោយវិបត្តិជំងឺកូវីដ-១៩។ សេដ្ឋកិច្ចរបស់ប្រទេសចិន បានកើនឡើងត្រឹមតែ ៣% ប៉ុណ្ណោះកាលពីឆ្នាំមុន។
អត្រាអ្នកគ្មានការងារធ្វើនៅក្នុងចំណោមយុវជនរបស់ប្រទេសចិន កើនលើសពី ២០% នៅក្នុងខែឧសភាកន្លងទៅ ហើយវិបត្តិនៅក្នុងវិស័យលំនៅដ្ឋាន ក៏បានធ្វើឱ្យបាត់បង់ទំនុកចិត្តយ៉ាងខ្លាំងផងដែរ។ កំណើនសេដ្ឋកិច្ចទន់ខ្សោយនៅក្រៅប្រទេស ក៏បានកាត់បន្ថយតម្រូវការបរទេសសម្រាប់ទំនិញរបស់ចិន ខណៈភាពតានតឹងផ្នែកភូមិសាស្ត្រនយោបាយរវាងចិន និងសហរដ្ឋអាមេរិក រួមនឹងប្រទេសដទៃទៀត បានជះឥទ្ធិពលយ៉ាងខ្លាំងបន្ថែមទៀត ដល់សកម្មភាពពាណិជ្ជកម្ម ដោយជំរុញឱ្យក្រុមហ៊ុនអន្តរជាតិផ្លាស់ប្តូរការវិនិយោគចេញពីប្រទេសចិន។
ខែកក្កដា គឺជាខែទី៣ជាប់ៗគ្នា ដែលការនាំចេញរបស់ប្រទេសចិនទៅក្រៅប្រទេសបានធ្លាក់ចុះ ដែលជាការធ្លាក់ចុះខ្លាំងបំផុតចាប់តាំងពីខែកុម្ភៈ ឆ្នាំ ២០២០។ ការនាំចេញទៅកាន់សហរដ្ឋអាមេរិក ដែលជាអ្នកទិញដ៏ធំបំផុតរបស់ចិន បានធ្លាក់ចុះដល់ ២៣.១% ខណៈដែលការនាំចេញទៅសហភាពអឺរ៉ុបតិចជាង ២០.៦%។
លោកស្រី Louise Loo អ្នកជំនាញមកពីក្រុមហ៊ុន Oxford Economics បានព្រមានថា សម្ពាធលើពាណិជ្ជកម្មបរទេសនឹងបន្តអូសបន្លាយ ដោយសារតែការចំណាយលើការខ្ចីប្រាក់ខ្ពស់ និងការកើនឡើងថ្លៃចំណាយនៃការរស់នៅ បានប៉ះពាល់យ៉ាងខ្លាំងដល់សកម្មភាពសេដ្ឋកិច្ច នៅក្នុងផ្នែកផ្សេងទៀតនៃពិភពលោក ដែលបំផ្លាញដល់តម្រូវការទំនិញ។
ដោយឡែក លោក Steve Clayton ប្រធានមូលនិធិសមធម៌សម្រាប់ក្រុមហ៊ុនវិនិយោគ Hargreaves Lansdown បានលើកឡើងថា ជំហររបស់ប្រទេសចិន គឺជាអ្នកនាំចូលដ៏សំខាន់ ក៏មានន័យថា ដំណើរការពាណិជ្ជកម្មធ្លាក់ចុះរបស់ខ្លួន ទំនងជាមានឥទ្ធិពលលើសេដ្ឋកិច្ចពិភពលោកផងដែរ។
ធនាគារកណ្តាលរបស់ប្រទេសចិន បានកាត់បន្ថយអត្រាការប្រាក់ក្នុងរយៈពេលប៉ុន្មានខែថ្មីៗនេះ នៅក្នុងគោលបំណងជំរុញសេដ្ឋកិច្ច ហើយនិយតករប្រទេសនេះ ក៏បានបន្ធូរបន្ថយការត្រួតពិនិត្យលើវិស័យសំខាន់ៗដូចជា ឧស្សាហកម្មបច្ចេកវិទ្យាជាដើម។ ប៉ុន្តែរហូតមកដល់ពេលនេះ មន្ត្រីចិនបានកំពុងដាក់ចេញវិធានការធំៗជាច្រើន ដើម្បីជំរុញសេដ្ឋកិច្ចប្រទេស៕ (ប្រភពពី BBC)
ចែករំលែកព័តមាននេះ