ធ្ង.ន់ក! ន័រវែសពិន័យក្រុមហ៊ុន Meta ជិត១០ម៉ឺនដុល្លារក្នុង១ថ្ងៃ ជុំវិញការបំពា.នសិទ្ធិឯកជន
ន័រវែស ៖ អាជ្ញាធរការពារទិន្នន័យរបស់ប្រទេសន័រវេស កាលពីថ្ងៃទី៧ ខែសីហា ឆ្នាំ២០២៣ បាន
ន័រវែស ៖ អាជ្ញាធរការពារទិន្នន័យរបស់ប្រទេសន័រវេស កាលពីថ្ងៃទី៧ ខែសីហា ឆ្នាំ២០២៣ បាន
ន័រវែស ៖ អាជ្ញាធរការពារទិន្នន័យរបស់ប្រទេសន័រវេស កាលពីថ្ងៃទី៧ ខែសីហា ឆ្នាំ២០២៣ បានប្រកាសថា ក្រុមហ៊ុន Meta ដែលជាក្រុមហ៊ុនមេរបស់បណ្តាញសង្គមយក្ស Facebook នឹងប្រឈមមុខនឹងការផាកពិន័យយ៉ាងធ្ងន់ធ្ងរ ចំពោះការអនុវត្តរបស់ខ្លួន លើការផ្សាយពាណិជ្ជកម្មដែលបំពា.នលើភាពឯកជនរបស់អ្នកប្រើប្រាស់។
និយតករន័រវេស Datatilsynet បានអះអាងថា «ការផ្សាយពាណិជ្ជកម្មតាមអាកប្បកិរិយា» គឺជាគំរូទីផ្សារទូទៅ ដែលព័ត៌មានគណនីអ្នកប្រើប្រាស់ (Profile) ត្រូវបានប្រមូលដូចជា ទីតាំងជាក់ស្តែងរបស់ពួកគេ ក្នុងចំណោមទិន្នន័យផ្សេងទៀត ដោយគ្មានការយល់ព្រម គឺជាទង្វើខុសច្បាប់។ ដោយសារតែបែបនេះហើយ Datatilsynet បានសម្រេចដាក់ការហាមឃាត់បណ្តោះអាសន្ន នៃការអនុវត្តការផ្សាយពាណិជ្ជកម្មបែបនេះ លើបណ្តាញសង្គម Facebook និង Instagram ។
និយតករន័រវេសបានបញ្ជាក់ថា អំឡុងពេលនៃការហាមឃាត់ ដែលចាប់ផ្តើមនៅថ្ងៃទី៤ ខែសីហា ឆ្នាំ២០២៣ ក្រុមហ៊ុន Meta ប្រឈមនឹងការផាកពិន័យរហូតដល់១លានក្រូន័រន័រវេស ដែលស្មើនឹង ៩៨,៥០០ដុល្លារអាមេរិកក្នុង១ថ្ងៃ ការហាមប្រាមនឹងមានរយៈពេល៣ខែ ឬរហូតដល់ក្រុមហ៊ុនអាចបង្ហាញថា ខ្លួនគោរពតាមច្បាប់។
លោក Tobias Judin ប្រធាននាយកដ្ឋានអន្តរជាតិ នៃអាជ្ញាធរការពារទិន្នន័យន័រវេស បានបញ្ជាក់នៅក្នុងសេចក្តីថ្លែការណ៍មួយថា ការសម្រេចចិត្តនេះ មិនបានហាមឃាត់ Facebook ឬ Instagram នៅក្នុងប្រទេសន័រវេសនោះទេ។ គោលបំណង គឺដើម្បីធានាថា ប្រជាជនន័រវេសអាចប្រើប្រាស់សេវាកម្មទាំងនេះ ប្រកបដោយសុវត្ថិភាព ហើយសិទ្ធិរបស់ពួកគេត្រូវបានការពារ»។
នៅក្នុងសេចក្តីថ្លែងការណ៍មួយ ដែលបានផ្ញើទៅកាន់សារព័ត៌មាន Associated Press (AP) កាលពីថ្ងៃទី០៧ ខែសីហា កន្លងទៅ ក្រុមហ៊ុន Meta បានបញ្ជាក់ថា ក្រុមហ៊ុននឹងពិនិត្យមើលការសម្រេចចិត្តរបស់ Datatilsynet ហើយបានបន្ថែមថា គ្មានផលប៉ះពាល់ភ្លាមៗណាមួយ ចំពោះសេវាកម្មរបស់ខ្លួននោះទេ។
នេះមិនមែនជាលើកទី១ឡើយ ដែលក្រុមហ៊ុន Meta ទទួលត្រូវរងការពិន័យជុំវិញឯកជនភាពទិន្នន័យអ្នកប្រើប្រាស់។ ជាឧទាហរណ៍ នៅក្នុងខែឧសភាកន្លងទៅ យតករសហភាពអឺរ៉ុប (EU) បានផាកពិន័យក្រុមហ៊ុន Meta ទឹកប្រាក់ចំនួន ១.៣ពាន់លានដុល្លារ ចំពោះការបំពានច្បាប់ឯកជនភាពរបស់ EU ដោយការផ្ទេរទិន្នន័យផ្ទាល់ខ្លួនរបស់អ្នកប្រើប្រាស់ Facebook ទៅកាន់ម៉ាស៊ីនមេ នៅសហរដ្ឋអាមេរិក។ ហើយជាក់ស្តែង បណ្តាញបណ្តាញសង្គមថ្មី «Threads» មិនត្រូវបានដាក់ឱ្យប្រើប្រាស់នៅសហភាពអឺរ៉ុបនោះទេ ដោយសារតែមានកង្វល់អំពីឯកជនភាព៕ (ប្រភពពី AP)
ចែករំលែកព័តមាននេះ