Spurs ច្រានចោលសំណើជាង១០០លានដុល្លារពី Bayern សម្រាប់កំពូលខ្សែប្រយុទ្ធ Harry Kane
អង់គ្លេស ៖ ក្លិបបាល់ទាត់ Tottenham Hotspur បានច្រានចោលការដេញថ្លៃចុងក្រោយរបស់ក្លិប
អង់គ្លេស ៖ ក្លិបបាល់ទាត់ Tottenham Hotspur បានច្រានចោលការដេញថ្លៃចុងក្រោយរបស់ក្លិប
អង់គ្លេស ៖ ក្លិបបាល់ទាត់ Tottenham Hotspur បានច្រានចោលការដេញថ្លៃចុងក្រោយរបស់ក្លិប Bayern Munich សម្រាប់កំពូលខ្សែប្រយុទ្ធ Harry Kane ដោយការបដិសេធនេះ ទុកឱ្យក្លិបយក្សអាល្លឺម៉ង់មួយនេះ សម្រេចចិត្តថា តើត្រូវបន្តការដេញថ្លៃម្តងទៀត ឬស្វែងរកគោលដៅខ្សែប្រយុទ្ធថ្មី?
យោងតាមប្រភពពីសារព័ត៌មាន The Guardian របស់ចក្រភពអង់គ្លេសបានរាយការណ៍ថា សំណើលើកទី៣ របស់ក្រុម Bayern សម្រាប់ប្រធានក្រុមជម្រើសជាតិអង់គ្លេសរូបនេះ មានតម្លៃ ៨៦លានផោន ដែលស្មើនឹង ១១០លានដុល្លារអាមេរិក នៅតែមិនគ្រប់គ្រាន់ក្នុងការបញ្ចុះបញ្ចូលលោក Daniel Levy ដែលជាប្រធានក្លិប Spurs សម្រាប់ Kane ដែលមានកិច្ចសន្យានឹងផុតកំណត់នៅរដូវក្តៅក្រោយ។
លោក Thomas Tuchel គ្រូបង្វឹកក្រុម Bayern ចង់ចុះហត្ថលេខាលើកំពូលខ្សែប្រយុទ្ធអង់គ្លេសរូបនេះ ដើម្បីជួសតំណែងរបស់ខ្សែប្រយុទ្ធ Robert Lewandowski ដែលបានចូលរួមជាមួយ Barcelona កាលពីរដូវក្តៅមុន។ Bayern បានចង្អុលបង្ហាញថា សំណើលើកទី៣ សម្រាប់ Kane គឺជាសំណើចុងក្រោយរបស់ខ្លួន ប៉ុន្តែពួកគេនឹងធ្វើការពិភាក្សាផ្ទៃក្នុងថា តើត្រូវព្យាយាមដេញថ្លៃម្តងទៀត ឬក៏អត់?
យ៉ាងណាមិញ Spurs នៅតែសង្ឃឹមថា Kane នឹងបន្តស្នាក់អង់គ្លេស ហើយនឹងផ្តល់ឱ្យកីឡាករស៊ុតបញ្ចូលទីច្រើនជាងគេប្រចាំប្រវត្តិសាស្ត្រក្លិបរូបនេះ នូវកិច្ចព្រមព្រៀងដែលទទួលបានថ្លៃនឿយហត់ខ្ពស់ប្រចាំលីគកំពូលអង់គ្លេស។ ប៉ុន្តែទោះយ៉ាងណា មិនទាន់មានការបង្ហាញណាមួយដែលថា ខ្សែប្រយុទ្ធវ័យ៣០ឆ្នាំរូបនេះ ចង់បន្តកុងត្រាថ្មីនៅឡើយនោះទេ ហើយ Spurs ប្រឈមនឹងហានិភ័យនៃការរបូតកីឡាកររូបនេះ នៅក្នុងការផ្ទេរដោយគ្មានតម្លៃខ្លួន នៅរដូវក្តៅក្រោយ។
ការមិនចង់បន្តកុងត្រាថ្មីរបស់ Harry Kane ជាមួយ Spurs គឺដោយសារតែកីឡាកររូបនេះ ចង់លេងនៅក្នុងក្រុមកំពូល ដែលមានកៅអីក្របខណ្ឌ UEFA Champions League រដូវកាលថ្មីនេះ ហើយក៏ដូចជាស្វែងការប្រកួតប្រជែង ដើម្បីមានឱកាសឈ្នះពានរង្វាន់ជាច្រើន។
គួរបញ្ជាក់ថា ការប្រកួតក្របខណ្ឌលីគកំពូលអង់គ្លេស Premier League រដូវកាល ២០២៣-២៤ នឹងចាប់ផ្តើមនាថ្ងៃទី១១ ខែសីហា ឆ្នាំ២០២៣ ហើយនឹងបញ្ចប់នៅថ្ងៃទី១៩ ខែឧសភា ឆ្នាំ២០២៤៕ (ប្រភពពី The Guardian)
ចែករំលែកព័តមាននេះ