Arsenal ផ្តួល Man City កៅឆាយពានមួយ មុនបើករដូវកាលថ្មី
អង់គ្លេស ៖ ក្រុមកាំភ្លើងធំ Arsenal បានបង្ហាញភាពខ្លាំងរបស់ខ្លួន ក្រោយផ្តួលក្រុមមេឃខៀវ
អង់គ្លេស ៖ ក្រុមកាំភ្លើងធំ Arsenal បានបង្ហាញភាពខ្លាំងរបស់ខ្លួន ក្រោយផ្តួលក្រុមមេឃខៀវ
អង់គ្លេស ៖ ក្រុមកាំភ្លើងធំ Arsenal បានបង្ហាញភាពខ្លាំងរបស់ខ្លួន ក្រោយផ្តួលក្រុមមេឃខៀវ Manchester City ដោយការទាត់បាល់ប៉េណាល់ទីកាត់សេចក្តីដោយលទ្ធផល ៤-១ ក្រោយបញ្ចប់ការប្រកួត៩០នាទី បានត្រឹមស្មើគ្នា ១-១ ដើម្បីឈ្នះពានរង្វាន់ Community Shield មុនពេលរដូវកាលថ្មី ២០២៣-២៤ នៃក្របខណ្ឌលីគកំពូលអង់គ្លេស Premier League ចាប់ផ្តើមនៅពេលឆាប់ៗដ៏ខ្មីខាងមុខនេះ។
តាមរយៈជ័យជម្ននេះ Arsenal ក្រោមការដឹកនាំរបស់លោក Mikel Arteta ហាក់កំពុងបង្ហាញសាច់ដុំរបស់ខ្លួន សម្រាប់ការប្រជែងតំណែងជើងឯកក្របខណ្ឌ Premier League នៅរដូវកាលថ្មីនេះ បន្ទាប់ពីខកចិត្តយ៉ាងខ្លាំងទីបំផុត កាលពីរដូវកាលមុន ដែលស្ទើរក្លាយជាម្ចាស់ជើងឯកទៅហើយ ប៉ុន្តែបែរជារបូតឱកាសមាសនេះ នៅប៉ុន្មានប្រកួតចុងក្រោយទៅក្រុម Man City ក្រោមការដឹកនាំរបស់លោក Pep Guardiola ទៅវិញ។
គួរបញ្ជាក់ថា ក្របខណ្ឌ English Premier League រដូវកាល ២០២៣-២៤ នឹងចាប់ផ្តើមដំណើរការប្រកួតរបស់ខ្លួនពីថ្ងៃទី១១ ខែសីហា ឆ្នាំ២០២៣ នឹងបញ្ចប់ទៅនៅថ្ងៃទី១៩ ខែឧសភា ឆ្នាំ២០២៤ ដោយមាន២០ក្រុមធ្វើការប្រកួតប្រជែងគ្នា៕
ចែករំលែកព័តមាននេះ