ពាក់កណ្តាលឆ្នាំនេះ! ភ្ញៀវទេសចរបរទេសទៅលេងឡាវច្រើនលើសការរំពឹងទុក
ឡាវ ៖ រដ្ឋាភិបាលប្រទេសឡាវ បានរាយការណ៍ថា ប្រទេសឡាវបានស្វាគមន៍ការកើនឡើងគួរឱ្យ
ឡាវ ៖ រដ្ឋាភិបាលប្រទេសឡាវ បានរាយការណ៍ថា ប្រទេសឡាវបានស្វាគមន៍ការកើនឡើងគួរឱ្យ
ឡាវ ៖ រដ្ឋាភិបាលប្រទេសឡាវ បានរាយការណ៍ថា ប្រទេសឡាវបានស្វាគមន៍ការកើនឡើងគួរឱ្យកត់សម្គាល់ នៃចំនួនភ្ញៀវទេសចរបរទេស ដោយមានជាង ១.៦លាននាក់ បានមកទស្សនាប្រទេសនេះ នៅក្នុងរយៈពេល៦ខែដំបូង នៃឆ្នាំនេះ។ នេះបើយោងតាមប្រភពពីទីភ្នាក់ងារព័ត៌មានចិន ស៊ីន ហួ ចេញផ្សាយកាលពីថ្ងៃទី០៥ ខែសីហា ឆ្នាំ២០២៣ កន្លងទៅ។
ជាមួយនឹងព័ត៌មានចុងក្រោយពីការិយាល័យទីផ្សារទេសចរណ៍ ក្រោមក្រសួងព័ត៌មាន វប្បធម៍ និងទេសចរណ៍ឡាវ នៅក្នុងខែសីហា បានបង្ហាញថា រហូតមកដល់ពេលនេះ ប្រទេសឡាវទទួលបានភ្ញៀវទេសចរមកពីប្រទេសថៃច្រើនជាងគេ ដែលមានចំនួន ៦៦៨,៥៩៥នាក់ មកពីប្រទេសវៀតណាមមានចំនួន ៣៩៨,៩៣៧នាក់ និងមកពីប្រទេសចិនមានចំនួន ៣១៧,៦០៤នាក់។
ចំនួនភ្ញៀវទេសចរ ដែលបានមកលេងប្រទេសឡាវក្នុងឆមាសទី១ នៃឆ្នាំនេះ បានកើនឡើងគួរឱ្យកត់សម្គាល់ បើធៀបទៅនឹងរយៈពេលដូចគ្នា កាលពីឆ្នាំមុន នៅពេលដែលមានជនបរទេសត្រឹមតែ ៤២,១៩៧នាក់ប៉ុណ្ណោះ ដែលបានមកលេងប្រទេសឡាវជាមួយនឹងទិដ្ឋាការទេសចរណ៍។
ផ្លូវដែកចិន-ឡាវ ដែលត្រូវបានបើកឱ្យដំណើរការជាផ្លូវការ កាលពីថ្ងៃទី០៣ ខែធ្នូ ឆ្នាំ ២០២១ គឺជាកត្តាដ៏សំខាន់មួយ ដែលបង្កើនចំនួនភ្ញៀវទេសចរបរទេសមកទស្សនាប្រទេសឡាវ ហើយតាមការព្យាករណ៍ដោយរដ្ឋាភិបាលឡាវ ចំនួនភ្ញៀវទេសចរចិនធ្វើដំណើរមកកាន់ប្រទេសឡាវ នៅឆ្នាំនេះ មានប្រហែល ៣៦៨,០០០នាក់ ដែលកើនឡើង ២១% បើធៀបនឹងឆ្នាំមុន។
នៅក្នុងកិច្ចខិតខំប្រឹងប្រែង ដើម្បីធ្វើឱ្យសេដ្ឋកិច្ចឡាវមានភាពរស់រវើក ខណៈដែលរដ្ឋាភិបាលប្រទេសនេះ បានកំណត់គោលដៅទាក់ទាញភ្ញៀវទេសចរបរទេស យ៉ាងហោចណាស់ ១.៤លាននាក់មកទស្សនានៅឆ្នាំនេះ។ លើសពីនេះ រដ្ឋាភិបាលឡាវកំពុងរៀបចំការងារសម្រាប់គម្រោងមានឈ្មោះថា «ឆ្នាំនៃការទៅលេងប្រទេសឡាវ ២០២៤» ជាមួយគោលបំណងទាក់ទាញភ្ញៀវទេសចរយ៉ាងហោចណាស់ ៤.៦លាននាក់នៅឆ្នាំក្រោយ។ ហើយប្រសិនបើជោគជ័យ វានឹងបង្កើតប្រាក់ចំណូលដល់ប្រទេសរហូតដល់ ៧១២លានដុល្លារអាមេរិក៕
ចែករំលែកព័តមាននេះ