កិច្ចប្រជុំជាមួយលោកគ្រូ-អ្នកគ្រូ និងបងប្អូនអ្នកលក់នំចំណីក្នុងសាលា
- ព្រះសីហនុ
ស្រុកព្រៃនប់ ៖ ដើម្បីសុខភាពយុវជនយើងគ្រប់គ្នា កាលពីរសៀលថ្ងៃទី ០៤ សីហា ២០២៣ គណៈនាយកវិទ្យាល័យហ៊ុន សែន វាលរេញ…
ស្រុកព្រៃនប់ ៖ ដើម្បីសុខភាពយុវជនយើងគ្រប់គ្នា កាលពីរសៀលថ្ងៃទី ០៤ សីហា ២០២៣ គណៈនាយកវិទ្យាល័យហ៊ុន សែន វាលរេញ ស្រុកព្រៃនប់ ខេត្តព្រះសីហនុ ដឹកនាំដោយ លោកងៀម ស៊ីដារា នាយកវិទ្យាល័យបានប្រជុំពិភាក្សានៅក្នុងសាលប្រជុំវិទ្យាល័យ ជាមួយលោកគ្រូ អ្នកគ្រូ បងប្អូនជាអ្នកលក់ក្នុងសាលា ដោយបានណែនាំធ្វើការប្រមូលនំ ភេសជ្ជៈគ្រប់ប្រភេទ យកមកបង្ហាញគ្នា និងកំណត់ថា នំ និងភេសជ្ជៈណាអនុញ្ញាត និងមិនអនុញ្ញាតអោយលក់ក្នុងសាលាអោយសមស្របទៅនិងសេចក្តីណែនាំរបស់ក្រសួងអប់រំ យុវជននិងកីឡា ។
យ៉ាងណា អ្វីដែលសំខាន់គណៈនាយនៅបន្តលើកទឹកចិត្តអោយ លោកគ្រូ អ្នកគ្រូ លក់នំខ្មែររបស់យើងដូចជានំត្នោត នំអន្សមដូង អន្សមចេក និងនំផ្សេងៗទៀតដែលជារបស់ខ្មែរយើង ដើម្បីលើកតម្លៃនំខ្មែរយើងផង ។
ជាមួយគ្នានោះ លោកនាយកក៏បានដាក់គោលការរួមមួយដល់លោកគ្រូ អ្នកគ្រូ បងប្អូនជាអ្នកលក់ក្នុងសាលា ចាប់ពីនេះតទៅ បើតូបណាលក់ខុសគោលការណ៍នៃកិច្ចប្រជុំ គណៈកម្មការសុខភាពរបស់សាលា និងចុះផ្អាកការលក់ដូរក្នុងសាលាតែម្តង ។ លោកនាយកបានបន្ថែមថា សាលាធ្វើនេះស្របទៅនិងសេចក្តីណែនាំរបស់ក្រសួងអប់រំ យុវជននិងកីឡា ដើម្បីសុខភាពយុវជនយើងជារួម ។
ចែករំលែកព័តមាននេះ