អាមេរិកចាប់ខ្លួនទាហាន២នាក់ធ្វើចារកម្មឱ្យចិន
សហរដ្ឋអាមេរិក ៖ ក្រសួងយុត្តិធម៌អាមេរិករាយការណ៍នាថ្ងៃទី៣ សីហាថា ទាហានម៉ារីនអាមេរិក២
សហរដ្ឋអាមេរិក ៖ ក្រសួងយុត្តិធម៌អាមេរិករាយការណ៍នាថ្ងៃទី៣ សីហា ម្សិលមិញថា ទាហានម៉ារីនអាមេរិក២នាក់ ដែលធ្វើការនៅកាលីហ្វ័រនីញ៉ាជាប់សង្ស័យថា បញ្ជូនបណ្ដាព័ត៌មានស៊ើបការណ៍រសើបដល់ចិន។
តាមសេចក្ដីប្រកាសមួយក្រសួងនោះនិយាយថា បុរសទាំង២នាក់ត្រូវបានចាប់ខ្លួននាពេលថ្មីៗនេះ និងទទួលការចោទប្រកាន់ ពីបទបញ្ជូនដល់ចារបុរសចិន បណ្ដារូបភាពវីដេអូនិងឯកសារនានាស្ដីពីបណ្ដាទិន្នន័យរសើបស្ដីពីកងទ័ពអាមេរិក ។ សេចក្ដីប្រកាសបន្តថា ការចាប់ខ្លួនទាហានទាំង២នាក់នេះ បង្ហាញពីការខិតខំប្រឹងប្រែងមិនឈប់ឈររបស់ចិនដើម្បីបំផ្លាញលទ្ធិបជាធិបតេយ្យរបស់យើងហើយគំរា.មដល់បណ្ដាអ្នកដែលការពារ។ នេះជាការលើកឡើងរបស់លោកស្រីSUZANNE TURNER នាយិការងនៃការិយាល័យប្រឆាំងចារកម្ម របស់ប៉ូលិសសហព័ន្ធFBI។ លោកស្រីអះអាងថាព័ត៌មានដែលបញ្ចេញទៅទាំងឡាយអាចប៉ះពាល់់ធ្ងន់ធ្ងរ ដល់សន្តិសុខជាតិអាមេរិក។
ជនសង្ស័យម្នាក់ឈ្មោះJINCHOA WEIអាយុ២២ឆ្នាំ ចាប់ខ្លួនកាលពីថ្ងៃទី២សីហានៅមូលដ្ឋាននាវាចរណ៍សាន់ឌីយេហ្គោកន្លែងដែលគេធ្វើការ។ គេជាអ្នកកាន់ការងារខាងម៉ាស៊ីនលើនាវាវាយលុកUSS ESSEXជាប់សង្ស័យសហការ ជាមួយចារបុរសចិនម្នាក់ ដោយទទួលប្រាក់ច្រើនពាន់ដុល្លារ ជាថ្នូរនឹងការផ្ដល់ព័ត៌មានរសើបនានា ដែលរូបគេអាចមានទោសជាប់គុកអស់មួយជិវិត។ ជនទី២ជានាវិកឈ្មោះWENHENG ZHAO ដែលធ្វើការនៅមូលដ្ឋាននាវាចរណ៍តំបន់VENTURA ភាគខាងជើងក្រុងឡូសអេនចឺឡេស។
ទាហានអាយុ២៦ឆ្នាំរូបនេះសង្ស័យថា បញ្ជូនបណ្ដាព័ត៌មានរសើបដល់ចារកម្មចិន ដែលតាមដានក្នុងវិស័យសេដ្ឋកិច្ចតាមសមុទ្ររវាងខែសីហាឆ្នាំ២០២១និងខែឧសភាឆ្នាំ២០២៣។ ជននោះទទួលប្រាក់ជិត១៥.០០០ដុល្លារជាថ្នូរនឹងព័ត៌មានលម្អិតស្ដីពីសមយុទ្ធយោធាធំរបស់កងម៉ារីនអាមេរិកនៅអាស៊ីប៉ាស៊ីហ្វិកនិងបញ្ជូនបណ្ដារូបភាពនៃទីតាំងរ៉ាដានៅមូលដ្ឋានយោធាអាមេរិកលើកោះអូគីណាវ៉ាជប៉ុ់ន៕
ចែករំលែកព័តមាននេះ