World Cup នារី ៖ អាល្លឺម៉ង់ហាលអាវត្រឹមវគ្គចែកពូលលើកដំបូង ក្រោយមិនអាចឈ្នះកូរ៉េខាងត្បូង
អូស្ត្រាលី ៖ ក្រុមបាល់ទាត់ជម្រើសជាតិនារី អាល្លឺម៉ង់ បានជ្រុះចេញពីព្រឹត្តិការណ៍ FIFA Women’s
អូស្ត្រាលី ៖ ក្រុមបាល់ទាត់ជម្រើសជាតិនារី អាល្លឺម៉ង់ បានជ្រុះចេញពីព្រឹត្តិការណ៍ FIFA Women’s
អូស្ត្រាលី ៖ ក្រុមបាល់ទាត់ជម្រើសជាតិនារី អាល្លឺម៉ង់ បានជ្រុះចេញពីព្រឹត្តិការណ៍ FIFA Women’s World Cup ឆ្នាំ ២០២៣ យ៉ាងភ្ញាក់ផ្អើលជាទីបំផុត នៅត្រឹមវគ្គចែកពូល ក្រោយបានត្រឹមស្មើលទ្ធផល ១-១ ទល់នឹងក្រុមនារីកូរ៉េខាងត្បូង នៅក្នុងការប្រកួតចុងក្រោយនៃពូល H នៅឯកីឡដ្ឋាន Lang Park ប្រទេសអូស្ត្រាលី កាលពីថ្ងៃទី០៣ ខែសីហា ឆ្នាំ ២០២៣ កន្លងទៅ។
តាមរយៈលទ្ធផលស្មើគ្នានេះ អាល្លឺម៉ង់ ម្ចាស់ជើងឯក២សម័យកាល ដែលត្រូវបានចាត់ទុកថា ជាក្រុមខ្លាំងប្រជែងជើងឯកជាមួយនឹងសហរដ្ឋអាមេរិកនៅឆ្នាំនេះ បានហាលអាវជាមួយនឹងកូរ៉េខាងត្បូងត្រឹមវគ្គចែកពូល ខណៈដែលកូឡុំប៊ីដឹកដៃម៉ារ៉ុក បន្តឡើងទៅវគ្គ១៦ក្រុមចុងក្រោយ។
នេះគឺជាលើកដំបូងនៅក្នុងប្រវត្តិសាស្ត្រហើយ ដែលក្រុមនារីអាល្លឺម៉ង់ ដែលជាប្រទេសជាប់ចំណាត់ថ្នាក់លេខ ២ លើពិភពលោក បានបរាជ័យក្នុងការឈានទៅដល់វគ្គ១៦ក្រុមចុងក្រោយ នៃព្រឹត្តិការណ៍ FIFA Women’s World Cup។
លទ្ធផលការប្រកួតចុងក្រោយក្នុងពូល H ៖
-កូរ៉េខាងត្បូង ១-១ អាល្លឺម៉ង់
-ម៉ារ៉ុក ១-០ កូឡុំប៊ី
ក្រុមត្រូវប៉ះគ្នា នៅវគ្គ១៦ក្រុមចុងក្រោយ ៖
-០៥/០៨/២៣ ស្វីស ប៉ះ អេស្ប៉ាញ ម៉ោង ១២´:០០នាទីរសៀល (ម៉ោងនៅកម្ពុជា)
-០៥/០៨/២៣ ជប៉ុន ប៉ះ ន័រវែស ម៉ោង ០៣´:០០នាទីរសៀល
-០៦/០៨/២៣ ហូឡង់ ប៉ះ អាហ្វ្រិកខាងត្បូង ម៉ោង ០៩´:០០នាទីព្រឹក
-០៦/០៨/២៣ ស៊ុយអែត ប៉ះ សហរដ្ឋអាមេរិក ម៉ោង ០៤:០០នាទីរសៀល
-០៧/០៨/២៣ អង់គ្លេស ប៉ះ នីហ្សេរីយ៉ា ម៉ោង ០២´:៣០នាទីរសៀល
-០៧/០៨/២៣ ម្ចាស់ផ្ទះអូស្ត្រាលី ប៉ះ ដាណឺម៉ាក ម៉ោង ០៥´:៣០នាទីរសៀល
-០៨/០៨/២៣ កូឡុំប៊ី ប៉ះ ចាម៉ៃកា ម៉ោង ០៣´:០០នាទីរសៀល
-០៨/០៨/២៣ បារាំង ប៉ះ ម៉ារ៉ុក ម៉ោង ០៦:០០នាទីល្ងាច៕
ចែករំលែកព័តមាននេះ