កម្លាំងអាវុធហត្ថខណ្ឌដង្កោ បានធ្វើការបង្ហាញមុខករណីឃាត់ជនសង្ស័យចំនួន៣នាក់ ពាក់ព័ន្ធនឹងករណីធា.ក់ប្ល.ន់យកម៉ូតូក្នុងមូលដ្ឋានខណ្ឌដង្កោ កាលពីវេលាម៉ោង៧និង៣០នាទីយប់ ថ្ងៃទី៣ ខែសីហា ឆ្នាំ២០២៣ ស្ថិតនៅក្នុងមូលដ្ឋានអាវុធហត្ថខណ្ឌ
រាជធានីភ្នំពេញ ៖ កម្លាំងអាវុធហត្ថខណ្ឌដង្កោ បានធ្វើការបង្ហាញមុខករណីឃាត់ជនសង្ស័យចំនួន៣នាក់ ពាក់ព័ន្ធនឹងករណីធា.ក់ប្ល.ន់យកម៉ូតូក្នុងមូលដ្ឋានខណ្ឌដង្កោ កាលពីវេលាម៉ោង៧និង៣០នាទីយប់ ថ្ងៃទី៣ ខែសីហា ឆ្នាំ២០២៣ ស្ថិតនៅក្នុងមូលដ្ឋានអាវុធហត្ថខណ្ឌដង្កោ។
ជនសង្ស័យដែលកម្លាំងឃាត់ខ្លួនខាងលើនេះ រួមមាន ៖ទី១- ឈ្មោះ ញ៉ែម រ័ត្នមុន្នី (ហៅអាមុន្នី) ឃាត់ខ្លួន។ ទី២- ឈ្មោះ ហួរ គឹមហុង (ហៅអាហុង) ឃាត់ខ្លួន។ ៣- ឈ្មោះ ម៉ី ចាន់នុត (ហៅអាប្រុស) ឃាត់ខ្លួន។ ៤- ឈ្មោះ ពន្លក (រត់គេចខ្លួន) និង៥- ឈ្មោះ ផុង (រត់គេចខ្លួន)។ ចំណែកវត្ថុតាងដែលដកហូតវិញ រួមមាន ៖ ១- ម៉ូតូម៉ាក HONDA C125 ពណ៌ខ្មៅ គ្មានស្លាកលេខ និងឯកសារ។ ២- ម៉ូតូម៉ាក SUZUKI NEX ពណ៌ក្រហមលាយ.ស ពាក់ស្លាកលេខ កំពង់ស្ពឺ1P-4062 (គ្មានឯកសារ)។ ៣- សារធាតុញៀ.នចំនួន១កញ្ចប់តូច និង៤- ម៉ូតូចំនួន០១គ្រឿង ម៉ាកViva ពណ៌ខ្មៅ ពាក់ស្លាកលេខ ភ្នំពេញ1AL-3092 (គ្មានឯសារ) ។
យោងតាមកម្លាំងអាវុធហត្ថខណ្ឌដង្កោ ដោយមានការបញ្ជាផ្ទាល់ពីលោកវរសេនីយ៍ឯក ស សុភ័ណ្ឌ មេបញ្ជាការមូលដ្ឋានអាវុធហត្ថខណ្ឌដង្កោ បានអោយដឹងថា មុននឹងកម្លាំងអាវុធហត្ថបានធ្វើការឃាត់ជនសង្ស័យបានចំនួន៣នាក់ជាបន្តបន្ទាប់នេះ គឺនៅវេលាម៉ោង២និង៤០នាទីរសៀលថ្ងៃទី២ ខែសីហា ឆ្នាំ២០២៣ បានធ្វើការល្បាតពួនស្ទាក់នៅក្នុងមូលដ្ឋាន ដើម្បីការពារសុវត្ថិភាពជូនប្រជាពលរដ្ឋតាមបណ្ដោយផ្លូវ សណ្តរស្ទឹងព្រែកត្នោត ស្ថិតក្នុងភូមិព្រែកប្រណាក់ សង្កាត់ជើងឯក ខណ្ឌដង្កោ ហើយក៏ប្រទះឃើញបុរសម្នាក់ឈ្មោះ មុន្នី ជិះម៉ូតូម៉ាកវីវ៉ា ពណ៌ខ្មៅ ក្នុងភូមិ។
សមត្ថកិច្ចបន្តថា ដោយមានការសង្ស័យ កម្លាំងអាវុធហត្ថក៏បានធ្វើការដេញតាមឃាត់ខ្លួនសួរនាំ និងរកឯកសារពាក់ព័ន្ធ ក៏ស្រាប់តែជនសង្ស័យរូបនោះបានផ្តួលម៉ូតូចោល រួចរត់គេចខ្លួនតែម្តង តែត្រូវកម្លាំងសមត្ថកិច្ចដេញតាមធ្វើការឃាត់ខ្លួនបាន និងឆែកឆេររកឃើញ ក្រាមពណ៌សថ្លាចំនួន១កញ្ចប់តូច ដោយសង្ស័យថា ជាសារធាតុញៀ.ន ទើបនាំបុរសរូបនោះយកទៅធ្វើការសួនាំនៅមូលដ្ឋានអាវុធហត្ថខណ្ឌដង្កោតែម្តង ។
ពាក់ព័ន្ធក្នុងការសាកសួរទៅតាមជំនាញរបស់អាវុធហត្ថខណ្ឌដង្កោនេះ រហូតដល់វេលាម៉ោង៣និង៣០នាទីរសៀលថ្ងៃខែឆ្នាំដដែល ទើបឈានទៅដល់ការឆែកឆេរផ្ទះរបស់ជនសង្ស័យ ដោយមានការសម្របសម្រួលអនុញ្ញាតពីលោក សេង ម៉េងស្រ៊ុន ព្រះរាជអាជ្ញារងប្រចាំខណ្ឌដង្កោ ដែលមានទីតាំងចំណុចផ្លូវបេតុង ស្ថិតក្នុងភូមិបាគូ សង្កាត់ដង្កោ ខណ្ឌដង្កោ។ ដោយដកហូតវត្ថុតាង រួមមាន ៖ ១- ម៉ូតូម៉ាក HONDA C125 ពណ៌ខ្មៅ គ្មានស្លាកលេខ និងឯកសារ និង២- ម៉ូតូម៉ាក SUZUKI NEX ពណ៌ក្រហមលាយ.ស ពាក់ស្លាកលេខ កំពង់ស្ពឺ1P-4062 (គ្មានឯកសារ) និងមនុស្ស២នាក់ទៀត យកទៅធ្វើការសាកសួរបន្ត។
ហើយជនសង្ស័យទាំងអស់នោះបានសារភាពថា «ពួកគេធ្លាប់ពាក់ព័ន្ធធ្វើសកម្មភាពធា.ក់ប្ល.ន់យកម៉ូតូអ្នកដំណើរតាមផ្លូវនៅក្នុងមូលដ្ឋានខណ្ឌដង្កោ ជាច្រើនលើកមកហើយ នៅពេលធ្វើសកម្មភាពពួកគេមានគ្នាចំនួន៥នាក់ឯណោះ ចំណែកបក្សពួក២នាក់ទៀតឥឡូវកំពុងតែរត់គេចខ្លួន។
ក្រោយពេលកើតហេតុ បន្ទាប់ពីធ្វើការសាកសួររួចហើយ កម្លាំងអាវុធហត្ថខណ្ឌដង្កោ បានបញ្ជូនជនសង្ស័យ រួមទាំងវត្ថុតាងទាំងអស់ទៅផ្នែកជំនាញ នៃបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីចាត់ការតាមនីតិវិធីជាបន្ត៕
ចែករំលែកព័តមាននេះ