បុរសជាសន្តិសុខឯកជនម្នាក់ បានជិះម៉ូតូមួយគ្រឿងមករកលោ.តទឹកនៅស្ពានជ្រោយចង្វារ ដោយសារតែឈ្លោះគ្នាជាមួយប្រពន្ធរឿងមានប្រុសថ្មី និងមានបញ្ហាក្នុងគ្រួសារទៀត ប៉ុន្តែត្រូវបានប្រជាការពារខណ្ឌដូនពេញ ជួយទាន់
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា បុរសជាសន្តិសុខឯកជនម្នាក់ បានជិះម៉ូតូមួយគ្រឿងមករកលោ.តទឹកនៅស្ពានជ្រោយចង្វារ ដោយសារតែឈ្លោះគ្នាជាមួយប្រពន្ធរឿងមានប្រុសថ្មី និងមានបញ្ហាក្នុងគ្រួសារទៀត ប៉ុន្តែត្រូវបានប្រជាការពារខណ្ឌដូនពេញ ជួយទាន់ រួចនាំយកចុះមកក្រោមវិញ បង្កឱ្យមានការភ្ញាក់ផ្អើលកាលពីវេលាម៉ោង៨និង៤០នាទីយប់ ថ្ងៃទី០៣ ខែសីហា ឆ្នាំ២០២៣ នៅលើស្ពានជ្រោយចង្វារចាស់ ស្ថិតក្នុងសង្កាត់ស្រះចក ខណ្ឌដូនពេញ។
សេចក្តីរាយការណ៍បន្តថា បុរសខាងលើរូបនេះនេះមានឈ្មោះ ឯក ឧត្ដម អាយុ២៦ឆ្នាំ មុខរបរជាសន្តិសុខឯកជន ស្នាក់នៅបន្ទប់ជួលម្ដុំទឹកថ្លា ខណ្ឌសែនសុខ នឹងមានស្រុកកំណើតនៅខេត្តព្រៃវែង។
បើតាមប្រភពព័ត៌មានពីបងប្អូនប្រជាពលរដ្ឋ បានបានប្រាប់អោយដឹងថា គាត់ឃើញបុរសម្នាក់ជិះម៉ូតូមួយគ្រឿងម៉ាក ZOOMmer ពណ៌ទឹកប្រាក់ ពាក់ស្លាកលេខ ភ្នំពេញ1DH.6304 ជិះឡើងទៅលើស្ពានជ្រោយចង្វារ ហើយអង្គុយយំ និងរកលោ.តទឹកទៀត ដោយឃើញបែបនេះ គាត់ក៏ប្រាប់ទៅប្រជាការពារខណ្ឌដូនពេញ អោយទៅមើលបុរសខាងលើផងដែរ។ ក្រោយពីកម្លាំងទៅដល់ឃើញបុរសខាងលើ យំ និងបម្រុងរកលោ.តមែន ទើបពួកគាត់នាំគ្នាចាប់យកក្រោម រួមនាំមកដាក់នៅគោលដៅចរាចរណ៍គួចកាណុង ដើម្បីអោយសមត្ថកិច្ចជួយមើល ខ្លាចបុរសរូបនោះឡើងទៅម្ដងទៀត។
ក្រោយពីយកមកដល់ក្រោម បុរសខាងលើនេះបានយំរៀបរាប់ប្រាប់អំពីដំណើរដើមទងដែលនាំឱ្យខ្លួនមកលោ.តទឹកនេះថា ដោយសារតែឈ្លោះគ្នាជាប្រពន្ធរឿងមានប្រុសថ្មី និងបញ្ហាក្នុងគ្រួសារ ព្រោះតែឪពុកលែងទទួលស្គាល់ ព្រមទាំងរឿងរ៉ាវជីវិតផងនោះ ទើបគិតខ្លីមករកលោ.តទឹក ដើម្បីបញ្ច.ប់ជីវិ.តតែម្ដងទៅ។
បច្ចុប្បន្ន បុរសខាងលើបានត្រឡប់ទៅវិញហើយ ដោយសារតែមានការនិយាយលួងលោមពី សមត្ថកិច្ច និងប្រជាការពារ ទើបបុរសរូបនេះឈប់យំ ហើយក៏ជិះម៉ូតូត្រឡប់ទៅវិញបាត់ទៅ៕
ចែករំលែកព័តមាននេះ