តុលាការធម្មនុញ្ញថៃពន្យារពេលការបោះឆ្នោតរើសនាយករដ្ឋមន្ត្រី
ប្រទេសថៃ ៖ ភាពទ័លច្រកខាងនយោបាយនៅថៃបន្តអូសបន្លាយពេលទៀត បន្ទាប់ពីការសម្រេចនា
ប្រទេសថៃ ៖ ភាពទ័លច្រកខាងនយោបាយនៅថៃបន្តអូសបន្លាយពេលទៀត បន្ទាប់ពីការសម្រេចនាថ្ងៃទី៣ សីហា របស់តុលាការធម្មនុញ្ញ ពន្យារពេលការពិនិត្យពាក្យបណ្ដឹង គណបក្សអ្នកឈ្នះឆ្នោត ដែលទាក់ទិននឹងបេក្ខភាពនាយករដ្ឋមន្ត្រី។
តុលាការធម្មនុញ្ញទទួលយកពាក្យបណ្ដឹងតាមរយៈអ្នកអាជ្ញាកណ្ដាល លើធម្មនុញ្ញភាពនៃការបដិសេធរបស់សភា មិនឲ្យប្រមុខគណបក្សឈ្នះឆ្នោតឈរឈ្មោះជាបេក្ខជននាយករដ្ឋមន្ត្រី ហើយត្រូវប្រកាសនាថ្ងៃទី៣សីហាថា តើខ្លួនទទួលពិនិត្យពាក្យបណ្ដឹងនោះដែរឬយ៉ាងណា។ ប៉ុន្តែតុលាការនោះបានប្រកាសពន្យារពេលធ្វើការសម្រេចនេះរហូតដល់ថ្ងៃទី១៦សីហា នាំឲ្យមិនអាចធ្វើទៅបានការបោះឆ្នោតក្នុងសភាដែលគ្រោងធ្វើនាថ្ងៃទី៤សីហា ជ្រើសតាំងនាយករដ្ឋមន្ត្រី៕
ចែករំលែកព័តមាននេះ