យុវជនម្នាក់ ត្រូវបានគេបង្ហើបឱ្យដឹងថា គឺជានិស្សិតកំពុងសិក្សា លុះពេលដើរលេងភ្លេចខ្លួនជាមួយមិត្តភក្តិ ដោយអត់បាយអត់ទឹក និងវក់លេងល្បែ.ងកាស៊ីណូទៀត រហូតដល់ចាញ់លុយអស់ ក៏ស្រាប់តែ
ខេត្តប៉ៃលិន ៖ យុវជនម្នាក់ ត្រូវបានគេបង្ហើបឱ្យដឹងថា គឺជានិស្សិតកំពុងសិក្សា លុះពេលដើរលេងភ្លេចខ្លួនជាមួយមិត្តភក្តិ ដោយអត់បាយអត់ទឹក និងវក់លេងល្បែ.ងកាស៊ីណូទៀត រហូតដល់ចាញ់លុយអស់ ក៏ស្រាប់តែកើតជំងឺគាំងបេះដូងស្លា.ប់តែម្តង។ ហេតុការណ៍នេះ បានកើតឡើងកាលពីវេលាម៉ោង០៥និង១៥នាទីព្រឹក ថ្ងៃទី០១ ខែសីហា ឆ្នាំ២០២៣ នៅចំណុចផ្សារព្រំ ឃុំស្ទឹងកាច់ ស្រុកសាលាក្រៅ ខេត្ដប៉ៃលិន។
បើតាមប្រភពព័ត៌មានបានឱ្យដឹងថា ជនរងគ្រោះខាងលើនេះមានឈ្មោះ ឈុន ឡេងហេង ភេទប្រុស អាយុ២១ឆ្នាំ ជានិស្សិត រស់នៅភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន ខេត្ដប៉ៃលិន។
បើតាមប្រភពពីឪពុកម្តាយជនរងគ្រោះ បានឲ្យដឹងថា កាលពីថ្ងៃទី២៤ ខែកក្កដា ឆ្នាំ២០២៣ កូនរបស់គាត់បានទៅដើរលេងជាមួយមិត្តភក្តិម្នាក់ឈ្មោះ ហ៊ាង កូឡា ភេទប្រុស អាយុ២០ឆ្នាំ មានទីលំនៅភូមិជាមួយគ្នា រួមជាមួយមិត្តភក្តិដទៃទៀតជាច្រើននាក់ ដោយបានទៅលេងល្បែ.ងកាស៊ីណូ។ លុះពេលលេងចាញ់អស់លុយ ឈ្មោះ កូឡា បានបបួលកូនគាត់មកផ្ទះវិញ ប៉ុន្តែរូបគេប្រាប់ឱ្យមកមុន ព្រោះជាប់រវល់នៅផឹកស៊ីនៅកន្លែងម៉ាតនៅចំណុចផ្សារព្រំ ជាមួយមិត្ដភក្តិបន្តទៀត។
ប្រភពដដែលបន្តថា បន្ទាប់មកមិត្តភក្តិរបស់គេ ក៏បានចេញមកផ្ទះវិញ រហូតដល់វេលាម៉ោង០៥និង១៥នាទីព្រឹក នៅថ្ងៃទី០១ ខែសីហា ឆ្នាំ២០២៣ ក៏មានមិត្ដភក្តិដែលធ្លាប់ស្គាល់គ្នាបានទូរស័ព្ទមកប្រាប់គាត់ថា កូនរបស់គាត់បានស្លា.ប់ដោយសង្ស័យថា គាំងបេះដូង។
ក្រោយពេលកើតហេតុ ក្រុមគ្រូពេទ្យជំនាញ នៃមន្ទីរសុខាភិបាលខេត្តប៉ៃលិន កម្លាំងជំនាញកោសល្យវិច័យ នៃស្នងការដ្ឋាននគរបាលខេត្តប៉ៃលិន កម្លាំងផែននគរបាលយុត្តិធម៌ នៃអធិការដ្ឋាននគរបាលក្រុងប៉ៃលិន កម្លាំងប៉ុស្តិ៍រដ្ឋបាលសង្កាត់អូរតាវ៉ៅ ធ្វើកោសល្យវិច័យពិនិត្យឃើញថា ជនរងគ្រោះពិតជាស្លា.ប់ដោយសារកើតជំងឺគាំងបេះដូងពិតប្រាកដមែន។
បច្ចុប្បន្ន ស.ពជនរងគ្រោះ ត្រូវបានក្រុមគ្រួសារដឹកតាមរថយន្តយកទៅផ្ទះ ដើម្បីធ្វើបុណ្យតាមប្រពៃណីហើយ៕
ចែករំលែកព័តមាននេះ