កម្មករស៊ីឈ្នួលជីកអណ្តូង២នាក់ ចុះស្តារ និងដាក់លូក្នុងអណ្ដូង ជួបគ្រោះអកុសលយ៉ាងរន្ធ.ត់
- ព្រៃវែង
ខេត្តព្រៃវែង ៖ កម្មករស៊ីឈ្នួលជីកអណ្ដូងទឹកចំនួន២នាក់ បានស្លា.ប់ក្នុងអណ្ដូងយ៉ាងអាណោច
ខេត្តព្រៃវែង ៖ កម្មករស៊ីឈ្នួលជីកអណ្ដូងទឹកចំនួន២នាក់ បានស្លា.ប់ក្នុងអណ្ដូងយ៉ាងអាណោច
ខេត្តព្រៃវែង ៖ កម្មករស៊ីឈ្នួលជីកអណ្ដូងទឹកចំនួន២នាក់ បានស្លា.ប់ក្នុងអណ្ដូងយ៉ាងអាណោចអាធ័មបំផុត ខណៈចុះស្ដារ និងដាក់លូក្នុងអណ្ដូងទឹក ហើយគ្មានខ្យល់អុកស៊ីហ្សែន សម្រាប់ដកដង្ហើម។
ហេតុការណ៍ខាងលើនេះបានកើតឡើងកាលពីវេលាម៉ោង១៨ និង០០ នាទីថ្ងៃទី១ ខែសីហា ឆ្នាំ២០២៣ នៅចំណុចវាលស្រែខាងលិច ភូមិស្គាក្តីចម្ងាយ១៧០០ម៉ែត្រ ស្ថិតនៅក្នុងភូមិស្គាក្តី ឃុំព្នៅទី២ ស្រុកស៊ីធរកណ្តាល ខេត្តព្រៃវែង។
លោកអធិការនគរបាលស្រុកស៊ីធរកណ្ដាលបានឲ្យដឹងថាៈ ជនរងគ្រោះទាំង២នាក់ដែលបាត់បង់ជីវិតខាងកើ ក្នុងនោះម្នាក់ឈ្មោះ ជ្រឿន ដេន ភេទប្រុស អាយុ៤៣ឆ្នាំ និងម្នាក់ទៀតឈ្មោះ ធន់ សារ៉េន ភេទប្រុស អាយុ ៥៤ឆ្នាំ ។ ជនរងគ្រោះទាំង២នៅភូមិ-ឃុំកើតហេតុខាងលើ។
តាមប្រភពដដែលបានឱ្យដឹងបន្តថា នៅមុនពេលកើតហេតុ ម្ចាស់អណ្ដូងទឹកបានជួលជនរងគ្រោះទាំងពីរនាក់ឱ្យមកស្ដារអណ្ដូង និងដាក់លូបន្ថែម ។ ដោយអណ្ដូងមានលូ១០កង់រួចហើយ និងដាក់ថែមលូ៣កង់ទៀត ដើម្បីឲ្យចេញទឹក។ ខណៈដែលជនរងគ្រោះទាំង២នាក់បានចុះទៅក្នុងអណ្ដូងបាត់យូររហូតដល់ម៉ោង៩យប់ថ្ងៃដដែល ទើបក្រុមគ្រួសារទៅរកមើលក៏ឃើញស្លា.ប់ក្នុងអណ្ដូងបាត់ទៅហើយ។
ចំពោះករណីនេះ សមត្ថកិច្ចជំនាញបានសន្និដ្ឋានថា បណ្ដាលមកពីជនរងគ្រោះទាំងពីរនាក់ ចុះអណ្ដូងដែលមានជម្រៅជ្រៅ ហើយគ្មានខ្យល់អុកស៊ីហ្សែន ទើបបណ្ដាលឱ្យស្លា.ប់បែបនេះ។
បច្ចុប្បន្ន ស.ពជនរងគ្រោះ២រូបខាងលើ ត្រូវបានសមត្ថកិច្ចបានប្រគល់ឲ្យក្រុមគ្រួសាររៀបចំធ្វើបុណ្យតាមប្រពៃណី៕
ចែករំលែកព័តមាននេះ