លោកតាអាយុ៨៤ឆ្នាំម្នាក់ បានធ្លាក់ទឹកស្រះរណ្តៅជីករបស់តាសុន បណ្ដាលឱ្យស្លា.ប់បា.ត់ប.ង់ជីវិ.ត ខណៈពេលដែលគាត់ជិះទូកតែម្នាក់ឯងទៅមើលមងដូចសព្វដង
រាជធានីភ្នំពេញ ៖ លោកតាអាយុ៨៤ឆ្នាំម្នាក់ បានធ្លាក់ទឹកស្រះរណ្តៅជីករបស់តាសុន បណ្ដាលឱ្យស្លា.ប់បា.ត់ប.ង់ជីវិ.ត ខណៈពេលដែលគាត់ជិះទូកតែម្នាក់ឯងទៅមើលមងដូចសព្វដង។ ហេតុការណ៍នេះ បង្កអោយមានការភ្ញាក់ផ្អើលកាលពីវេលាម៉ោងប្រមាណ៦ព្រឹក ថ្ងៃទី០២ ខែសីហា ឆ្នាំ២០២៣ នៅចំណុចស្រះទឹករណ្តៅដីតាសុន ស្ថិតនៅភូមិវិមានទ្រុង សង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
លោកតាដែលធ្លាក់ទឹកខាងលើនោះមានឈ្មោះ ស៊ុំ សាន អាយុ៨៤ឆ្នាំ ស្នាក់នៅក្នុងខ្ទមជាមួយកូនប្រុសស្រីចំនួន២នាក់នៅមាត់ស្រះទឹកកើតហេតុខាងលើ។
បើតាមកូនប្រុសមានឈ្មោះ ស៊ុំ គា អាយុ៤៣ឆ្នាំ បានអោយដឹងថា ជាទូទៅឪពុករបស់ខ្លួនបានក្រោកទៅមើលមងនៅវេលាម៉ោងប្រមាណ៤ទៅ៥ភ្លឺ ហើយនៅវេលាម៉ោងប្រមាណ៦ព្រឹក គាត់យកត្រីមកលក់ ស្រាប់តែនៅព្រឹកនេះបាត់ឪពុកមិនឃើញ គាត់ក៏បានដើរទៅមើលនៅស្រះទឹកដ៏ធំល្វឹងល្វើយ ដែលមានជម្រៅប្រមាណ៣០មែត្រ ស្រាប់តែប្រទះឃើញទូកអណ្តែតរសាត់តាមខ្យល់ ទៅទើនឹងច្រាំងនៅផ្នែកខាងជើង។
ប្រភពដដែលបន្តថា បន្ទាប់ពីប្រទះឃើញទូកដូច្នេះ រូបគាត់ (កូនប្រុសជនរងគ្រោះ) ក៏មានការសង្ស័យថា ឪពុករបស់គាត់បានធ្លាក់ទឹកស្លា.ប់ហើយ គាត់ក៏បានអុំទូកទៅរ កនិងបានស្រាវមង ស្រាប់តែប្រទះឃើញស.ពឪពុកជាប់នឹងមងនោះតែម្តង។
តាមកូនប្រុសស្រី បានប្រាប់អោយដឹងថា កាលពីម្សិលមិញ ឪពុកបានត្អូញប្រាប់ថា មិនស្រួលខ្លួន ហើយដៃម្ខាងរបស់គាត់ដែលត្រូវចរន្តអគ្គិសនីឆក់នោះក៏បានរើឡើង ធ្វើឱ្យឈឺ និងស្ពឹក ប៉ុន្តែមិននឹកស្មានថា គាត់ធ្លាក់ទឹកស្រះស្លា.ប់បែបនេះនោះទេ។
គួរបញ្ជាក់ផងដែរថា លោកតារងគ្រោះខាងលើ មានកូនប្រុសស្រីចំនួន៨នាក់ ហើយដើមឡើយគាត់មានផ្ទះនៅក្បែរនោះ បន្ទាប់ពីកូនរបស់គាត់ក៏បានធ្វើផ្ទះអោយគាត់នៅភ្នំប្រសិទ្ធិ តែគាត់មិនទៅ ក៏មកសុំគេធ្វើខ្ទមនៅមាត់ស្រះស្នាក់នៅរកត្រីវិញ។
បន្ទាប់ពីរកឃើញស.ពជនរងគ្រោះនៅព្រឹកនេះ នគរបាលក៏បានចុះទៅត្រួតពិនិត្យស.ព រួចប្រគល់អោយក្រុមគ្រួសារធ្វើបុណ្យតាមប្រពៃណី៕
ចែករំលែកព័តមាននេះ