ADផ្ទាំងផ្សព្វផ្សាយពាណិជ្ជកម្ម

ទុកពេល១៥ថ្ងៃ តម្រូវឱ្យម្ចាស់សំណង់រុះរើចេញពីដីចំណីព្រែកកំពង់បាយត្រើយខាងលិចចេញ

1 ឆ្នាំ មុន

កំពត
០២ ខែ សីហា ឆ្នាំ ២០២៣ ម៉ោង ១០:១២

ខេត្តកំពត ៖ អាជ្ញាធរក្រុងកំពតបានតម្រូវឱ្យពលរដ្ឋដែលបានសាងសង់សំណង់លើដីចំណីព្រែកកំពង់បាយ ស្ថិតនៅភូមិសាស្ត្រសង្កាត់អណ្តូងខ្មែររុះរើចេញក្នុងរយ:ពេល១៥ថ្ងៃជាកំហិត ហើយរដ្ឋបាលខេត្តនឹងស្ថាបនាផ្លូវនិងសួននៅលើទីតាំងដែលតម្រូវឱ្យរុះរើសំណង់នោះ ។ បន្ទាប់ពីរដ្ឋបាលក្រុងកំពតបានចេញលិខិតជូនដំណឹងចុះថ្ងៃទី៣១ ខែកក្កដា ឆ្នាំ២០២៣ ជម្រាបជូនឱ្យបងប្អូនប្រជាពលរដ្ឋដែលមានរបង…

បន្ទាប់ពីរដ្ឋបាលក្រុងកំពតបានចេញលិខិតជូនដំណឹងចុះថ្ងៃទី៣១ ខែកក្កដា ឆ្នាំ២០២៣ ជម្រាបជូនឱ្យបងប្អូនប្រជាពលរដ្ឋដែលមានរបង ក្យូស និងសំណង់ផ្សេងៗ នៅលើដីចំណីព្រែកកំពង់បាយត្រើយខាងលិច ចាប់ពីស្ពានរថភ្លើងដល់ស្ពានត្រើយកោះ ស្ថិតក្នុងភូមិទ្វីខាងជើង និងភូមិទ្វីខាងត្បូង សង្កាត់អណ្តូងខ្មែរ ក្រុងកំពត ត្រូវរុះរើចេញដោយខ្លួនឯងក្នុងរយៈពេល១៥ថ្ងៃរួចមក
នៅព្រឹកថ្ងៃទី១ ខែសីហា ឆ្នាំ២០២៣នេះ ឯកឧត្តម ង៉ាន់ ថារិទ្ធ អភិបាលរងខេត្ត បានដឹកនាំអាជ្ញា
ធរ និងមន្ត្រីជំនាញពាក់ព័ន្ធ ចុះពិនិត្យ និងកំណត់ទីតាំងសម្រាប់ឱ្យប្រជាពលរដ្ឋដែលជាម្ចាស់សំណង់រុះរើចេញដោយខ្លួនឯង ដោយគិតចាប់ពីថ្ងៃទី១ រហូតដល់ថ្ងៃទី១៥ ខែសីហា ឆ្នាំ២០២៣ ជាកំហិត។

ឯកឧត្តមអភិបាលរងខេត្តបានបញ្ជាក់ថា ក្រោយពីបងប្អូនប្រជាពលរដ្ឋជាម្ចាស់សំណង់រុះរើរួចរាល់ រដ្ឋបាលខេត្តនឹងចាប់ផ្តើមអនុវត្តគម្រោងកែលម្អសោភ័ណភាពក្រុង ដោយស្ថាបនាផ្លូវមួយខ្សែ និងរៀបចំច្រាំងព្រែកចាប់ពីចំណុចស្ពានរថភ្លើង រហូតដល់ស្ពានត្រើយកោះតែម្តង ហើយកន្លែងខ្លះនឹងមានសួនច្បារផងដែរ ។

យោងតាមសេចក្តីជូនដំណឹងរបស់អាជ្ញាធរក្រុងបានបញ្ជាក់ថា ក្នុងករណីម្ចាស់សំណង់ណាមិនបានអនុវត្តតាមសេចក្តីជូនដំណឹងនេះ រដ្ឋបាលក្រុងកំពត និងអនុវត្តតាមនីតិវិធីច្បាប់ ព្រមទាំងចុះរុះរើដោយមិនទទួលខុសត្រូវលើការខូចខាតទ្រព្យសម្បត្តិណាមួយឡើយ។ ឯការចំណាយផ្សេងៗសម្រាប់សកម្មភាពរុះរើជាបន្ទុករបស់ម្ចាស់សំណង់ផ្ទាល់ ។

ព័ត៌មានបន្ថែមកោះសន្តិភាពនឹងមានផ្សាយជូនបន្ត ។