ខេត្តកំពង់ស្ពឺ ៖ សេចក្តីរាយការណ៍ឱ្យដឹងថា គិតត្រឹមម៉ោង០១ និង៣០នាទីឈានចូលថ្ងៃទី២៩ កក្កដា នេះ នៅចំណុចស្ពានអូរគគីរ (ចន្លោះគីឡូម៉ែត្រ106-107) ត្រង់ចំណុចភូមិទី៦…
ខេត្តកំពង់ស្ពឺ ៖ សេចក្តីរាយការណ៍ឱ្យដឹងថា គិតត្រឹមម៉ោង០១ និង៣០នាទីឈានចូលថ្ងៃទី២៩ កក្កដា នេះ នៅចំណុចស្ពានអូរគគីរ (ចន្លោះគីឡូម៉ែត្រ106-107) ត្រង់ចំណុចភូមិទី៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ ស្ថានភាពទឹកគឺបានស្រកចុះប្រវែង១ម៉ែត្រហើយ ចាប់ពីធ្នឹមស្ពាន ដោយអាចឱ្យអ្នកដំណើរអាចធ្វើចរាចរណ៍ទៅមកបានជាធម្មតាវិញ ។ នេះបើយោងតាម ផ្នែកសណ្តាប់ធ្នាប់សាធារណៈស្រុកភ្នំស្រួចបានឱ្យដឹងនាព្រឹកថ្ងៃដដែលនេះ ។ សួមរំលឹកថា ផ្លូវជាតិលេខ៤ ចំណុចស្ពានអូរគគីរ ជិតពេជ្រនិល ត្រូវទឹកភ្លៀងជន់លិច ផ្អាកចរាចរណ៍ជាបណ្តោះអាសន្ន នៅយប់ថ្ងៃទី២៨កក្កដានេះ
សូមរំលឹកថា ទឹកភ្លៀងបានជន់លិចកំណាត់ផ្លូវជាតិលេខ៤ ចំណុចស្ពានអូរគគីរ ក្នុងឃុំពេជ្រនិល ស្រុកភ្នំស្រួច ខេត្តកំពង់ស្ពឺ ត្រូវទឹកជន់លិចកម្ពស់រហូតដល់០,៧០ម៉ែត្រ គិតត្រឹមម៉ោងប្រមាណ ១០យប់ ថ្ងៃទី២៨ ខែកក្កដានេះ។
ដូច្នេះ ការធ្វើចរាចរណ៍ឆ្លងកាត់កំណាត់ផ្លូវជាតិលេខ៤ ចំណុចទឹកភ្លៀងជន់លិចនេះ ទាំងចរាចរណ៍ មកពីស្រុកកំពង់សិលា និងពីស្រុកភ្នំស្រួច ត្រូវបានផ្អាកចរាចរណ៍ជាបណ្តោះអាសន្ន។ នេះបើតាមការបញ្ជាក់របស់សមត្ថកិច្ច។
ព័ត៌មានបន្ថែមកោះសន្តិភាពនឹងមានផ្សាយជូនបន្តទៀត ។
ចែករំលែកព័តមាននេះ