ចំនួនប្រជាជនជប៉ុនធ្លាក់ចុះ ខណៈកំណើនជនបរទេសកើនឡើងជាកំណត់ត្រា
ជប៉ុន ៖ ទិន្នន័យរបស់រដ្ឋាភិបាលប្រទេសជប៉ុន កាលពីថ្ងៃទី២៦ ខែកក្កដា ឆ្នាំ២០២៣ បានបង្ហាញថា
ជប៉ុន ៖ ទិន្នន័យរបស់រដ្ឋាភិបាលប្រទេសជប៉ុន កាលពីថ្ងៃទី២៦ ខែកក្កដា ឆ្នាំ២០២៣ បានបង្ហាញថា
ជប៉ុន ៖ ទិន្នន័យរបស់រដ្ឋាភិបាលប្រទេសជប៉ុន កាលពីថ្ងៃទី២៦ ខែកក្កដា ឆ្នាំ២០២៣ បានបង្ហាញថា ចំនួនប្រជាជនជប៉ុនបានធ្លាក់ចុះ នៅក្នុងល្បឿនលឿនបំផុតមិនធ្លាប់មាន ខណៈដែលចំនួនជនបរទេសនៅក្នុងស្រុកបានកើនឡើងដល់កំណត់ត្រា គឺចំនួនជិត ៣លាននាក់។
ទិន្នន័យនេះ បានគូសបញ្ជាក់ថា ជនបរទេសកំពុងដើរតួនាទីកាន់តែធំនៅក្នុងសង្គមជប៉ុន ដើម្បីបង្កើតចំនួនប្រជាជនដែលធ្លាក់ចុះ។ ចំនួនប្រជាជនជនជាតិជប៉ុនបានធ្លាក់ចុះរយៈពេល១៤ឆ្នាំក្នុងចំនួនប្រហែល ៨០ម៉ឺននាក់នៅក្នុងឆ្នាំ ២០២២។ នេះយោងតាមទិន្នន័យ ដែលបង្ហាញពីចំនួនប្រជាជនដែលមានការចុះឈ្មោះស្នាក់នៅគិតត្រឹមថ្ងៃទី០១ ខែមករា ឆ្នាំ ២០២៣ ដែលត្រូវបានចេញផ្សាយដោយក្រសួងកិច្ចការផ្ទៃក្នុង និងទំនាក់ទំនងរបស់ជប៉ុន។
ទិន្នន័យបានបង្ហាញថា ជាលើកដំបូងដែលចំនួនប្រជាជនជប៉ុនបានធ្លាក់ចុះក្នុងខេត្តទាំង ៤៧។ ចំនួនប្រជាជនសរុបនៅក្នុងប្រទេសជប៉ុន បានធ្លាក់ចុះមកនៅត្រឹម ១២៥.៤១លាននាក់ ដែលជាការថយចុះប្រហែល ៥១១,០០០នាក់។ ចំនួនប្រជាជនប្រទេសនេះ បានឡើងដល់កំពូលក្នុងឆ្នាំ ២០០៨ ហើយបានធ្លាក់ចុះចាប់តាំងពីពេលនោះមក ដោយសារតែអត្រាកំណើតទាប ដែលបានឈានដល់កម្រិតទាបបំផុត កាលពីឆ្នាំមុន។
យោងតាមទិន្នន័យបានឱ្យដឹងថា ចំនួនជនបរទេស ដែលមានអាសយដ្ឋាននៅក្នុងប្រទេសជប៉ុនមានចំនួន ២.៩៩លាននាក់ គិតត្រឹមថ្ងៃទី០១ ខែមករា ឆ្នាំ២០២៣ ដែលកើនឡើង ១០.៧% បើធៀបនឹងឆ្នាំមុន។ ការកើនឡើងពីមួយឆ្នាំទៅមួយឆ្នាំ គឺជាការកើនឡើងដ៏ធំបំផុត ចាប់តាំងពីក្រសួងកិច្ចការផ្ទៃក្នុង និងទំនាក់ទំនង បានចាប់ផ្តើមតាមដានប្រជាជនមិនមែនជនជាតិជប៉ុន កាលពី១០ឆ្នាំមុន។ ទីក្រុងតូក្យូ គឺជាផ្ទះសម្រាប់ចំណែកធំបំផុតនៃអ្នករស់នៅជាជនបរទេស ដែលមាន ៤.២% នៃចំនួនប្រជាជន ឬ ៥៨១,១១២នាក់ ហើយរាជធានីបេះដូងជប៉ុនមួយនេះ គឺជាកន្លែងមានការកើនឡើងដ៏ធំបំផុត នៃចំនួនប្រជាជនមិនមែនជាជនជាតិជប៉ុន កាលពីឆ្នាំមុន។
លោកនាយករដ្ឋមន្ត្រីជប៉ុន Fumio Kishida បានធ្វើឱ្យមានការបញ្ច្រាសអត្រាកំណើតធ្លាក់ចុះរបស់ប្រទេសជាអាទិភាពកំពូល ហើយបើទោះបីជាមានបំណុលខ្ពស់យ៉ាងណាក៏ដោយ រដ្ឋាភិបាលលោកគ្រោងនឹងចំណាយប្រាក់ ២៤.៨៤ពាន់លានដុល្លារក្នុងមួយឆ្នាំ លើការថែទាំកុមារ និងវិធានការផ្សេងទៀត ដើម្បីផ្គត់ផ្គង់ឪពុកម្តាយ៕ (ប្រភពពី AFP)
ចែករំលែកព័តមាននេះ