មុខសញ្ញាយ៉ាងសកម្មទា.ក់សត្វសុនខអ្នកស្រុកជាយូរមកហើយនោះ ពេលនេះអស់លក្ខណ៍២នាក់
- កំពង់ស្ពឺ
ខេត្តកំពង់ស្ពឺ ៖ មុខសញ្ញាយ៉ាងសកម្មខាងដើរទាក់សត្វសុនខរបស់អ្នកស្រុកអស់ពេលជាយូរមក
ខេត្តកំពង់ស្ពឺ ៖ មុខសញ្ញាយ៉ាងសកម្មខាងដើរទាក់សត្វសុនខរបស់អ្នកស្រុកអស់ពេលជាយូរមក
ខេត្តកំពង់ស្ពឺ ៖ មុខសញ្ញាយ៉ាងសកម្មខាងដើរទាក់សត្វសុនខរបស់អ្នកស្រុកអស់ពេលជាយូរមកហើយនោះពេលនេះបានអស់លក្ខណ៍ ត្រូវសមត្ថកិច្ចឃាត់ខ្លួនចំនួន២នាក់ រួមជាមួយនឹងសត្វសុនខងា.ប់ចំនួន៣ក្បាល ។
ហេតុការណ៍ឃាត់ខ្លួនក្រុមជនសង្ស័យដើរទាក់សត្វសុនខខាងលើនេះបានធ្វើឡើងកាលពីវេលាម៉ោង ៣និង៣០នាទីឈានចូលព្រឹកថ្ងៃទី២៧ ខែកក្កដា ឆ្នាំ២០២៣ នៅចំណុចភូមិវត្តភ្នំ ឃុំភ្នំតូច ស្រុកសាមគ្គីមុនីជ័យ ខេត្តកំពង់ស្ពឺ ។
ក្រោយពីទទួលសេចក្តីរាយការណ៍ថា មានករណីក្រុមជនសង្ស័យធ្វើសកម្មភាពទា.ក់សត្វសុនខតាមភូមិ និងតាមផ្លូវសាធារណៈពេលយប់ លោកវរសេនីយ៍ឯក ខឹម សាម៉ុន អធិការនគរបាលស្រុកសាមគ្គឺមុនីជ័យ បានបញ្ជាកម្លាំងអោយតាមបង្ក្រាបបានជាក់ស្តែងតែម្តង។
លោកអធិការបន្តថា ក្រុមជនសង្ស័យមានបក្ខពួកច្រើននាក់ មានមធ្យោបាយម៉ូតូច្រើនគ្រឿង និងមានសម្ភារៈខ្សែហ្វាំងកង់និងកាតេសម្រាប់ច្រកសត្វសុនខ នៅពេលប្រតិបត្ដិការជោគជ័យជនសង្ស័យដែលសមត្ថកិច្ចឃាត់ខ្លួនបានពេលនេះមាន២នាក់ ៖ ១-ឈ្មោះ អឿន ហា ភេទប្រុស អាយុ១៩ឆ្នាំ មានទីលំនៅភូមិទួលសំបូរ សង្កាត់ព្រៃវែង ខណ្ឌដង្កោ រាជធានីភ្នំពេញ និង២-ឈ្មោះ សុខ ពិសី ភេទប្រុស អាយុ ២១ឆ្នាំ មានទីលំនៅ ភូមិទួលសំបូរ សង្កាត់ព្រៃវែង ខណ្ឌដង្កោ រាជធានីភ្នំពេញ និងដកហូតសម្ភារៈវត្ថុតាងម៉ូតូ១គ្រឿង ម៉ាក(ស្មាស់រ៉េវូ) ពណ៍ខ្មៅពាក់ផ្លាកលេខ ភ្នំពេញ 1BR- 6213 ដងអន្ទាក់សម្រាប់ទាក់សុនខចំនួន២ ដែកថ្នាំងអំពៅ១កំណាត់ ការ៉ុងចំនួន១ សត្វសុនខចំនួន៣ក្បាល និងទូរស័ព្ទអិនចុចពិល១គ្រឿង។
តាមចម្លើយសារភាពរបស់ជនសង្ស័យខាងលើបានសារភាពថា ពួកគេមានមុខរបរដើរទាក់សត្វសុនខអនាថានៅក្រៅរបង និងដើរដេកតាមផ្លូវនៅពេលយប់ ។ ក្រោយទាក់បានហើយគឺយកទៅលក់នៅទីផ្សារសាច់ពិសេសដែលមានម៉ូយរង់ចាំទិញ។ បច្ចុប្បន្នទីផ្សារលក់-ទិញសាច់ឆ្កែកំពុងតែមានហាងឆេងនិងតម្លៃខ្ពស់ ។ លើសពីនោះ ក្រុមខ្លួនមានគ្នា៥នាក់ ជិះម៉ូតូ៣គ្រឿង ធ្វើសកម្មភាពទាក់ខាងមុខ អ្នកខាងក្រោយមកទាក់បន្ដ ពេលសត្វសត្វសុនខរត់ដេញខាំអ្នកខាងមុខ។ មុខសញ្ញាសេសសល់ឈ្មោះ សំបូរ ភេទប្រុស អាយុ២០ឆ្នាំ ឈ្មោះ លី ភេទប្រុស អាយុ២១ឆ្នាំ ឈ្មោះ វណ្ណា ភេទប្រុស អាយុ៣៣ឆ្នាំ ភូមិទួលសំបូរ សង្កាត់ព្រៃវែង ខណ្ឌដង្កោ ភ្នំពេញ បានជិះម៉ូតូគេចខ្លួនរួច (ម៉ូតូម៉ាក ស្មាស់វី១គ្រឿង និង ម៉ូតូម៉ាកBeet ១គ្រឿង) ។
បច្ចុប្បន្ន ជនសង្ស័យរួមជាមួយវត្ថុតាងសត្វសុនខងា.ប់ចំនួន៣ក្បាល ត្រូវបានបញ្ជូនមកអធិការដ្ឋានគរបាលស្រុកសាមគ្គីមុនីជ័យ ដើម្បីចាត់ការនីតិវិធីបន្ដ ៕
ចែករំលែកព័តមាននេះ