ខេត្តក្រចេះ ៖ អភិបាលរងស្រុក សន ចំរុង បានដឹកនាំកម្លាំងចម្រុះចុះបង្ក្រាប ការធ្វើសន្ធិធិផលអនុផលព្រៃគ្មានច្បាប់អនុញ្ញាត ដែលក្រុមឈ្មួញយកទៅលាក់បំរុងដឹកចេញទៅលក់បន្ត ។ ហេតុការណ៍នេះ ធ្វើឡើងកាលពីរសៀលថ្ងៃទី២៥ កក្កដា ឆ្នាំ២០២៣ ស្ថិតនៅចំណុចភូមិស្រែនន ឃុំកន្ទួត ស្រុកចិត្របុរី ខេត្តក្រចេះ ។
នាយសង្កាត់រដ្ឋបាលព្រៃឈើកន្ទួត លោក ឃ្លាំង ណារ័ត្ន ឲ្យដឹងថា កម្លាំងចម្រុះដែលចូលរួម
បង្គ្រាប រួមមាននគរបាលប្រឆាំងបទល្មើសសេដ្ឋកិច្ចអាវុធហត្ថស្រុកចិត្របុរី នគរបាលស្រុកចិត្រ
បុរី អាជ្ញាធរស្រុក និងកម្លាំងសង្កាត់រដ្ឋបាលព្រៃឈើកន្ទួត បានសហការគ្នាចុះបង្គ្រាបការធ្វើសន្ធិធិ ផលអនុផលព្រៃឈើគ្មានច្បាប់អនុញ្ញាតពីរដ្ឋបាលព្រៃឈើ ដោយរឹបអូសឈើអារជាច្រើនសន្លឹក ។
លោកបន្ថែមថា ឈើដែលកម្លាំងចំរុះធ្វើការរឹបអីសទាំងនោះ ជាប្រភេទឈើអារលេខ១ (សុក្រំ) មានចំនួន១៤៧សន្លឹក តែមិនទាន់ធ្វើការវាស់វែងដឹងពីចំនួនម៉ែត្រគូបនៅឡើយទេ ។
បច្ចុប្បន្ន ឈើទាំងនោះត្រូវ បានកម្លាំងចម្រុះនាំយកមករក្សាទុក នៅស្ថានីយបណ្ដុះកូនឈើខ្សា ដើម្បីចាត់ការតាមច្បាប់រដ្ឋបាលព្រៃឈើ ។
ចែករំលែកព័តមាននេះ