ខេត្តព្រះសីហនុ ៖ ស្ថិតក្នុងស្ថានភាពភ្លៀងនិងខ្យល់កន្ត្រាក់រយៈពេលប៉ុន្មានថ្ងៃចុងក្រោយនេះ បានបង្កឲ្យខេត្តព្រះសីហនុរងផលប៉ះពាល់អស់មួយចំនួន ។ ជាក់ស្ដែង កាលពីល្ងាចថ្ងៃទី២០ កក្កដា ដើមឈើដែលមានអាយុចំណាស់នៅក្នុងមន្ទីរពេទ្យបង្អែកចម្ការចេកបានដួលរំលំសង្កត់លើផ្ទះប្រជាពលរដ្ឋនៅក្បែរនោះចំនួន៣គ្រួសារបណ្តាលឲ្យរងការខូចខាតជាមធ្យម តែសំណាងល្អ…
ខេត្តព្រះសីហនុ ៖ ស្ថិតក្នុងស្ថានភាពភ្លៀងនិងខ្យល់កន្ត្រាក់រយៈពេលប៉ុន្មានថ្ងៃចុងក្រោយនេះ បានបង្កឲ្យខេត្តព្រះសីហនុរងផលប៉ះពាល់អស់មួយចំនួន ។ ជាក់ស្ដែង កាលពីល្ងាចថ្ងៃទី២០ កក្កដា ដើមឈើដែលមានអាយុចំណាស់នៅក្នុងមន្ទីរពេទ្យបង្អែកចម្ការចេកបានដួលរំលំសង្កត់លើផ្ទះប្រជាពលរដ្ឋនៅក្បែរនោះចំនួន៣គ្រួសារបណ្តាលឲ្យរងការខូចខាតជាមធ្យម តែសំណាងល្អ មានមិនមនុស្សគ្រោះថ្នាក់នោះទេ ។
លោកឈាង រិទ្ធិយា ចៅសង្កាត់រងទី១នៃសង្កាត់លេខ4 ក្រុងព្រះសីហនុ បានឲ្យដឹងថា កាលពីល្ងាចថ្ងៃទី ២១ ខែកក្កដា ឆ្នាំ2023 ស្ថិតក្នុងភូមិ៤ការ សង្កាត់លេខ៤ ខាងក្រោយមន្ទីរពេទ្យបង្អែកខេត្ត ដើមឈើបានបាក់លើផ្ទះប្រជាពលរដ្ឋចំនួន៣គ្រួសារនៅវេលាម៉ោង៧ព្រឹកដោយសារតែខ្យល់កន្ទ្រាក់ ។
ប្រភពដែលបន្តថា ក្រោយពីទទួលបានដំណឹងនេះភ្លាម ក្រុមការងារចម្រុះដែលមានវត្តមានរបស់លោកប្រធាការិយាល័យសាធារណៈការក្រុង និងក្រុមការងារ តំណាងមន្ទីកសិកម្មខេត្ត-លោកប្រធាមន្ទីរពេទ្យបង្អែក និងក្រុមការងារ-ក្រុមការងារសង្កាត់លេខ៤ និងមន្ត្រី ប៉ុស្តិ៍រដ្ឋបាលសង្កាត់ ក្រុមការងារអគ្គិសនីខេត្ត-ក្រុមហ៊ុន មិត្ត ចេង និងលោក អុំ ធា ឡានស្ទូច បានចុះទៅដល់ទីតាំងកើតហេតុ និងពិនិត្យឃើញថាផ្ទះ3ខ្នងនោះ បានរងខូចខាតផ្នែកដំបូលខាងលើស្ទើរទាំងស្រុង តែសំណាងល្អពុំមានមនុស្សណាម្នាក់រងរបួសក្នុងហេតុការណ៍នេះទេ ។
ក្នុងនោះ ដើមឈើចំនួន៣ដើម មានដើមប្រេងខ្យល់០២ដើម និងដើមកានីន០១ដើម បង្កឱ្យមានការខូចខាតផ្ទះចំនួន០៣ខ្នង ប្រក់ដំបូលអំពីស័ង្កសីទាំងបី (ខូចខាតស្ទើរទាំងស្រុង ) ។ បន្ទាប់មក ក្រុមការងារបានយករថយន្តស្ទូចនិងកាត់ដើមឈើចេញពីលើផ្ទះប្រជាពលរដ្ឋ នឹងបានធ្វើរបាយការណ៍ជម្រាបជូនថ្នាក់ក្រុងនិងខេត្ត ។
ចែករំលែកព័តមាននេះ