ឡានស៊េរីទំនើបមួយគ្រឿងជួបគ្រោះលើផ្លូវល្បឿនលឿន
- ព្រះសីហនុ
ខេត្តព្រះសីហនុ ៖ តាមរបាយការណ៍ពីសមត្ថកិច្ចបានឱ្យដឹងថា កាលពីវេលាម៉ោង១២ថ្ងៃត្រង់ថ្ងៃទី១៩
ខេត្តព្រះសីហនុ ៖ តាមរបាយការណ៍ពីសមត្ថកិច្ចបានឱ្យដឹងថា កាលពីវេលាម៉ោង១២ថ្ងៃត្រង់ថ្ងៃទី១៩ ខែ កក្កដា ឆ្នាំ ២០២៣ រថយន្តស៊េរីទំនើបមួយគ្រឿង បានជួបគ្រោះថ្នាក់ចរាចរណ៍ លើផ្លូវល្បឿនលឿនភ្នំពេញ – ក្រុងព្រះសីហនុ ត្រង់ចំណុចគីឡូម៉ែត្រ១៤៤ ស្ថិតក្នុងភូមិឫទ្ធី១ ឃុំកែវផុស ស្រុកស្ទឹងហាវ ខេត្តព្រះសីហនុ ។
រថយន្តស៊េរីទំនើប១គ្រឿងខាងលើម៉ាក ESCALATE ពណ៍ខ្មៅ ពាក់ផ្លាកលេខ ភ្នំពេញ 2BR-6999
បើកបរក្នុងទិសដៅពីព្រះសីហនុ-ភ្នំពេញ ។ ចំណែកអ្នកបើកបរ និងអ្នករួមដំណើរម្នាក់ មិនស្គាល់ឈ្មោះនោះទេ មិនមានរងរបួសនោះទេ និងបានគេចចេញពីកន្លែងកើតហេតុ មុនពេលសមត្ថកិច្ចចុះទៅដល់កន្លែងកើតហេតុ ។
ដោយឡែកចំពោះមូលហេតុបណ្តាលមកពីបើកបរក្នុងល្បឿនលឿនក្នុងស្ថានភាពផ្លូវរអិលមានភ្លៀងធ្លាក់ខ្លាំង ទើបបណ្តាលឱ្យជួបគ្រោះថ្នាក់បុ.ករបាំងដែកផ្លូវល្បឿនលឿន រងការខូចខាតផ្នែកខាងមុខ តែមិនមាននរណាម្នាក់រងរបួសនោះទេ ។
ក្រោយពេលកើតហេតុ រថយន្តស៊េរីទំនើបមួយគ្រឿងខាងលើត្រូវបាននគរបាលនាយកដ្ឋានចរាចរណ៍កំពុងស្ទូចយកទៅរក្សាទុកនៅស្នាក់ការក្រុមហ៊ុនផ្លូវល្បឿនលឿន ដើម្បីដោះស្រាយរង់ចាំធ្វើការដោះស្រាយនៅពេលក្រោយទៀត ៕
ចែករំលែកព័តមាននេះ