ស្ពានសំខាន់មួយ តភ្ជាប់តំបន់គ្រីមេ ត្រូវកាត់ផ្ដាច់ចរាចរណ៍
សង្គ្រាមអ៊ុយក្រែន ៖ កាលពីយប់ថ្ងៃទី១៦ មក១៧ កក្កដា អភិបាលរុស្ស៊ីនៃឧបទ្វីបគ្រីមេឲ្យដឹងថា
សង្គ្រាមអ៊ុយក្រែន ៖ កាលពីយប់ថ្ងៃទី១៦ មក១៧ កក្កដា អភិបាលរុស្ស៊ីនៃឧបទ្វីបគ្រីមេឲ្យដឹងថា ឧប្បត្តិហេតុមួយកើតមានលើស្ពានកាត់ច្រកសមុទ្រ KERTCH ជាស្ពានសំខាន់មួយ តភ្ជាប់
តំបន់គ្រីមេទៅទៅតំបន់ក្រាស្នូដា បណ្ដាលចរាចរណ៍នៅទីនោះត្រូវកាត់ផ្ដាច់ ។
តាមតេឡេក្រាមអភិបាលរូបនោះលោកស័រហ្គេយអាក់ស្យូណូវគូសបញ្ជាក់ថា ចរាចរណ៍ត្រូវកាត់ផ្ដាច់នៅលើស្ពាននេះមកពីសភាពការណ៍បន្ទាន់មួយ ។ នាព្រឹកថ្ងៃទី១៧ កក្កដា ទីភ្នាក់ងារព័ត៌
មានរុស្ស៊ី២គឺ ណូវ៉ូស្ទី និង TASS ដកស្រង់ដោយទីភ្នាក់ងារព័ត៌មានរ៉យទ័រ រៀបរាប់ពីឧប្បត្តិហេតុ
មួយ និងសភាពការណ៍បន្ទាន់មួយនៅលើស្ពានគ្រីមេ ដោយគូសបញ្ជាក់ថា ចរាចរណ៍ត្រូវកាត់ផ្ដាច់លើស្ពាននេះ ។
កាសែតអ៊ុយក្រែនមួយ KYIV INDEPEN DENT គូសបញ្ជាក់ថា មានការផ្ទុះ២លាន់ឮនៅលើស្ពានគ្រីមេនាថ្ងៃទី១៧ កក្កដា ។ ខណៈមានការកកស្ទះចរាចរណ៍ខ្លាំងតាមផ្លូវថ្នល់នានា មកកាន់ស្ពានខាងផ្នែករុស្ស៊ី អាជ្ញាធរបានស្នើដល់ប្រជាជនចៀសវាងប្រើផ្លូវនោះដើម្បីទៅកាន់គ្រីមេ ។
ស្ពានយុទ្ធសាស្ត្រនិងជានិម្មិត្តរូបនេះសម្រាប់រុស្ស៊ី ធ្លាប់រងការវាយប្រហារកាលពីខែតុលាឆ្នាំ២០២២ ដោយសារការផ្ទុះគួរឲ្យភ្ញាក់ផ្អើលមួយបណ្ដាលឲ្យមានភ្លើងឆេះដ៏សន្ធោសន្ធៅ ។ កសាងឡើងតាមបទបញ្ជារបស់លោកពូទីន ស្ពាននេះត្រូវបានបើកសម្ពោធដោយលោកវ្ល៉ាឌីមៀរ ពូទីន ផ្ទាល់ នាថ្ងៃទី១៥ ឧសភា ឆ្នាំ២០១៨ ។ តំបន់គ្រីមេដែលរុស្ស៊ីបញ្ចូលជាឧបសម្ព័ន្ធកាលពីឆ្នាំ២០១៤គឺជាមូលដ្ឋានខាងក្រោយរបស់កងទ័ពរុស្ស៊ី ពិសេសសម្រាប់បញ្ជូនកងកម្លាំងបន្ថែម និងឧបករណ៍យោធា ។ ស្ពានមួយចំនួនភ្ជាប់ឧបទ្វីបនេះ ទៅកាន់ភាគខាងកើតអ៊ុយក្រែន ពិតជាសំខាន់ចំពោះប្រតិបត្តិការយោធារបស់ក្រុងមូស្គូ ៕
ចែករំលែកព័តមាននេះ