កាលពីយប់ថ្ងៃទី១៥ ខែកក្កដា ឆ្នាំ២០២៣ កន្លងទៅ ហាងលក់សំបកកង់ឡានមួយកន្លែង ត្រូវបានចោ.រម្នាក់គាស់ និងលួចយកសម្ភារៈមួយអស់ចំនួន ដូចជា ម៉ូទ័រអស់ចំនួន០២ រួមនឹង
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា កាលពីយប់ថ្ងៃទី១៥ ខែកក្កដា ឆ្នាំ២០២៣ កន្លងទៅ ហាងលក់សំបកកង់ឡានមួយកន្លែង ត្រូវបានចោ.រគាស់ និងលួចយកសម្ភារៈមួយអស់ចំនួន ដូចជា ម៉ូទ័រអស់ចំនួន០២ រួមនឹង Speaker ចំនួន០១ផងដែរ ដែលមានទីតាំងស្ថិតនៅរាជធានីភ្នំពេញ។ លុះព្រឹកថ្ងៃទី១៦ ខែកក្កដានេះ លោកចោ.ររូបនោះក៏បានយកអីវ៉ាន់ដែលលួចបានមកលក់ផ្សារតូច ស្របពេលដែលនារីម្នាក់ជាម្ចាស់អីវ៉ាន់ក៏មកទិញម៉ូទ័រថ្មីទីនោះដែរ ធ្វើឱ្យនារីជាម្ចាស់អីវ៉ាន់សម្តែងហួសចិត្តយ៉ាងខ្លាំង។
បើយោងតាមប្រភពព័ត៌មានពីស្ត្រីម្នាក់ បានបង្ហោះរូបភាពនៅលើគណនីហ្វេសប៊ុកមាន ឈ្មោះ «Sotheara Pat» បានលើកឡើងថា «រឿងមិននឹកស្មានដល់បងប្អូន ចោ.រចូលគាស់ផ្ទះកន្លែងខ្ញុំលក់កង់ឡានយប់មិញ បានលួចម៉ូទ័រអស់២ និងស្ពិកឃ័រ (Speaker) ខ្ញុំមួយគ្រឿងទៀត លុះព្រឹកឡើងគេ (ចោ.រ) យកមកលក់នៅម្ដុំផ្សារតូច ក៏ស្រាប់តែវា (ចោ.រ) យកមកលក់ចំពេលដែលខ្ញុំមករកទិញម៉ូទ័រថ្មីដែរ»។
ខណៈពេលនោះដែរ គាត់បានបន្តថា «បន្ទាប់ពីប្រទះឃើញចោ.រដែលបានលួចរបស់របរពីក្នុងហាងរបស់គាត់ គាត់ក៏បានទាក់ទងទៅសមត្ថកិច្ច និងបានឃាត់ខ្លួនសួរនាំភ្លាមៗតែម្តង។ ក្រោយពេលសាកសួរ ជនសង្ស័យរូបនោះឆ្លើយសារថា «ខ្លួនបានទិញ.តពីគេដែរទេ»៕ ដោយ ៖ រដ្ឋា
ចែករំលែកព័តមាននេះ