ជនសង្ស័យម្នាក់ឃើញម៉ូតូជាប់សោទំនងពេក ក៏ចូលទៅលួ.ចម៉ូតូដែលចតនៅមុខផ្ទះ ហើយត្រូវម្ចាស់ម៉ូតូឃើញទាន់ ក៏រត់មកបំបុ.កជនសង្ស័យ រួចស្រែកថា
រាជធានីភ្នំពេញ ៖ បើតាមសេចក្តីរាយការណ៍បានឱ្យដឹងថា ជនសង្ស័យម្នាក់ឃើញម៉ូតូជាប់សោទំនងពេក ក៏ចូលទៅលួ.ចម៉ូតូដែលចតនៅមុខផ្ទះ ហើយត្រូវម្ចាស់ម៉ូតូឃើញទាន់ ក៏រត់មកបំបុ.កជនសង្ស័យ រួចស្រែកថា «ចោរៗ» ផ្អើលអស់ប្រជាពលរដ្ឋនាំគ្នាជួយឃាត់ និងវា.យជនសង្ស័យយ៉ាងទ្រមខ្លួនតែម្តង បង្កឱ្យមានការភ្ញាក់ផ្អើលកាលពីវេលាម៉ោង៩យប់ ថ្ងៃទី១៦ ខែកក្កដា ឆ្នាំ២០២៣ នៅតាមបណ្តោយផ្លូវ QMI ស្ថិតក្នុងភូមិព្រៃព្រីងខាងជើង២ សង្កាត់ចោមចៅទី៣ ខណ្ឌពោធិ៍សែនជ័យ ។
សេចក្តីរាយការណ៍បន្តថា ជនសង្ស័យខាងលើមានឈ្មោះ អឹម គីមកង ភេទប្រុស អាយុ២៤ឆ្នាំ មុខរបរមិនពិតប្រាកដ ស្នាក់នៅមិនពិតប្រាកដ នឹងមានស្រុកកំណើតនៅភូមិមេមត់ផ្សារ ឃុំមេមត់ ស្រុកមេមត់ ខេត្តត្បូងឃ្មុំ។ ចំណែកម៉ូតូដែលត្រូវជនសង្ស័យចូលលួ.ចនោះម៉ាកហុងដាឌ្រីម ស៊េរី២០២៣ ពណ៌ខ្មៅ ពាក់ស្លាកលេខ ភ្នំពេញ1JX-8541 ជារបស់ជនរងគ្រោះឈ្មោះ អ៊ឹង ពិសាល ភេទប្រុស អាយុ២១ឆ្នាំ មុខរបរជាងម៉ាស៊ីនត្រជាក់ រស់នៅភូមិ-ឃុំកើតហេតុខាងលើ។
បើតាមប្រភពព័ត៌មានពីជនរងគ្រោះ បានអោយដឹងថា នៅមុនពេលកើតហេតុ រូបគាត់ (ជនរងគ្រោះ) បានទុកម៉ូតូនៅខាងមុខផ្ទះ ហើយក៏មិនបានដកសោចេញពីម៉ូតូនោះទេ។ ខណៈពេលរូបគាត់ (ជនរងគ្រោះ) កំពុងតែហូបបាយសុខៗ ក៏ស្រាប់តែឃើញជនសង្ស័យមកលួ.ចបើកម៉ូតូរ៉ឺយ៉ែថយក្រោយ ហើយពេលនោះរូបគាត់ (ជនរងគ្រោះ) ក៏រត់ទៅបំបុ.កជនសង្ស័យ បណ្តាលឲ្យដួល រួចស្រែកថា «ចោ.រៗ» ផ្អើលអស់ប្រជាពលរដ្ឋនាំគ្នាជួយឃាត់ខ្លួនជនសង្ស័យបានភ្លាមៗតែម្តង ហើយនឹងនាំគ្នាវា.យជនសង្ស័យ បណ្តាលឲ្យរងរបួសទ្រមខ្លួន រួចក៏ប្តឹងទៅសមត្ថកិច្ចនគរបាលប៉ុស្តិ៍ភ្លាមៗផងដែរ។
ប្រភពព័ត៌មានពីសមត្ថកិច្ចនគរបាលប៉ុស្តិ៍ ក៏បាននិយាយបន្តប្រាប់ឱ្យដឹងដែរថា ខណៈពេលកម្លាំងសមត្ថកិច្ចនគរបាលប៉ុស្តិ៍សួរនាំ ជនសង្ស័យក៏បានសារភាពថា «ខ្លួនពិតជាបានចូលលួ.ចយកម៉ូតូរបស់ជនរងគ្រោះពិតប្រាកដមែន»។
ក្រោយពេលកើតហេតុ ជនរងគ្រោះបានមកដាក់ពាក្យបណ្ដឹង ហើយកម្លាំងសមត្ថកិច្ចនគរបាលប៉ុស្តិ៍ បានកសាងសំណុំរឿងបញ្ជូនទៅកាន់ផ្នែកជំនាញព្រហ្មទណ្ឌខណ្ឌពោធិ៍សែនជ័យ ដើម្បីចាត់ការតាមនីតិវិធី ចំណែកម៉ូតូជនរងគ្រោះវិញ ត្រូវបានសមត្ថកិច្ចនគរបាលប៉ុស្តិ៍ប្រគល់អោយជនរងគ្រោះវិញភ្លាមៗផងដែរ៕
ចែករំលែកព័តមាននេះ