ព្រៃវែង៖ ស្ត្រីម្នាក់ ត្រូវបានបុរស ដែលជាអ្នកជិតខាង កាប់ជាច្រើនកាំបិត បណ្តាលអោយស្លា.ប់នៅក្នុងថ្លុកឈា.ម។ ហេតុការណ៍នេះ បានកើតឡើង នៅខណ:ពេលដែលស្ត្រីរងគ្រោះ កំពុងរុញរទេះកូនតូច ដើរលេងនៅតាមចិញ្ចើមថ្នល់ មុខផ្ទះរបស់នាង។
ហេតុការណ៍នេះ បានកើតឡើង កាលពីវេលាម៉ោង ៥ និង ៣០នាទីព្រឹក ថ្ងៃទី១៦កក្កដា នៅក្នុងភូមិតាព្រះ ឃុំព្រែកតាសរ ស្រុកពោធិ៍រៀង ខេត្តព្រៃវែង។
ស្ត្រីរងគ្រោះ មានឈ្មោះ លាង សុខជា អាយុ ៣៨ឆ្នាំ ត្រូវជនសង្ស័យកា.ប់ ៣កាំបិត ត្រូវចំស្មាផ្នែកខាងក្រោយ បណ្តាលអោយដួលដេកលើដី និងស្លា.ប់បាត់បង់ជីវិតភ្លាមៗតែម្តង។
ចំណែកជនសង្ស័យមានឈ្មោះ យិន គីមហ័រ ភេទប្រុស អាយុ ៤២ឆ្នាំ ជាអ្នកជិតខាង ផ្ទះជាប់គ្នាជាមួយស្ត្រីរងគ្រោះ និងត្រូវបានសមត្ថកិច្ចចាប់ឃាត់ខ្លួនភ្លាមៗ ក្រោយធ្វើសកម្មភាពកា.ប់ជនរងគ្រោះ។
ប្រភពព័ត៌មានពីអ្នកស្រុកនៅជិតកន្លែងកើតហេតុ បានអោយដឹងថា មុនពេលកើតហេតុ គេឃើញស្ត្រីរងគ្រោះរុញរទេះកូន ដើរលេងនៅមុខផ្ទះសុខៗ ស្រាប់តែជនសង្ស័យ ទៅដល់ ហើយប៉ះសំដីគ្នាជាខ្លាំង បន្ទាប់មកមិនដឹងជនសង្ស័យ បានកាំបិតពីណា ស្រាប់តែកា.ប់សន្ធាប់លើស្ត្រីរងគ្រោះពីក្រោយខ្នងជាច្រើនកាំបិត បណ្តាលអោយស្ត្រីរងគ្រោះ ដួលដេកលើដីទៅណាលែងរួច ភ្លាមនោះ អ្នកជិតខាងបានឃើញហេតុការណ៍ ក៏ស្រែកផ្អើលឆោឡោឡើង និងប្តឹងទៅខាងសមត្ថកិច្ច ហើយសមត្ថកិច្ចបានមកដល់កន្លែងកើតហេតុ ចាប់ឃាត់ខ្លួនជនសង្ស័យបានភ្លាមៗតែម្តង។ តែអនិច្ចា ស្ត្រីរងគ្រោះ បានហូរឈាមខ្សោះខ្លួន និងស្លា.ប់បាត់បង់ជីវិតបាត់ទៅហើយ។
ជុំវិញរឿងរ៉ាវដ៏គួរអោយរន្ធត់នេះ នៅក្នុងរបាយការណ៍របស់សមត្ថកិច្ច បានបញ្ជាក់ពីមូលហេតុថា គឺមកពីរឿងគំនុំគុំគួនគ្នា ដោយជនសង្ស័យខឹងជនរងគ្រោះ ធ្លាប់និយាយដៀមដាបរូបគេ។
ដោយឡែក ខាងក្រុមគ្រួសារស្ត្រីរងគ្រោះ បានអោយដឹងថា ពេលឈ្លោះប៉ះសំដីគ្នានោះ ជនសង្ស័យ ពុំមានកាំបិតនោះទេ តែមានអ្នកទី៣ យកកាំបិត ទៅអោយជនសង្ស័យ ទើបជនសង្ស័យ មានឪកាស អាចកាប់ស្ត្រីរងគ្រោះ បណ្តាលអោយស្លា.ប់បែបនេះ៕ ចក្រី
ចែករំលែកព័តមាននេះ