កក្រើកប្រឹថពី! ស្តេចប្រដាល់ហ្វីលីពីន ប៉ាគីអៅ ណាត់ថ្ងៃប៉ះស្តេចប្រដាល់ថៃ ប៊ូខាវ
ថៃ ៖ រឿងដ៏ភ្ញាក់ផ្អើលមួយបានកើតឡើង កាលពីថ្ងៃទី១៥ ខែកក្កដា ឆ្នាំ២០២៣ កន្លងទៅ បន្ទាប់ពី
ថៃ ៖ រឿងដ៏ភ្ញាក់ផ្អើលមួយបានកើតឡើង កាលពីថ្ងៃទី១៥ ខែកក្កដា ឆ្នាំ២០២៣ កន្លងទៅ បន្ទាប់ពី
ថៃ ៖ រឿងដ៏ភ្ញាក់ផ្អើលមួយបានកើតឡើង កាលពីថ្ងៃទី១៥ ខែកក្កដា ឆ្នាំ២០២៣ កន្លងទៅ បន្ទាប់ពីបណ្តាសារព័ត៌មាននៅក្នុងប្រទេសថៃ និងអន្តរជាតិជាច្រើនបានចេញផ្សាយថា ស្តេចប្រដាល់ហ្វីលីពីន ម៉ានី ប៉ាក់គីអៅ ត្រៀមប្រកាសអំពីការវិលត្រឡប់ឡើងសង្វៀនប្រកួតជាថ្មីម្តងទៀត ដោយត្រូវប៉ះជាមួយនឹងស្តេចប្រដាល់ថៃ ប៊ូខាវ បេនឆាមេក ដែលការប្រកាសនេះ នឹងធ្វើឡើងក្នុងសន្និសីទសារព័ត៌មាន នៅទីក្រុងបាងកក នាថ្ងៃទី២១ ខែកក្កដា ឆ្នាំ២០២៣ ខាងមុខនេះ។
យោងតាមប្រភពជាច្រើនរាយការណ៍ថា ប៉ាក់គីអៅ វ័យ៤៤ឆ្នាំ ស្តេចប្រដាល់សកល និងជាអ្នកនយោបាយដ៏ល្បីល្បាញហ្វីលីពីន បានកំណត់យកថ្ងៃទី២១ ខែកក្កដា ឆ្នាំ២០២៣ ធ្វើសន្និសីទសារព័ត៌មាន ចុះកិច្ចសន្យាផ្លូវការប៉ះគ្នាជាមួយនឹងស្តេចប្រដាល់សេរីថៃ ប៊ូខាវ វ័យ៤១ឆ្នាំ ខណៈជំនួបដ៏កក្រើកនេះ គ្រោងនឹងធ្វើឡើងនៅខែមករា ឆ្នាំ២០២៤។
គួររំលឹកថា ប៉ាក់គីអៅ បានប្រកាសចូលនិវត្តន៍ពីអាជីពប្រដាល់សកល កាលពីថ្ងៃទី២៩ ខែកញ្ញា ឆ្នាំ២០២១ ប៉ុន្តែទោះយ៉ាងណា អ្នកនយោបាយរូបនេះ នៅតែធ្វើការប្រកួតក្រៅផ្លូវការ ខណៈដែលការឡើងសង្វៀនចុងក្រោយ គឺកាលពីថ្ងៃទី១១ ខែធ្នូ ឆ្នាំ២០២២ កន្លងទៅ ដោយយកឈ្នះលើតារាយូធូប និងជាគ្រូគុនរបស់កូរ៉េខាងត្បូង D.K. Yoo ដោយពិន្ទុ នៅឯមជ្ឈមណ្ឌលពិព័រណ៍អន្តរជាតិកូរ៉េខាងត្បូង ក្នុងទីក្រុង Goyang។
ដោយឡែក ការប្រកួតចុងក្រោយរបស់ស្តេចប្រដាល់សេរីថៃ ប៊ូខាវ គឺកាលពីថ្ងៃទី០៦ ខែឧសភា ឆ្នាំ២០២៣ កន្លងទៅ ដោយប៉ះជាមួយអ្នកប្រដាល់ជនជាតិជប៉ុន Rukiya Anpo ធ្វើឡើងនៅទីក្រុងតូក្យូ ប្រទេសជប៉ុន ដែលជំនួបនេះ បញ្ចប់ទៅដោយបានត្រឹមស្មើគ្នា។
ជាមួយដំណឹងដ៏ភ្ញាក់ផ្អើលនៃការប៉ះស្តេចប្រដាល់ហ្វីលីពីន ប៉ាក់គីអៅ ស្តេចប្រដាល់ថៃ ប៊ូខាវ ក៏បានធ្វើការចែកព័ត៌មានដែលចុះផ្សាយដោយសារព័ត៌មានថៃ នៅគណនីហ្វេសប៊ុកផ្លូវការរបស់ខ្លួនផងដែរ៕ (ដកស្រង់ចេញពី World Boxing News និង Nation Thailand)
ចែករំលែកព័តមាននេះ