គិតមកត្រឹមថ្ងៃទី១៦ ខែកក្កដា ឆ្នាំ២០២៣នេះ អំពើកា.ប់ «ប្ល.ន់» យកស្លាកលេខម៉ូតូ ដែលបង្កឡើងដោយក្រុមចោ.របំប្លែងខ្លួនចេញពីក្រុមក្មេ.ងទំនើ.ង បានកើតឡើងរយៈពេល៣ថ្ងៃកន្លងមកហើយ តែសមត្ថកិច្ចហាក់ពុំទាន់មានតម្រុយ សូម្បី
ខេត្តបាត់ដំបង ៖ គិតមកត្រឹមថ្ងៃទី១៦ ខែកក្កដា ឆ្នាំ២០២៣នេះ អំពើកា.ប់ «ប្ល.ន់» យកស្លាកលេខម៉ូតូ ដែលបង្កឡើងដោយក្រុមចោ.របំប្លែងខ្លួនចេញពីក្រុមក្មេ.ងទំនើ.ង បានកើតឡើងរយៈពេល៣ថ្ងៃកន្លងមកហើយ តែសមត្ថកិច្ចហាក់ពុំទាន់មានតម្រុយ សូម្បីប៉ុនក្រចកអំពីមុខសញ្ញាក្រុមជនសង្ស័យនៅឡើយទេ ខណៈសកម្មភាពស៊ើបអង្កេតរបស់សមត្ថកិច្ចហាក់គាំងស្ញេញមិនកំរើកសោះ។ នេះបើតាមប្រភពពីសមត្ថកិច្ច ដែលបានតាមដាននីតិវិធីរបស់អធិការក្រុងបាត់ដំបង។
បើតាមសមត្ថកិច្ច បានឲ្យដឹងថា ភាគីម្ខាងដែលគេអះអាងថា ពួកខ្លួនគឺជាភាគីរងគ្រោះ មានគ្នា០៦នាក់ ជិះម៉ូតូ០៣គ្រឿង តែម៉ូតូ០២គ្រឿងត្រូវកម្លាំងអធិការក្រុងបាត់ដំបង យកទៅរក្សាទុក ដើម្បីធ្វើការស៊ើបអង្កេត រីឯមួយគ្រឿងទៀតបានជិះរត់គេចរួចពីការតាមកា.ប់ប្រ.ហា.ររបស់ស.ត្រូវ។
ប្រភពដដែលបានបញ្ជាក់ថា ភាគីម្ខាងដែលមានបក្សពួកមិនក្រោម២០នាក់ បានស្ទាក់កា.ប់ភាគីដែលមានគ្នា០៦នាក់ខាងលើនេះ ប៉ុន្តែភាគី០៦នាក់បានដួលម៉ូតូ រត់រត់ចោលម៉ូតូតែម្តង ហើយក៏ត្រូវក្រុមចោ.រដែលបំប្លែងខ្លួនពីក្រុមក្មេ.ងទំនើ.ងនោះនាំគ្នាកា.ប់ចិញ្ច្រាំម៉ូតូខ្ទេចខ្ទី រួចកា.ប់ផ្ដាច់ស្លាកលេខម៉ូតូមួយគ្រឿង «ប្ល.ន់» យកទៅបាត់តែម្តង។
បើតាមសេក្ដីរាយការណ៍បានឲ្យដឹងថា នៅវេលាម៉ោងប្រហែលជាង៣រំលងអធ្រាត្រ ឈានចូលថ្ងៃទី១៣ ខែកក្កដា មានបក្សពួក២ក្រុម ដែលមួយក្រុមៗត្រូវគេប៉ាន់ប្រមាណថា មានគ្នាយ៉ាងតិច២០នាក់ បានដេញស្ទាក់កា.ប់គ្នានៅម្ដុំខាងមុខផ្ទះសំណាក់ «កែវ មុន្នី» ស្ថិតក្នុងភូមិកំពង់ក្របី សង្កាត់ស្វាយប៉ោ ក្រុងបាត់ដំបង បន្ទាប់ពីពួកគេប៉ះទង្គិចគ្នាមួយប្រាវ នៅពេលចេញពីក្លិបរាត្រីមួយកន្លែង។ ប៉ុន្តែនៅពេលប៉ះទង្គិចគ្នាជាក់ស្ដែងចុងក្រោយ ភាគីម្ខាងមានគ្នាតែ០៦នាក់ប៉ុណ្ណោះ ដែលត្រូវភាគីម្ខាងទៀតជិះដេញតាមស្ទាក់កា.ប់ «ប្ល.ន់» យកស្លាកលេខម៉ូតូតែម្តង។
ពាក់ព័ន្ធនឹងករណីខាងលើនេះ បើតាមប្រភពពីសមត្ថកិច្ច បានឲ្យដឹងថា នៅយប់កើតហេតុនោះ កម្លាំងអធិការក្រុងបាត់ដំបង បាននាំយកតែមនុស្សម្នាក់តែប៉ុណ្ណោះ ក្នុងចំណោមភាគី០៦នាក់ យកទៅសួរនាំ និងម៉ូតូ០២គ្រឿងដែលត្រូវភាគីម្ខាងទៀតកា.ប់កម្ទេច រួចប្ល.ន់យកស្លាកលេខទៅបាត់នោះ។ ប៉ុន្តែជនម្នាក់ដែលត្រូវកម្លាំងអធិការក្រុងនាំយកទៅសួរនាំ ក៏ហាក់មិនទទួលបានផលសម្រាប់ឲ្យកម្លាំងជំនាញធ្វើការស៊ើបអង្កេតបន្តដែរ។ ពោលគឺសមត្ថកិច្ចទទួលបានតែចម្លើយអត់បានការ ឆ្លើយមិនច្បាស់លាស់ សូម្បីតែស្លាកលេខម៉ូតូខ្លួនឯង ដែលត្រូវក្រុមចោ.រកា.ប់ «ប្ល.ន់» យកទៅបាត់នោះ ក៏មិនដឹងលេខប៉ុន្មានដែរ។
បើតាមប្រភពពីអ្នកឃើញហេតុការណ៍នេះដំបូង បានឲ្យដឹងថា មុនពេលជិះម៉ូតូដេញតាមកា.ប់ចា.ក់គ្នាយ៉ាងកក្រើកនាពេលរាត្រីនេះ គេឃើញក្រុមក្មេងទាំង០២ភាគីនេះ ម្ខាងៗមានគ្នាយ៉ាងតិច២០នាក់ បានបង្កហិ.ង្សាទៅលើគ្នាមួយប្រាវទៅហើយ បន្ទាប់ពីពួកគេចេញពីក្លិបរាត្រី។ ប្រភពដដែលនិយាយបន្តថា ក្រោយប៉ះទង្គិចគ្នាមួយប្រាវ ទើបភាគីម្ខាងជិះបែកហ្វូងគ្នា នៅសល់ត្រឹមតែ០៦នាក់ ក៏នាំគ្នាជិះសំដៅទៅផ្ទះសំណាក់ «កែវ មុន្នី» ដែលទំនងពួកគេបំរ៉ុងដេកនៅផ្ទះសំណាក់នោះ។ ខណៈភាគីម្ខាងទៀត ជិះទៅស្ទាក់ចាំនៅទីនោះមុនជាស្រេច ចំណែកភាគី០៦នាក់ក៏ចូលអន្ទាក់ ហើយគូរស.ត្រូវដកកាំបិ.តកា.ប់គ្មានប្រណីដៃឡើយ តែសំណាងល្អ មនុស្សរត់រួច នៅសល់តែម៉ូតូ២គ្រឿង ត្រូវក្រុមក្មេងទាំងនោះកា.ប់កម្ទេច ហើយប្ល.ន់យកស្លាកលេខម៉ូតូមួយ រួចរត់គេចខ្លួនបាត់អស់មួយរំពេច។
នៅក្នុងករណីខាងលើនេះ ស្នងការរងផែនព្រហ្មទណ្ឌ លោក លឹម ពុទ្ធីឡា បានប្រាប់កោះសន្តិភាពតាមទូរស័ព្ទយ៉ាងខ្លីថា លោកពុំទាន់ទទួលបានរបាយការណ៍ជាក់លាក់ទេ ព្រោះខាងក្រុង មិនទាន់រាយការណ៍ ឬអាចគេរាយការណ៍ទៅលោកស្នងការខេត្តហើយ?
លោកបានបញ្ជាក់ដែរថា បើតាមលោកដឹង ខាងអធិការក្រុង គេកំពុងស៊ើបអង្កេតលើករណីនេះហើយ តែលទ្ធផលយ៉ាងណានោះ គេមិនទាន់រាយការណ៍ឲ្យលោកដឹងនៅឡើយទេ។
មន្ត្រីជំនាញ ដែលបានចុះអន្តរាគមន៍លើករណីនេះ នៅយប់កើតហេតុ បានបង្ហើបថា មានតែមនុស្សម្នាក់ប៉ុណ្ណោះ ដែលកម្លាំងជំនាញអធិការក្រុង បានសួរនាំ តែចម្លើយជនម្នាក់នោះ ដែលអះអាងថា ខ្លួនជាភាគីរងគ្រោះ ហាក់មិនអាចយកជាការបានទេ។
រហូកដល់ពេលនេះ សមត្ថកិច្ចហាក់គ្មានសកម្មភាពតាមស្រាវជ្រាវសួរនាំរកបក្សពួកជនរងគ្រោះយកមកសាកសួរបន្ថែមទៀតទេ ហើយក៏កាន់តែមិនរវីរវល់ទៀត ចំពោះក្រុមចោ.រប្ល.ន់យកស្លាកលេខម៉ូតូ។ ពោលគឺស្ងាត់ឈឹង សូម្បីបទបញ្ជាថ្នាក់លើក៏ស្ងាត់ជ្រៀបដែរ ឬមួយចាំបោះឆ្នោតរួច ទើបគេកំរើក?៕
ចែករំលែកព័តមាននេះ