រលកកម្តៅក្ដៅខ្លាំងបំផុតនៅអាមេរិក ខណៈទីក្រុងខ្លះដល់៤៨អង្សា
សហរដ្ឋអាមេរិក ៖ តាមផ្នែកឧតុនិយមអាមេរិកថា ភាគខាងលិចនិងមួយផ្នែកធំនៃភាគខាងត្បូង
សហរដ្ឋអាមេរិក ៖ តាមផ្នែកឧតុនិយមអាមេរិកថា ភាគខាងលិចនិងមួយផ្នែកធំនៃភាគខាងត្បូង
សហរដ្ឋអាមេរិក ៖ តាមផ្នែកឧតុនិយមអាមេរិកថា ភាគខាងលិចនិងមួយផ្នែកធំនៃភាគខាងត្បូងអាមេរិក នាចុងសប្ដាហ៍ ជួបប្រទះរលកក្ដៅខ្លាំងបំផុត ប្រកបដោយគ្រោះថ្នាក់ ដោយសីតុណ្ហភាពក្នុងទីក្រុងមួយចំនួនឡើងដល់៤៨អង្សាសេ។
នាព្រឹកថ្ងៃទី១៥កក្កដាផ្នែកឧតុនិយមអាមេរិក បានចេញការប្រកាសអាសន្ន ដោយនិយាយថា រលកក្ដៅខ្លាំងនិងគ្រោះ ថ្នាក់បំផុត វាយប្រហារភាគខាងលិចនិងតំបន់ មួយចំនួននៅភាគខាងត្បូងអាមេរិក។ ពល រដ្ឋអាមេរិកប្រមាណ១១០លាននាក់ ស្ថិតក្រោមការប្រកាសអាសន្នសីតុណ្ហ ភាពឡើងខ្ពស់ ហើយរលកក្ដៅខ្លាំងនេះ នឹងកើតមានក្នុងតំបន់ទាំងនោះ សម្រាប់បណ្ដាថ្ងៃខាងមុខទៀត។
នៅទីក្រុងPHOENIC ជាទីក្រុងមួយនៃរដ្ឋអារីហ្សូណាភាគនិរតីអាមេរិក សីតុណ្ហភាពឡើងដល់៤៨អង្សាសេ នាចុងរសៀលថ្ងៃទី១៥កក្កដា ខណៈទីក្រុងនោះជួបប្រទះរលកក្ដៅខ្លាំងកម្រិតលើសពី៤៣អង្សាសេ ១៦ថ្ងៃជាប់គ្នាមកហើយ។ ផ្នែកមួយនៃរដ្ឋនោះស្ថិតក្នុងការប្រកាសអាសន្នកម្រិតខ្ពស់បំផុត នៃធាតុអាកាសក្ដៅខ្លាំង កម្រមាន រួចធាតុអាកាសក្ដៅនេះមានក្នុងរយៈពេលច្រើនថ្ងៃទៀតផង។
នាភាគខាងត្បូងរដ្ឋកាលីហ្វ័រនីញ៉ា ក្រុម អ្នកពន្លត់ភ្លើងបានតស៊ូចាប់តាំងពីថ្ងៃទី១៤កក្កដាមក ទប់ទល់នឹងភ្លើងឆេះព្រៃខ្លាំងច្រើនកន្លែង ដោយបំផ្លាញព្រៃឈើអស់ជាង១២១៤ហិកតារួចហើយ និងនាំឲ្យមានការជម្លៀសមនុស្សចេញ។
ចំណែកនៅប្រទេសកាណាដាជាប់ជិតខាងអាមេរិក ធាតុអាកាសក្ដៅខ្លាំងនាំឲ្យមានភ្លើងឆេះព្រៃដ៏ខ្លាំងបំផុត ជះផ្សែដាសដល់អាមេរិក ព្រៃឈើជាង១០លានហិកតារងការបំផ្លាញ ហើយការបំផ្លាញព្រៃឈើដោយសារភ្លើងឆេះព្រៃ បន្តកើនឡើងនាបណ្ដាថ្ងៃខាងខាងមុខ៕
ចែករំលែកព័តមាននេះ