លោកចូ បៃដិន យល់ថាលោកពូទីន ចាញ់សង្គ្រាមរួចទៅហើយ
សង្គ្រាមអ៊ុយក្រែន ៖ សម្រាប់ប្រធានាធិបតីអាមេរិកលោកចូបៃដិនយល់ថា ជម្លោះអ៊ុយក្រែននឹងមិន
សង្គ្រាមអ៊ុយក្រែន ៖ សម្រាប់ប្រធានាធិបតីអាមេរិកលោកចូបៃដិនយល់ថា ជម្លោះអ៊ុយក្រែននឹងមិន
សង្គ្រាមអ៊ុយក្រែន ៖ សម្រាប់ប្រធានាធិបតីអាមេរិកលោកចូបៃដិនយល់ថា ជម្លោះអ៊ុយក្រែននឹងមិនអូសបន្លាយពេលយូរដល់ច្រើនឆ្នាំឡើយ។ លោកថាប្រធានាធិបតីរុស្ស៊ីលោកវ្ល៉ាឌីមៀរពូទីន បានចាញ់សង្គ្រាមរួចទៅហើយនៅអ៊ុយក្រែន ដោយលោកនិយាយថារង់ចាំដែលការវាយបករបស់អ៊ុយក្រែន ជម្រុញឲ្យក្រុងមូស្គូចរចា។
ក្នុងសន្និសីទសារព័ត៌មានមួយនៅក្រុងហែលស៊ីនគី លោកបៃដិនថ្លែងថា លោកពូទីនបានចាញ់សង្គ្រាមរួចទៅហើយ។ គ្មានលទ្ធភាពឲ្យលោកពូទីនឈ្នះសង្គ្រាមនៅអ៊ុយក្រែនឡើយ។ លោកអះអាងនាថ្ងៃទី១៣កក្កដាថា រង់ចាំដែលការវាយបករបស់កងទ័ពអ៊ុយក្រែន នាំឲ្យមានការចរចាជាមួយរុស្ស៊ី។
លោកបញ្ជាក់ថាសង្គ្រាមនឹងមិនអូសបន្លាយពេលច្រើនឆ្នាំំទៀតទេ។ លោកសង្ឃឹមហើយជាការរង់ចាំរបស់លោកដែលអ៊ុយក្រែន ធ្វើឲ្យមានការជឿនលឿនក្នុងការវាយបករបស់ខ្លួន ហើយការវាយបកនោះនឹងនាំទៅដល់ដំណោះស្រាយចរចាក្នុងពេលណាមួយ។
លោកបៃដិនអះអាងទៀតថា អ៊ុយក្រែនក្នុងពេលណាមួយនឹងក្លាយជាសមាជិកអូតង់ តែមិនមែនក្នុងពេលកំពុងមានសង្គ្រាមយ៉ាងខ្លាំងរវាងរុស្ស៊ី និងអ៊ុយក្រែនឡើយ។ ចំណែកលោកពូទីនវិញអះអាងនាថ្ងៃទី១៣កក្កដាថា ការចូលរបស់អ៊ុយក្រែនក្នុងអូតង់ នឹងបង្កើនភាពតានតឹងអន្តរជាតិ។
លោកថាលោកប្រាកដក្នុងចិត្តថា បែបនោះនឹងមិនអាចកែលម្អសន្តិសុខរបស់អ៊ុយក្រែនឡើយ ហើយនិយាយរួមទៅវាបានត្រឹមតែធ្វើឲ្យសភាពការណ៍ពិភពលោកកាន់តែយ៉ាប់យ៉ឺនខ្លាំង និងបង្កើនភាពតានតឹងអន្តរជាតិ៕
ចែករំលែកព័តមាននេះ