អ៊ុយក្រែនអន់ចិត្តអូតង់មិនទាន់កំណត់ពេលឱ្យខ្លួនចូលសមាជិក
សង្គ្រាមអ៊ុយក្រែន ៖ ប្រធានាធិបតីអ៊ុយក្រែនលោកវ៉ូឡូឌីមៀរ ហ្សេឡេនស្គី ដែលទៅចូលរួមកិច្ចប្រជុំ
សង្គ្រាមអ៊ុយក្រែន ៖ ប្រធានាធិបតីអ៊ុយក្រែនលោកវ៉ូឡូឌីមៀរ ហ្សេឡេនស្គី ដែលទៅចូលរួមកិច្ចប្រជុំកំពូលអូតង់នៅក្រុងវីលនីញូសរដ្ឋធានីលីទុយអានី កាលពីថ្ងៃទី១១ កក្កដា បានសម្ដែងការអន់ចិត្ត ដោយបរិហារចំពោះការរារែកនិងភាពទន់ខ្សោយរបស់អូតង់ ក្នុងការបញ្ចូលប្រទេសលោកជាសមាជិកដើម្បីជាការលើកទឹកចិត្តប្រឈមមុខនឹងការឈ្លានពានរបស់រុស្ស៊ី ។
តាម TWITTER លោកហ្សេឡេនស្គីសរសេរថា វាជារឿងមិនទំនងដែលប្រទេសលោកមិនទាន់
មានកាលបរិច្ឆេទ សម្រាប់ចូលជាសមាជិកអូតង់ ។
លោកវាយតម្លៃថាបែបនេះជាការលើកទឹកចិត្តដល់រុស្ស៊ីឲ្យបន្តអំពើវិបត្តិភ័.យរបស់ខ្លួននៅអ៊ុយក្រែន ។ លោកថាការមិនលាស់គឹជាភាពទន់ខ្សោយមួយរបស់សម្ព័ន្ធភាពយោធានោះ ។
អគ្គលេខាធិការអូតង់លោក JENS STOLTENBERG អះអាងនាថ្ងៃទី១១ កក្កដា ថា មេដឹកនាំរបស់បណ្ដាប្រទេសសមាជិកអូតង់ ដែលកំពុងជួបប្រជុំកំពូលនៅក្រុងវីលនីញូស បានព្រមព្រៀងគ្នា ស្នើបញ្ចូលអ៊ុយក្រែនជាសមាជិក រហូតទាល់តែបណ្ដាលក្ខខណ្ឌត្រូវបានបំពេញ ។
ក្នុងសន្និសីទសារព័ត៌មានមួយលោក JENS STOLTENBERG ថ្លែងថា យើងបានបញ្ជាក់យ៉ាងច្បាស់ថា យើងនឹងស្នើអ៊ុយក្រែនឲ្យចូលក្នុងអូតង់ តែនៅពេលដែលបណ្ដាសម្ព័ន្ធមិត្តព្រមព្រៀង និងរហូតដល់ពេលដែលបណ្ដាលក្ខខណ្ឌត្រូវបានបំពេញ ។
ចំណែកការប្រកាសរបស់ពួកលោកខាងលិចជុំវិញការជួយទ្រទ្រង់ដល់អ៊ុយក្រែន បានបន្លឺឡើង
ខណៈកិច្ចប្រជុំកំពូលអូតង់ បើកធ្វើនាថ្ងៃទី១១ កក្កដា នៅទីក្រុងវីលនីញូស ។ បន្ទាប់ពីការប្រកាស
របស់អាមេរិកបញ្ជូនគ្រាប់បែកចង្កោមដល់អ៊ុយក្រែន ប្រធានាធិបតីបារាំងលោកអេមម៉ានុយអេលម៉ាក្រុងប្រកាសថា បារាំងនឹងផ្ដល់មីស៊ីលរយៈឆ្ងាយធុន SCALP ដល់អ៊ុយក្រែន ។ លោកម៉ាក្រុងថ្លែងថា យើងបានសម្រេចផ្ដល់មីស៊ីលថ្មីៗ ដែលអាចវា.យប្រហារបានឆ្ងាយនៅអ៊ុយក្រែន ៕
ចែករំលែកព័តមាននេះ