ADផ្ទាំងផ្សព្វផ្សាយពាណិជ្ជកម្ម

Picture

ដំណឹង​ថ្មី, ភ្ញៀវ​ទៅ​កម្សាន្ត​នៅ​កោះបាលី​ត្រូវ​បង់ពន្ធ​១០​ដុល្លារ​ចាប់​ពី​ឆ្នាំ​២០២៤​ត​ទៅ

11 ខែ មុន

ដំណឹង​ថ្មី​, អ្នក​ទេសចរ​ដែល​ទៅ​កម្សាន្ត​នៅ​កោះ​បាលី ប្រទេស​ឥណ្ឌូណេស៊ី ត្រូវ​បង់​ប្រាក់​ពន្ធ​​​១០​ដុល្លារ​ចាប់​ពី​ឆ្នាំ​២០២៤​ត​ទៅ​ដើម្បី​យក​ថវិកា​នេះ​ទៅ​ចូលរួម​ចំណែក​​អភិរក្ស​វប្បធម៌។​ នេះ​បើ​យោង​តាម​មន្ត្រី​រដ្ឋាភិបាល​ដែល​ទទួល​បន្ទុក​ខាង​វិស័យ​ទេស​ចរណ៍​។ កោះ​បាលី​ពឹង​ផ្អែក​ខ្លាំង​ទៅ​លើ​ប្រាក់​ចំណូល​ពី​វិស័យ​ទេស​ចរណ៍​។ កោះ​នេះ​អាច​ទាក់​ទាញ​ភ្ញៀវ​អន្តរ​ជាតិ​បាន​ច្រើនណាស់។​​ មួយ​ឆ្នាំ​ៗ​ចូល​រាប់​លាន​នាក់​។ ដូច្នេះ គណៈ​អភិបាល​កោះ​បាលី​​ចង់​យក​ឱកាស​នេះ​ដើម្បី​គិត​កម្រៃ​បន្ថែម​​។…

ដំណឹង​ថ្មី​, អ្នក​ទេសចរ​ដែល​ទៅ​កម្សាន្ត​នៅ​កោះ​បាលី ប្រទេស​ឥណ្ឌូណេស៊ី ត្រូវ​បង់​ប្រាក់​ពន្ធ​​​១០​ដុល្លារ​ចាប់​ពី​ឆ្នាំ​២០២៤​ត​ទៅ​ដើម្បី​យក​ថវិកា​នេះ​ទៅ​ចូលរួម​ចំណែក​​អភិរក្ស​វប្បធម៌។​ នេះ​បើ​យោង​តាម​មន្ត្រី​រដ្ឋាភិបាល​ដែល​ទទួល​បន្ទុក​ខាង​វិស័យ​ទេស​ចរណ៍​។ កោះ​បាលី​ពឹង​ផ្អែក​ខ្លាំង​ទៅ​លើ​ប្រាក់​ចំណូល​ពី​វិស័យ​ទេស​ចរណ៍​។ កោះ​នេះ​អាច​ទាក់​ទាញ​ភ្ញៀវ​អន្តរ​ជាតិ​បាន​ច្រើនណាស់។​​ មួយ​ឆ្នាំ​ៗ​ចូល​រាប់​លាន​នាក់​។ ដូច្នេះ គណៈ​អភិបាល​កោះ​បាលី​​ចង់​យក​ឱកាស​នេះ​ដើម្បី​គិត​កម្រៃ​បន្ថែម​​។

អ្នក​ទេស​ចរ​បរទេស​តម្រូវ​ឱ្យ​បង់​ពន្ធ​តែ​មួយ​ដង​គត់​​​នៅ​ពេល​​​ពួក​គេ​​ទៅ​កម្សាន្ត​នៅ​កោះ​បាលី​។ អភិបាល​កោះ​បាលី​ប្រាប់​ថា​ប្រាក់​ពន្ធ​នេះ​អាច​បង់​តាម​ប្រព័ន្ធ​អេឡិចត្រូនិច​​សម្រាប់តែ​ភ្ញៀវ​បរទេស​ប៉ុណ្ណោះ​​។​ ចំណែ​ក​​​ភ្ញៀវ​ក្នុង​ស្រុក​មិន​តម្រូវ​ឱ្យ​បង់​ទេ​។​ កាល​ពី​ឆ្នាំ​​២០២២​, អ្នកទេសចរ​២​លាន​នាក់​ទៅ​កម្សាន្ត​នៅ​លើ​កោះ​បាលី​។ នេះ​បើ​យោង​តាម​តួ​លេខ​ជា​ផ្លូវ​ការ​របស់​ក្រសួង​។

​ចំពោះសំណួរ​ថា​បើ​តម្រូវ​ឱ្យ​បង់​ពន្ធ​ដូច្នេះ តិច​លោ​ភ្ញៀវ​ទេស​ចរ​មិន​សូវ​ទៅ​កម្សាន្ត​នៅ​លើ​កោះ​បាលី​? អភិបាល​កោះ​បាលី​តប​ថា «​​គ្មាន​បញ្ហា​ហ្នឹង​កើត​ឡើង​ទេ​។ យើង​នឹង​យក​ថវិកា​ពី​ការ​បង់​ពន្ធ​នេះ​ទៅ​កែ​លម្អ​ប្រព័ន្ធ​បរិស្ថាន​ និង​វប្បធម៌។ យើង​នឹង​សាង​សង់​ហេដ្ឋា​រចនា​សម្ព័ន្ធ​ឱ្យ​​​មាន​គុណ​ភាព​។ ដូច្នេះ ភ្ញៀវ​​ដែល​មក​ទី​នេះ​នឹង​មាន​​ផាសុក​ភាព​ និង​​​​សុវត្ថិ​ភាព​កាន់​តែ​ខ្លាំង​»​​។

អាជ្ញាធរ​ប្ដេជ្ញា​ថា​នឹង​ខិត​ខំ​បង្ក្រាប​ភ្ញៀវ​ដែល​មាន​ចរិត​ខិល​ខូច​ ប្រព្រឹត្ត​អំពើ​មិន​សម​រម្យ​ បន្ទាប់​ពី​មាន​ករណី​ភ្ញៀវ​ខ្លះ​ធ្វើ​ឱ្យ​ប៉ះ​ពាល់​តម្លៃ​វប្បធម៌​នៅ​លើ​កោះ​បាលី​ដែល​​គោរព​​​សាសនា​ហិណ្ឌូ​។​​ ​កាល​ពី​ខែ​មិថុនា, ​ការិយាល័យ​អន្តោ​ប្រវេសន៍​​​​បណ្ដេញ​នារី​ជនជាតិ​ដាណឺម៉ាក​ម្នាក់​ចេញ​ទៅ​ប្រទេស​របស់​ខ្លួន​វិញ​ បន្ទាប់​ពី​នារី​រូប​នោះ​​​ជិះ​ម៉ូតូ​បង្អួត​កេរ​ខ្មាស​របស់​ខ្លួន​​​ដាក់​អ្នក​ដទៃ​​។

អាជ្ញាធរ​ចាត់​ទុក​ថា​នេះ​ជា​​​អំពើ​អនាចារ​ និង​អាស​អាភាស​។ កាល​ពីខែ​មេសា​, នារី​ជន​ជាតិ​រុស្ស៊ី​ម្នាក់​ក៏​ត្រូវ​បណ្ដេញ​ចេញ​ពី​ប្រទេស​ឥណ្ឌូណេស៊ី​​ផង​ដែរ បន្ទាប់​ពី​នារី​នោះ​​​ថត​រូប​អាក្រាតរបស់​​ខ្លួន​​​នៅ​ពី​មុខ​ដើម​ឈើ​​ជា​​កន្លែង​​គោ​រព​សក្ការៈ​។ ដោយ​សារ​មាន​បញ្ហា​ញឹក​ញាប់​បែប​នេះ, អាជ្ញាធរ​​ក៏​​ផ្សព្វ​ផ្សាយ​​​​អំពី​​​ក្រម​សីល​ធម៌​​សម្រាប់​ភ្ញៀវ​ដែល​ទៅ​កម្សាន្ត​នៅ​លើ​កោះ​បាលី​៕​

ប្រភព៖ កាសែត​បាង​កក​ប៉ុស្តិ៍ (Bangkok Post)
https://www.bangkokpost.com/world/2610451/bali-to-impose-10-tourist-tax

នារី​ជនជាតិ​ដាណឺម៉ាក​ដែល​បង្ហាញ​កេរ​ខ្មាស​ជា​សាធារណៈ​នៅ​លើ​កោះ​បាលី (រូប​ខាង​ឆ្វេង)
នារី​ជនជាតិ​រុស្ស៊ី​ (រូប​ពាក់​អាវ​ខ្មៅ) ដែល​ថត​អាក្រាត​នៅ​មុខ​ដើម​ឈើ​ជា​ទី​សក្ការៈ​នៅ​លើ​កោះ​បាលី​

អត្ថបទសរសេរ ដោយ

កែសម្រួលដោយ