សង្គ្រាមអ៉ីរ៉ង់ ៖ ប្រទេសនៅឈូងសមុទ្រយ៉ាងតិច២សង្ស័យលួចវាយប្រហារដោយស្ងាត់ៗលើអ៉ីរ៉ង់តាំងពីចាប់ផ្ដើមសង្គ្រាមរបស់អាមេរិក និងអ៉ីស្រាអែលប្រឆាំងអ៉ីរ៉ង់មក ។ ដោយដកស្រង់ប្រភពព័ត៌មានច្បាស់ការណ៍នានា កាសែតអាមេរិកWALL STREET JOURNAL រាយការណ៍កាលពីថ្ងៃទី១១…
សង្គ្រាមអ៉ីរ៉ង់ ៖ ប្រទេសនៅឈូងសមុទ្រយ៉ាងតិច២សង្ស័យលួចវាយប្រហារដោយស្ងាត់ៗលើ
អ៉ីរ៉ង់តាំងពីចាប់ផ្ដើមសង្គ្រាមរបស់អាមេរិក និងអ៉ីស្រាអែលប្រឆាំងអ៉ីរ៉ង់មក ។ ដោយដកស្រង់ប្រភពព័ត៌មានច្បាស់ការណ៍នានា កាសែតអាមេរិកWALL STREET JOURNAL រាយការណ៍កាលពីថ្ងៃទី១១ ឧសភា ថា អេមីរ៉ាត់អារ៉ាប់រួមបានវាយប្រហារទីតាំងអ៉ីរ៉ង់ច្រើនកន្លែង ក្នុងនោះ មានរោងចក្រចម្រាញ់ប្រេងកាតមួយកាលពីដើមខែមេសា ។ ចំណែកទីភ្នាក់ងារព័ត៌មានរ៉យទ័រដែលដកស្រង់ប្រភពផ្លូវការលោកខាងលិច និងសម្ដីអ្នកទទួលខុសត្រូវអ៉ីរ៉ង់២រូបវិញ លាតត្រដាងកាលពីថ្ងៃទី១២ឧសភា ថា អារ៉ាប៊ីសាអូឌីត ក៏វាយប្រហារច្រើនលើកលើអ៉ីរ៉ង់ចាប់តាំងពីដំណាច់ខែមីនាមក។
ចំពោះការវាយប្រហាររបស់អារ៉ាប់រួមលើអ៉ីរ៉ង់ មានបណ្ដារូបភាពដែលហាក់ដូចជាបញ្ជាក់ពីការវាយប្រហាររបស់ប្រទេសនោះលើអ៉ីរ៉ង់។ ដើម្បីវាយតម្លៃលើភាពជឿជាក់ ចំពោះការអះអាងពីការវាយប្រហាររបស់អេមីរ៉ាត់អារ៉ាប់រួម និងអារ៉ាប៊ីសាអូឌីតលើអ៉ីរ៉ង់ គេត្រូវពិនិត្យមើលថា តើប្រទេសទាំង២នោះ មានសមត្ថភាពយោធាធ្វើបានដែរឬយ៉ាងណា ។ តាមអ្នកជំនាញការថា ពិតជាធ្វើបានព្រោះប្រទេសទាំង២នោះ មានកងទ័ពអាកាសដ៏ទំនើបបំផុត និងមានការកែប្រែថ្មីក្នុងចំណោមប្រទេសក្នុងតំបន់។ គ្មានអ្វីសង្ស័យទេ ដែលប្រទេសទាំង២នោះ មានមធ្យោបាយវាយប្រហារចំៗបណ្ដាទីតាំងរបស់អ៉ីរ៉ង់។
តាមពិតទៅ មុនពេលចាប់ផ្ដើមសង្គ្រាម ប្រទេសទាំង២នោះបានបដិសេធមិនឲ្យអាមេរិកប្រើប្រាស់ ដែនអាកាសពួកគេ ដើម្បីវាយប្រហារប្រឆាំងអ៉ីរ៉ង់ ដោយចង់ចៀសវាងការអូសទាញពួកគេឲ្យធ្លាក់ចូលក្នុងជម្លោះនោះដែរ ។ តែសង្គ្រាមនេះ មិនអាចឲ្យប្រទេសទាំង២នៅជាអព្យាក្រិតបានទេ។ ពិសេសអ៉ីរ៉ង់បានវាយប្រហារលើប្រទេសចទាំង២ ដោយដ្រូននិងមីស៊ីលដើម្បីប្រែក្លាយសង្គ្រាមដែលអាមេរិកនិងអ៉ីស្រាអែលបង្កឡើង ឲ្យគ្រប់គ្នាមានការឈឺចាប់។
តាមកាសែត WALL STREET JOURNALថា ពេលអារ៉ាប៊ីសាអូឌីតរងការវាយប្រហាររបស់អិុរ៉ង់ ប្រទេសនោះក៏វាយប្រហារលើអេមីរ៉ាត់អារ៉ាប់រួមខ្លាំងក្លាដែរ។ អ៉ីរ៉ង់បានប្រើដ្រូនជាង២៨០០គ្រឿងនិងមីស៊ីលប្រឆាំងអារ៉ាប់រួម ដែលច្រើនជាងប្រើវាយប្រហារអ៉ីស្រាអែលផង។ ចំណែកអ៉ីស្រាអែលវិញក៏បានបញ្ជូនជាពិសេសប្រព័ន្ធការពារអាកាស ជួយដល់អារ៉ាប់រួមក្នុងកិច្ចការពារ ប្រឆាំងការវាយប្រហាររបស់អ៉ីរ៉ង់៕
ចែករំលែកព័តមាននេះ