ផ្អើលទាំងព្រឹក! បុរសម្នាក់បញ្ចប់អ្វីៗគ្រប់យ៉ាងលើស្ពានជ្រោយចង្វារ បន្សល់ទុកតែស្បែកជើង
- ភ្នំពេញ
រាជធានីភ្នំពេញ ៖ បុរសម្នាក់ទំនងជាមានវិបត្តិអ្វីមួយ បានធ្វើដំណើរទៅលោ.តទឹកពីលើស្ពានជ្រោយ
រាជធានីភ្នំពេញ ៖ បុរសម្នាក់ទំនងជាមានវិបត្តិអ្វីមួយ បានធ្វើដំណើរទៅលោ.តទឹកពីលើស្ពានជ្រោយចង្វារ បង្កការភ្ញាក់ផ្អើលកាលពីវេលាម៉ោងប្រមាណ៥និង៥០នាទីព្រឹកថ្ងៃទី១២ ខែកក្កដា ឆ្នាំ ២០២៣ហើយលិចបាត់បន្សល់ទុកតែស្បែកជើង។
បុរសដែលគិតខ្លីនោះ ពុំត្រូវបានស្គាល់អត្តសញ្ញាណឡើយ មានអាយុប្រមាណជាង៣០ឆ្នាំ ។
តាមសាក្សី បានអោយដឹងថា នៅវេលាម៉ោងប្រមាណ៤និង៣០នាទីព្រឹក គេឃើញបុរសរងគ្រោះម្នាក់នោះបានធ្វើដំណើរឡើងស្ពានជ្រោយចង្វារក្នុងទិសដៅពីលិចទៅកើត ។ នៅពេលមកដល់កំផែងស្ពាន ដែលស្ថិតនៅក្នុងសង្កាត់ស្រះចក ខណ្ឌដូនពេញ បុរសរូបនោះបានឈររេរ៉មួយសន្ទុះធំ ហើយបានដោះស្បែកជើង តោងបង្កាត់ដៃស្ពានទៅឈរខាងក្រៅ រួចក៍បានលោ.តចូលទន្លេតែម្តង នៅពេលនោះដែរមានអ្នកដំណើរបំរុងចូលទៅជួយបុរសរងគ្រោះរូបនោះផងដែរ។
តាមសាក្សីបានអោយដឹងទៀតថា ខណៈនោះ គេឃើញបុរសរងគ្រោះរូបនោះបានហែលខ្វៃៗ ភ្លាមៗនោះក៏មានបងប្អូនខ្មែរអ៊ីស្លាម ដែលនៅក្បែរៗនោះក៍បានចេញទូកទៅជួយដែរ តែជាអកុសលបុរសមានវិបត្តិរូបនោះលិចបា.ត់ទៅហើយ សន្សល់ទុកតែស្បែកជើងនៅលើស្ពាន និងមួក អណ្តែតតាមទឹក ។
ទោះបីជាយ៉ាងណា គេពុំដឹងថា បុរសរូបនោះ មានវិបត្តិអ្វី នោះទេបានជាគិតខ្លីបញ្ចប់ជីវីតទាំងវ័យក្មេងបែបនេះ ។
តាមនគរបាលមូលអង្គភាពគោលដៅទី៣ ការពារស្ពានជ្រោយចង្វារបានអោយដឹងថា បុរសរងគ្រោះរូបនោះ ពុំទាន់ស្គាល់អត្តសញ្ញាណឡើយទេ រង់ចាំបងប្អូនមកទំនាក់ទំនងសិន ៕
ចែករំលែកព័តមាននេះ