ខេត្តព្រះសីហនុ ៖ នគរបាលខេត្តព្រះសីហនុ កាលពីថ្ងៃទី៦ ខែកក្កដា ឆ្នាំ២០២៣ បានបង្ក្រាបនិងឃាត់ខ្លួន
មុខសញ្ញាឆក់ចំនួន២នាក់ បន្ទាប់ពីជនសង្ស័យ១ក្រុមបានធ្វើសកម្មភាពឆក់កាបូបជនរងគ្រោះ នៅឆ្នេរសមុទ្រ
រាម ។
ជនសង្ស័យទាំង៣នាក់មាន ១-ឈ្មោះ ចាន់ ហេង ភេទប្រុស អាយុ១៨ ឆ្នាំ «អ្នកឆក់ផ្ទាល់» ២-ឈ្មោះ កៅ
យ៉ូវ ភេទប្រុស អាយុ៣២ឆ្នាំ «អ្នកជិះពីក្រោយ ” ៣-ឈ្មោះ ចាន់ តឹង ភេទប្រុស អាយុ៣១ឆ្នាំ «អ្នកបើកម៉ូតូ» មុខរបរ និងស្នាក់នៅមិនពិតប្រាកដដូចគ្នា ។
ការឃាត់ខ្លួនជនសង្ស័យ ជាមុខសញ្ញាឆក់ទាំង៣នោះ សមត្តកិច្ចបានឲ្យដឹងថា នៅវេលាម៉ោង៣រសៀលថ្ងៃទី៦ ខែកក្កដា មានករណីចោរ១ក្រុម បានធ្វើសកម្មភាព(លួចមានស្ថានទម្ងន់ទោស) ឆក់ការបូបអ្នកដំណើរកំពុងដើរកម្សាន្តនៅលើដងវិថីឆ្នេររាម ស្ថិតក្នុងភូមិថ្មធំ ឃុំរាម ស្រុកព្រៃនប់ ខេត្តព្រះសីហនុ ។
ជនសង្ស័យ១ក្រុមនោះបានជិះម៉ូតូ១ គ្រឿងម៉ាកហុងដាឌ្រីម សេរីឆ្នាំ២០១៤ ពណ៌ខ្មៅ គ្មានផ្លាកលេខ បានឆក់កាបូបពីជនរង គ្រោះឈ្មោះ ទិត សារ៉ែន ភេទស្រី អាយុ៣៨ ឆ្នាំ ។ ខណៈពេលជនសង្ស័យបានធ្វើសកម្មភាពឆក់ ជនរងគ្រោះបានស្រែកថាចោរៗ ពេលនោះកម្លាំងសមត្តកិច្ចដែលកំពុងល្បាតនៅលើដងផ្កូវ បានអន្តរាគមន៍ដេញតាមប្រមាញ់ បណ្តាលឲ្យជនសង្ស័យភ័យស្លន់ស្លោ ក៏ផ្តួលម៉ូតូទុកចោល រួចនាំគ្នារត់គេចខ្លួនចូលព្រៃ ទើប ត្រូវបានកម្លាំងជំនាញ ក្របួចបានទាំង៣នាក់ ។
បន្ទាប់ពីចាប់ខ្លួន ជនសង្ស័យទាំង៣ នាក់បានសារភាពប្រហាក់ប្រហែលគ្នាថា ពួកគេ រួមទាំងបក្ខពួក៣នាក់ទៀត កន្លងមកធ្លាប់ បានធ្វើសកម្មភាព ឆក់និងលួច ចំនួន១២ ករណី ហើយ គឺឆក់លួចម៉ូតូនៅក្នុងក្រុងព្រះសីហនុចំនួន៧ ករណី ឆក់ និងលួចនៅស្រុកព្រៃនប់ចំនួន៥ ករណី ។ ជាមួយនិងការឃាត់ខ្លួនជនសង្ស័យទាំង៣ នាក់នោះ សមត្តកិច្ចបានធ្វើការដកហូតវត្តុតាងរួមមាន ៖
ម៉ូតូ១គ្រឿងម៉ាក ហុងដាឌ្រីម សេរីឆ្នាំ២០១៤ ពណ៌ខ្មៅ គ្មានផ្លាកលេខ(មធ្យោបាយជិះធ្វើសកម្មភាព) ទូរស័ព្ទដៃ៤គ្រឿង ម៉ាក Lenovoពណ៌ស ម៉ាកsam sung និងលិខិតបញ្ចាំមួយ(ជារបស់ជនសង្ស័យ),៣.ទូរស័ព្ទម៉ាកViVo ពណ៌ទឹកមាស និងម៉ាកOpOp ពណ៌ខៀវ(របស់ជនរងគ្រោះ) ។ ជនសង្ស័យ និងវត្ថុតាងត្រូវបានសមត្តកិច្ចកសាងសំណុំរឿងបញ្ជូនទៅសាលាដំបូងខេត្តនីតិវិធី ៕
ចែករំលែកព័តមាននេះ