(អន្តរជាតិ)៖ ជាមួយនឹងអ្នកគាំទ្រជាមធ្យមប្រមាណ ៥៤,០០០ នាក់ បានចូលរួមការប្រគុំតន្ត្រី តារាចម្រៀង Taylor Swift ត្រូវបានគេរាយការណ៍ថាអាចរកចំណូលបានជាង ១៣លានដុល្លារក្នុងមួយយប់នៃការលក់សំបុត្រធួរខនសឺត របស់នាង។ យោងតាម ​​Bloomberg បានឱ្យដឹង ថានេះប្រហែលជាធួរខនសឺតដែលរកចំណូលបានខ្ពស់បំផុតក្នុងប្រវត្តិសាស្ត្រតន្ត្រី។

តារា​ចម្រៀង​វ័យ ៣៣ ឆ្នាំ​រូប​នេះ​កំពុង​ខិត​ជិត​ដល់​ចំណុច​អាចរក​ចំណូល​ជាង ១ ពាន់​លាន​ដុល្លារ ដែល​ជា​ចំនួន​ដែល​មិន​មាន​សិល្បករ​ផ្សេង​ទៀត​សម្រេច​បាន។ 

យោងតាម ​​Pollstar ធួរខនសឺត Eras រកចំណូលបាន ៣០០លានដុល្លារ ក្នុងរយៈពេលត្រឹមតែ ២២ថ្ងៃប៉ុណ្ណោះ។ Taylor Swift គ្រោងនឹងសម្តែងសរុបជាង ៥០កម្មវិធីនៅក្នុងសហរដ្ឋអាមេរិក និងបន្ទាប់មកនៅក្រៅប្រទេសជុំវិញពិភពលោក។ Pollstar ប៉ាន់ប្រមាណថា ចំនួនទឹកប្រាក់ដែលនាំមកអាចឈានដល់ ១.៣ ពាន់លានដុល្លារ ។

តម្លៃសំបុត្រជាមធ្យមសម្រាប់ការប្រគុំតន្ត្រី Taylor Swift គឺ ២៥៤ដុល្លារអាមេរិក៕