អាសូរណាស់! ឌុបគ្នាទៅដាក់ពាក្យធ្វើប៉ូលិសថ្ងៃដំបូង លុះមកវិញ ជួបគ្រោះអកុសលតាមផ្លូវ
- ព្រះសីហនុ
ខេត្តព្រះសីហនុ ៖ យុវជនម្នាក់បានស្លា.ប់បាត់បង់ជីវិតភ្លាមៗនៅនឹងកន្លែងកើតហេតុ និងម្នាក់
ខេត្តព្រះសីហនុ ៖ យុវជនម្នាក់បានស្លា.ប់បាត់បង់ជីវិតភ្លាមៗនៅនឹងកន្លែងកើតហេតុ និងម្នាក់ទៀតរងរបួសធ្ង.ន់ បន្ទាប់ពីជួបគ្រោះថ្នាក់ចរាចរណ៍រវាងម៉ូតូបុ.កជាមួយនឹងរថយន្តក្នុងទិសដៅស្របគ្នា។
ហេតុការណ៍ខាងលើនេះបានកើតមានឡើងកាលពីវេលាម៉ោង៦និង១៣នាទីយប់ថ្ងៃទី២៦ មិថុនា ឆ្នាំ២០២៣ នៅដងផ្លូវជាតិលេខ៤ ចន្លោះបង្គោលគីឡូម៉ែត្រលេខ ២០៩-២១០ ស្ថិតនៅភូមិចំណោទរាម ឃុំបិតត្រាំង ស្រុកព្រៃនប់ ខេត្តព្រះសីហនុ ។
តាមប្រភពពីសមត្ថកិច្ចឲ្យដឹងថា ភាគីខាងម៉ូតូមួយគ្រឿងម៉ាក HONDA ADV ពណ៌ខ្មៅ ពាក់ផ្លាកលេខ ភ្នំពេញ 1IQ-1578 បើកបរដោយឈ្មោះ នៃ កុំ ភេទប្រុស អាយុ២១ឆ្នាំ (បានស្លា.ប់នៅនឹងកន្លែង) និងអ្នករួមដំណើរម្នាក់ឈ្មោះ ចាន់ ពិសិដ្ឋ ភេទប្រុស អាយុ២២ឆ្នាំ (រងរបួសធ្ងន់) ។ ជនរងគ្រោះទាំង២នាក់ មានទីលំនៅភូមិស្ទឹងច្រាល ឃុំអូរបាក់រទេះ ស្រុកកំពង់សិលា ខេត្តព្រះសីហនុ ។ ចំណែកភាគីខាងរថយន្ដមួយគ្រឿងម៉ាកហ៊ីយ៉ាន់ដាយ (HYUNDAI) ពណ៌ស ពាក់ផ្លាកលេខ កំពង់ចាម 3B-0581 និងសឺមីរ៉ុម៉ក់ ពាក់ផ្លាកលេខ ភ្នំពេញ 4A-9151 អ្នកបើកបរមិនទាន់ស្គាល់អត្តសញ្ញាណ (រត់គេចខ្លួន) ។
តាមប្រភពពីសមត្ថកិច្ចឲ្យដឹងថា មុនពេលកើតហេតុ មានម៉ូតូ១គ្រឿងជិះគ្នា២នាក់ ធ្វើដំណើរក្នុងទិសដៅពីខេត្តព្រះសីហនុ ឆ្ពោះទៅភ្នំពេញ លុះមកដល់ចំណុចកើតហេតុខាងលើ ស្រាប់តែបានបុ.កពីក្រោយរថយន្ដមួយគ្រឿងម៉ាកហ៊ីយ៉ាន់ដាយ ដែលមានទិសដៅស្របគ្នា បណ្ដាលឲ្យអ្នកបើកបរម៉ូតូបានស្លា.ប់បាត់បង់ជីវិតភ្លាមៗនៅនឹងកន្លែង និងអ្នករួមដំណើរបានរងរបួសធ្ងន់ ។ ដោយឡែកអ្នកបើកបររថយន្ដបានរត់គេចខ្លួនបាត់ បន្ទាប់ពីកើតហេតុ ។
បច្ចុប្បន្ន ស.ពជនរងគ្រោះម្នាក់ត្រូវបានសមត្ថកិច្ចប្រគល់ជូនសាច់ញាតិយកទៅធ្វើបុណ្យតាមប្រពៃណី ចំណែកជនរងគ្រោះម្នាក់ដែលរងរបួសធ្ងន់ត្រូវបានបញ្ជូនទៅសង្គ្រោះបន្ទាន់នៅគ្លីនិចឯកជន រីឯវត្ថុតាងរថយន្ដ និងម៉ូតូ ត្រូវបានសមត្ថកិច្ចយកមករក្សាទុកបណ្ដោះអាសន្ននៅអធិការដ្ឋាននគរបាលស្រុកព្រៃនប់ រង់ចាំធ្វើការដោះស្រាយនៅពេលក្រោយទៀត ។
ជុំវិញករណីខាងលើនេះដែរ គេសង្កេតឃើញមានគណនីហ្វេសប៊ុកមួយឈ្មោះ ស្រី អូន បានខំមិនថា «មួយស្លា.ប់នឹងប្អូនខ្ញុំតើពូ គ្នាទៅដាក់ពាក្យធ្វើប៉ូលិសថ្ងៃដំបូង មកវិញ RIP ក្តីស្រមៃតាំងពីតូចថា ស្រឡាញ់ការងារធ្វើប៉ូលិស» ៕
ចែករំលែកព័តមាននេះ